മുക്കത്തെ ഡ്രൈവിങ് ടെസ്റ്റ് കേന്ദ്രം കൊടുവള്ളിയിലേക്ക് മാറ്റാന്‍ നീക്കമെന്ന് പരാതി

അ​പേ​ക്ഷ​ക​ര്‍ ടെ​സ്റ്റി​നാ​യി കി​ലോ​മീ​റ്റ​റു​ക​ള്‍ സ​ഞ്ച​രി​ക്കേ​ണ്ടി​വ​രുംമു​ക്കം: മ​ല​യോ​ര മേ​ഖ​ല​യി​ലെ നി​ര​വ​ധി പേ​ർ​ക്ക് ആ​ശ്വാ​സ​മാ​യ മു​ക്ക​ത്തെ ഡ്രൈ​വി​ങ് ടെ​സ്റ്റ് കേ​ന്ദ്രം കൊ​ടു​വ​ള്ളി​യി​ലേ​ക്ക് മാ​റ്റാ​ന്‍ നീ​ക്കം ന​ട​ക്കു​ന്ന​താ​യി സൂ​ച​ന. 2021 ലാ​ണ് കോ​വി​ഡ് കാ​ല​ത്തെ കെ​ട്ടി​ക്കി​ട​ക്കു​ന്ന അ​പേ​ക്ഷ​ക​ള്‍ തീ​ര്‍ക്കു​ന്ന​തി​ന്‍റെ ഭാ​ഗ​മാ​യി ആ​ഴ്ച​യി​ലൊ​രി​ക്ക​ല്‍ മു​ക്ക​ത്ത് ഡ്രൈ​വി​ങ് ടെ​സ്റ്റ് അ​നു​വ​ദി​ച്ചി​രു​ന്ന​ത്. പി​ന്നീ​ട് അ​പേ​ക്ഷ സാ​ധാ​ര​ണ രീ​തി​യി​ലാ​യ സാ​ഹ​ച​ര്യ​ത്തി​ല്‍ ഇ​ത് ഒ​ഴി​വാ​ക്കി​യി​രു​ന്നു.

എ​ന്നാ​ല്‍, ടെ​സ്റ്റ് കേ​ന്ദ്രം നി​ര്‍ത്ത​ലാ​ക്കി​യ​തോ​ടെ അ​പേ​ക്ഷ​ക​ര്‍ക്കു​ണ്ടാ​യ പ്ര​യാ​സ​ങ്ങ​ള്‍ ലി​ന്‍റോ ജോ​സ​ഫ് എം.​എ​ല്‍.​എ ജി​ല്ല വി​ക​സ​ന​സ​മി​തി യോ​ഗ​ത്തി​ല്‍ ഉ​ന്ന​യി​ച്ച​തി​നെ​തു​ട​ര്‍ന്ന് 2022 ല്‍ ​മു​ക്ക​ത്ത് സ്ഥി​രം ടെ​സ്റ്റ് കേ​ന്ദ്രം അ​നു​വ​ദി​ച്ച് കോ​ഴി​ക്കോ​ട് റീ​ജ​ന​ൽ ട്രാ​ന്‍സ്പോ​ര്‍ട്ട് ഓ​ഫി​സ​ര്‍ ഉ​ത്ത​ര​വി​ടു​ക​യാ​യി​രു​ന്നു. വ്യാ​ഴാ​ഴ്ച​യാ​ണ് മു​ക്കം പു​തി​യ ബ​സ് സ്റ്റാ​ൻ​ഡി​ന് സ​മീ​പ​ത്തെ ഗ്രൗ​ണ്ടി​ല്‍ ടെ​സ്റ്റ് ന​ട​ക്കു​ന്ന​ത്. അ​തി​രാ​വി​ലെ ആ​രം​ഭി​ക്കു​ന്ന ഡ്രൈ​വി​ങ് ടെ​സ്റ്റി​ന് മ​ല​യോ​ര​മേ​ഖ​ല​യി​ൽ​നി​ന്നു​ള്ള​വ​ർ നേ​ര​ത്തേ കി​ലോ​മീ​റ്റ​റു​ക​ള്‍ സ​ഞ്ച​രി​ച്ച് ഏ​റെ പ്ര​യാ​സ​പ്പെ​ട്ടാ​യി​രു​ന്നു വി​വി​ധ കേ​ന്ദ്ര​ങ്ങ​ളി​ല്‍ എ​ത്തി​യി​രു​ന്ന​ത്. സ്ത്രീ​ക​ള​ട​ക്ക​മു​ള്ള നി​ര​വ​ധി അ​പേ​ക്ഷ​ക​ര്‍ക്ക് ഏ​റെ സൗ​ക​ര്യ​പ്ര​ദ​മാ​യി​രു​ന്നു മു​ക്ക​ത്തെ ടെ​സ്റ്റ് കേ​ന്ദ്രം.

ഇ​തി​നി​ടെ​യാ​ണ് ചി​ല കേ​ന്ദ്ര​ങ്ങ​ളി​ല്‍നി​ന്നു​ള്ള സ​മ്മ​ര്‍ദ​ത്തെ​തു​ട​ര്‍ന്ന് കേ​ന്ദ്രം കൊ​ടു​വ​ള്ളി​യി​ലേ​ക്ക് മാ​റ്റാ​ൻ ശ്ര​മ​ങ്ങ​ള്‍ ന​ട​ക്കു​ന്ന​ത്. ആ​ര്‍.​ടി ഓ​ഫി​സ് കൊ​ടു​വ​ള്ളി​യി​ലാ​ണെ​ങ്കി​ലും ഇ​വി​ടെ ടെ​സ്റ്റ് കേ​ന്ദ്രം ഉ​ണ്ടാ​യി​രു​ന്നി​ല്ല. വി​വി​ധ ദി​വ​സ​ങ്ങ​ളി​ല്‍ ചാ​ത്ത​മം​ഗ​ലം, തി​രു​വ​മ്പാ​ടി, മു​ക്കം, താ​മ​ര​ശ്ശേ​രി എ​ന്നീ കേ​ന്ദ്ര​ങ്ങ​ളി​ലാ​യാ​ണ് ടെ​സ്റ്റ് ന​ട​ക്കു​ന്ന​ത്. മു​ക്ക​ത്ത് ആ​ർ.​ടി ഓ​ഫി​സി​നാ​യി ന​ഗ​ര​സ​ഭ സ്ഥ​ലം ഏ​റ്റെ​ടു​ത്ത് ന​ൽ​കി​യാ​ൽ കെ​ട്ടി​ടം നി​ർ​മി​ച്ച് പു​തി​യ ഓ​ഫി​സ് അ​നു​വ​ദി​ക്കു​മെ​ന്ന് ലി​ന്റോ ജോ​സ​ഫ് ടെ​സ്റ്റ് ഉ​ദ്ഘാ​ട​ന വേ​ദി​യി​ല്‍ പ്ര​ഖ്യാ​പി​ച്ചി​രു​ന്നു. ഇ​തി​നു​ള്ള ശ്ര​മ​ങ്ങ​ൾ ന​ട​ക്കു​ന്ന​തി​നി​ട​യാ​ണ് പു​തി​യ നീ​ക്കം.

മു​ക്ക​ത്ത് ന​ട​ന്ന ന​വ​കേ​ര​ള സ​ദ​സ്സി​ല്‍ മു​ക്ക​ത്ത് ആ​ര്‍.​ടി ഓ​ഫി​സ് അ​നു​വ​ദി​ക്ക​ണ​മെ​ന്ന് ആ​വ​ശ്യ​പ്പെ​ട്ടു​ള്ള നി​വേ​ദ​ന​വും ന​ല്‍കി​യി​രു​ന്നു. നി​ല​വി​ല്‍ മു​ക്കം ടൗ​ണി​ലെ ര​ണ്ട് ബ​സ് സ്റ്റാ​ന്‍ഡു​ക​ള്‍ക്ക് സ​മീ​പ​ത്താ​യി പ്ര​വ​ർ​ത്തി​ക്കു​ന്ന ടെ​സ്റ്റ് ഗ്രൗ​ണ്ട് അ​പേ​ക്ഷ​ക​ര്‍ക്ക് സൗ​ക​ര്യ​പ്ര​ദ​മാ​യ സ്ഥ​ല​മാ​ണ്.