നാലുവർഷം കഴിഞ്ഞിട്ടും മായാതെ മഷി; ഒടുവിൽ കൃഷ്ണനുണ്ണി വോട്ട് ചെയ്തു

മു​ക്കം: 2020ൽ ​ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലേ​ക്ക് ന​ട​ന്ന തെ​ര​ഞ്ഞെ​ടു​പ്പി​ൽ കൈ​വി​ര​ലി​ൽ പ​തി​പ്പി​ച്ച വി​ര​ല​ട​യാ​ളം നാ​ലു​വ​ർ​ഷം ക​ഴി​ഞ്ഞി​ട്ടും മാ​യാ​തെ കി​ട​ന്ന​തോ​ടെ ഇ​ത്ത​വ​ണ വോ​ട്ടു​ചെ​യ്യാ​നാ​വു​മോ എ​ന്ന ആ​ശ​ങ്ക​യി​ലാ​യി​രു​ന്നു മു​ക്കം ന​ഗ​ര​സ​ഭ​യി​ലെ ഉ​ത്രാ​ടം കൈ​പു​റ​ത്ത് കൃ​ഷ്ണ​നു​ണ്ണി എ​ന്ന 61കാ​ര​ൻ. 30 വ​ർ​ഷ​ത്തോ​ള​മാ​യി മു​ക്ക​ത്തും പ​രി​സ​ര​ത്തും ഓ​ട്ടോ ഡ്രൈ​വ​റാ​യി ജോ​ലി ചെ​യ്തു വ​രു​ക​യാ​ണ്.

ആ​ശ​ങ്ക​യോ​ടെ​യാ​ണ​ങ്കി​ലും വോ​ട്ട് ചെ​യ്യ​ണ​മെ​ന്ന നി​ശ്ച​യ​ദാ​ർ​ഢ്യ​ത്തോ​ടെ പോ​ളി​ങ് സ്റ്റേ​ഷ​നി​ലെ​ത്തി ഉ​ദ്യോ​ഗ​സ്ഥ​​രെ കാ​ര്യ​ങ്ങ​ൾ പ​റ​ഞ്ഞു മ​ന​സ്സി​ലാ​ക്കി​യ​തോ​ടെ വോ​ട്ടു​ചെ​യ്യാ​ൻ അ​നു​മ​തി ല​ഭി​ക്കു​ക​യാ​യി​രു​ന്നു. ന​ഖം വെ​ട്ടി​യാ​ലും വീ​ണ്ടും വ​ള​ർ​ന്നു​വ​രു​ന്ന ന​ഖ​ത്തി​നും അ​തേ​പോ​ലെ അ​ട​യാ​ളം വ​രു​ന്നു​ണ്ടെ​ന്നും നി​ര​വ​ധി​ത​വ​ണ മ​ഷി മാ​യ്ക്കാ​ൻ ശ്ര​മി​ച്ചി​ട്ടും സാ​ധി​ച്ചി​ല്ലെ​ന്നും അ​ദ്ദേ​ഹം പ​റ​ഞ്ഞു.