സെ​ക്രട്ടറിമാർക്ക് ‘ഇരിപ്പുറക്കാതെ’ കാരശ്ശേരി പഞ്ചായത്ത്

മു​ക്കം: യു.​ഡി.​എ​ഫ് ഭ​രി​ക്കു​ന്ന കാ​ര​ശ്ശേ​രി പ​ഞ്ചാ​യ​ത്തി​ൽ സെ​ക്ര​ട്ട​റി​മാ​ർ​ക്ക് ഇ​രി​പ്പി​ട​മു​റ​ക്കു​ന്നി​ല്ല. മൂ​ന്നു​വ​ർ​ഷം​കൊ​ണ്ട് ഏ​ഴ് സെ​ക്ര​ട്ട​റി​മാ​ർ സ്ഥ​ലം മാ​റി​പ്പോ​യ​പ്പോ​ൾ എ​ട്ടാ​മ​ത്തെ സെ​ക്ര​ട്ട​റി വി.​ആ​ർ.​എ​സ് പ്ര​കാ​രം പോ​കു​ക​യാ​യി​രു​ന്നു. വി​ഷ​യം ഭ​ര​ണ​സ​മി​തി യോ​ഗം നി​ർ​ത്തി ച​ർ​ച്ച ചെ​യ്യ​ണ​മെ​ന്നാ​വ​ശ്യ​പ്പെ​ട്ട് ഇ​ട​തു​പ​ക്ഷ​ത്തു​നി​ന്ന് ശി​വ​ദാ​സ​ൻ കാ​രോ​ട്ടി​ൽ ന​ൽ​കി​യ അ​ടി​യ​ന്ത​ര പ്ര​മേ​യ​ത്തി​ന് അ​നു​മ​തി നി​ഷേ​ധി​ച്ച​തോ​ടെ ഭ​ര​ണ​സ​മി​തി യോ​ഗം ബ​ഹ​ള​ത്തി​ൽ ക​ലാ​ശി​ച്ചു.

പ്ര​സി​ഡ​ന്റി​ന്റെ ന​ട​പ​ടി​യി​ൽ പ്ര​തി​ഷേ​ധി​ച്ച് എ​ൽ.​ഡി.​എ​ഫ് മെം​ബ​ർ​മാ​ർ ഇ​റ​ങ്ങി​പ്പോ​കു​ക​യും ചെ​യ്തു. ഈ ​ഭ​ര​ണ​സ​മി​തി വ​ന്ന​തി​നു​ശേ​ഷം മൂ​ന്നു വ​ർ​ഷ​ത്തി​നു​ള്ളി​ൽ എ​ട്ടാ​മ​ത്തെ സെ​ക്ര​ട്ട​റി​യാ​ണ് പ്ര​സി​ഡ​ന്റ് ഉ​ൾ​പ്പെ​ടെ​യു​ള്ള ഭ​ര​ണ​സ​മി​തി മെം​ബ​ർ​മാ​രു​ടെ പീ​ഡ​ന​ത്തി​ൽ മ​നം​നൊ​ന്ത് സ്ഥ​ലം മാ​റി​പ്പോ​കു​ന്ന​തെ​ന്നും അ​വ​സാ​നം വ​ന്ന സെ​ക്ര​ട്ട​റി സ്ഥ​ലം​മാ​റ്റം ല​ഭി​ക്കാ​ത്ത​തി​നെ​തു​ട​ർ​ന്ന് ര​ണ്ടു​വ​ർ​ഷം കൂ​ടി ജോ​ലി അ​വ​ശേ​ഷി​ക്കെ സ​ർ​വി​സി​ൽ​നി​ന്ന് സ്വ​യം വി​ര​മി​ച്ചു പോ​കു​ന്ന അ​വ​സ്ഥ ഉ​ണ്ടാ​യ​താ​യും ഇ​ട​ത് മെം​ബ​ർ​മാ​ർ പ​റ​ഞ്ഞു.

പ​ദ്ധ​തി നി​ർ​വ​ഹ​ണ ചു​മ​ത​ല​യു​ള്ള പ്ലാ​ൻ ക്ല​ർ​ക്ക് ക​ടു​ത്ത സ​മ്മ​ർ​ദ​ത്തെ​തു​ട​ർ​ന്ന് നാ​ലു​മാ​സ​ത്തെ ലീ​വെ​ടു​ത്ത് പോ​യി​രി​ക്കു​ക​യാ​ണെ​ന്നും പ​ര​സ്പ​രം ഐ​ക്യ​മി​ല്ലാ​ത്ത സ്റ്റി​യ​റി​ങ് ക​മ്മി​റ്റി അം​ഗ​ങ്ങ​ൾ ഭ​ര​ണ​സ​മി​തി യോ​ഗ​ത്തി​ൽ​വ​ന്ന് ക​ല​ഹി​ക്കു​ന്ന​ത് പ​തി​വാ​ണെ​ന്നും ഇ​വ​ർ ആ​രോ​പി​ച്ചു.

ശി​വ​ദാ​സ​ൻ കാ​രോ​ട്ടി​ൽ, എം.​ആ​ർ. സു​കു​മാ​ര​ൻ, ഇ.​പി. അ​ജി​ത്ത്, കെ.​കെ. നൗ​ഷാ​ദ്, ജി​ജി​ത സു​രേ​ഷ്, ശ്രു​തി ക​മ്പ​ള​ത്ത്, സി​ജി സി​ബി എ​ന്നി​വ​രാ​ണ് ഇ​റ​ങ്ങി​പ്പോ​യ​ത്.

പഞ്ചായത്ത് സെക്രട്ടറി വിരമിക്കൽ അപേക്ഷ നൽകിയത് എം.എൽ.എയുടെ സമ്മർദം മൂലം -പഞ്ചായത്ത് പ്രസിഡന്റ്

മു​ക്കം: കാ​ര​ശ്ശേ​രി ഗ്രാ​മ​പ​ഞ്ചാ​യ​ത്തി​ലെ ഉ​ദ്യോ​ഗ​സ്ഥ​ർ നി​ര​ന്ത​രം സ്ഥ​ലം​മാ​റി​പ്പോ​കു​ന്ന​ത് പ​ഞ്ചാ​യ​ത്ത് ഭ​ര​ണ​സ​മി​തി​യു​ടെ സ​മ്മ​ർ​ദം മൂ​ല​മാ​ണെ​ന്ന എ​ൽ.​ഡി.​എ​ഫ് അം​ഗ​ങ്ങ​ളു​ടെ ആ​രോ​പ​ണം ത​ള്ളി പ​ഞ്ചാ​യ​ത്ത് പ്ര​സി​ഡ​ന്റ് വി.​പി. സ്മി​ത. ഭ​ര​ണ​സ​മി​തി​യു​ടെ തീ​രു​മാ​നം മ​റി​ക​ട​ന്ന് ന​വ​കേ​ര​ള സ​ദ​സ്സി​ലേ​ക്ക് ഫ​ണ്ട് ന​ൽ​കാ​നു​ള്ള എം.​എ​ൽ.​എ​യു​ടെ​യും പ​ഞ്ചാ​യ​ത്തി​ലെ എ​ൽ.​ഡി.​എ​ഫ് അം​ഗ​ങ്ങ​ളു​ടെ​യും സ​മ്മ​ർ​ദം മൂ​ല​മാ​ണ് പ​ഞ്ചാ​യ​ത്ത് സെ​ക്ര​ട്ട​റി വി​ര​മി​ക്ക​ൽ അ​പേ​ക്ഷ ന​ൽ​കി​യ​തെ​ന്ന് വി.​പി. സ്മി​ത വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. ന​വ കേ​ര​ള സ​ദ​സ്സി​ന്റെ സ്വാ​ഗ​ത​സം​ഘ രൂ​പ​വ​ത്ക​ര​ണ യോ​ഗ​ത്തി​ൽ എം.​എ​ൽ.​എ സെ​ക്ര​ട്ട​റി​ക്ക് ഇ​തു​സം​ബ​ന്ധി​ച്ച് ക​ർ​ശ​ന നി​ർ​ദേ​ശം ന​ൽ​കി​യി​രു​ന്നു. എ​ൽ.​ഡി.​എ​ഫ് അം​ഗ​ങ്ങ​ളു​ടെ സ​മ്മ​ർ​ദം മൂ​ലം ന​വം​ബ​ർ 25ന് ​സെ​ക്ര​ട്ട​റി പ​ണം ന​ൽ​കാ​ൻ ഉ​ത്ത​ര​വി​റ​ക്കി​യെ​ങ്കി​ലും 27ന് ​ചേ​ർ​ന്ന ഭ​ര​ണ​സ​മി​തി യോ​ഗം ഈ ​ആ​വ​ശ്യം ത​ള്ളു​ക​യും ഉ​ത്ത​ര​വ് റ​ദ്ദാ​ക്കു​ക​യു​മാ​യി​രു​ന്നു. പി​ന്നീ​ട് ഇ​തു​സം​ബ​ന്ധി​ച്ച കോ​ട​തി ഉ​ത്ത​ര​വ് വ​ന്ന​പ്പോ​ഴാ​ണ് സെ​ക്ര​ട്ട​റി കൂ​ടു​ത​ൽ സ​മ്മ​ർ​ദ​ത്തി​ലാ​യ​ത്. ഒ​രു ഭാ​ഗ​ത്ത് എം.​എ​ൽ.​എ​യും ഇ​ട​ത് അം​ഗ​ങ്ങ​ൾ ഉ​ൾ​പ്പെ​ടെ​യു​ള്ള​വ​രു​ടെ സ​മ്മ​ർ​ദ​വും മ​റു​ഭാ​ഗ​ത്ത് കോ​ട​തി ഉ​ത്ത​ര​വും ഉ​ണ്ടാ​യ സാ​ഹ​ച​ര്യ​ത്തി​ലാ​ണ് സെ​ക്ര​ട്ട​റി വി.​ആ​ർ.​എ​സ് എ​ടു​ത്ത് പോ​യ​ത്.

പ​ഞ്ചാ​യ​ത്തി​ൽ വി​ക​സ​നം ത​ട​സ്സ​പ്പെ​ടു​ത്താ​ൻ 2020 ഡി​സം​ബ​റി​ൽ യു.​ഡി.​എ​ഫ് അ​ധി​കാ​ര​ത്തി​ലേ​റി​യ​തു മു​ത​ൽ ഇ​ട​തു​പ​ക്ഷം ഇ​ട​പെ​ട്ട് ഉ​ദ്യോ​ഗ​സ്ഥ​രെ മാ​റ്റി ക​ളി​ക്കു​ക​യാ​ണെ​ന്നും പ്ര​സി​ഡ​ന്റ് പ​റ​ഞ്ഞു. വാ​ർ​ത്ത​സ​മ്മേ​ള​ന​ത്തി​ൽ വൈ​സ് പ്ര​സി​ഡ​ന്റ് ജം​ഷീ​ദ് ഉ​ള​ക​ര, സ്ഥി​രം​സ​മി​തി അ​ധ്യ​ക്ഷ​ൻ സ​ത്യ​ൻ മു​ണ്ട​യി​ൽ എ​ന്നി​വ​രും പ​ങ്കെ​ടു​ത്തു.