വീണ്ടും കണ്ണ് ലീഗ് വിമതനിലേക്ക്; മു​ക്കം ന​ഗ​ര​സ​ഭ​യി​ൽ ഇ​ട​തു​ഭ​ര​ണം പ്ര​തി​സ​ന്ധി​യി​ലേ​ക്ക്

മു​ക്കം: മു​സ്‍ലിം ലീ​ഗ് വി​മ​ത​ന്റെ പി​ന്തു​ണ​യോ​ടെ ഇ​ട​തു​മു​ന്ന​ണി ഭ​രി​ക്കു​ന്ന മു​ക്കം ന​ഗ​ര​സ​ഭ​യി​ൽ ഭ​ര​ണ പ്ര​തി​സ​ന്ധി. ക​ഴി​ഞ്ഞ ദി​വ​സം ന​ട​ന്ന ഭ​ര​ണ സ​മി​തി യോ​ഗ​ത്തി​ൽ യു.​ഡി.​എ​ഫ് വി​മ​ത​ൻ പ്ര​തി​പ​ക്ഷ​ത്തോ​ടൊ​പ്പം​നി​ന്ന് നി​ല​പാ​ടെ​ടു​ത്ത​താ​ണ് ഭ​ര​ണ​പ​ക്ഷ​ത്തെ വെ​ട്ടി​ലാ​ക്കി​യ​ത്.

പു​തി​യ ഹ​രി​ത ക​ർ​മ​സേ​നാം​ഗ​ങ്ങ​ളെ നി​യ​മി​ക്കു​ന്ന​തു​മാ​യി ബ​ന്ധ​പ്പെ​ട്ട ച​ർ​ച്ച​യി​ലാ​ണ് ലീ​ഗ് വി​മ​ത​ൻ അ​ബ്ദു​ൽ മ​ജീ​ദ് പ്ര​തി​പ​ക്ഷ നി​ല​പാ​ടി​നൊ​പ്പം നി​ന്ന​ത്. നി​ല​വി​ൽ 35 ഹ​രി​ത ക​ർ​മ​സേ​നാം​ഗ​ങ്ങ​ളാ​ണ് ന​ഗ​ര​സ​ഭ​യി​ലു​ള്ള​ത്. എ​ന്നാ​ൽ, മാ​ലി​ന്യ ശേ​ഖ​ര​ണ​വും സം​സ്ക​ര​ണ​വു​മു​ൾ​പ്പെ​ടെ കൂ​ടു​ത​ൽ വേ​ഗ​ത്തി​ലാ​ക്കു​ക എ​ന്ന ല​ക്ഷ്യ​ത്തോ​ടെ പ​ത്തു​പേ​രെ കൂ​ടി എ​ടു​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു.

എ​ന്നാ​ൽ, നി​ല​വി​ൽ ഹ​രി​ത ക​ർ​മ​സേ​നാം​ഗ​ങ്ങ​ളു​ള്ള ഡി​വി​ഷ​നു​ക​ളി​ൽ​നി​ന്ന് ത​ന്നെ​യാ​ണ് പു​തു​താ​യി തെ​ര​ഞ്ഞെ​ടു​ത്ത​തെ​ന്നും ത​ന്റെ ഡി​വി​ഷ​നാ​യ ഇ​ര​ട്ട​കു​ള​ങ്ങ​ര ഡി​വി​ഷ​നി​ൽ​നി​ന്ന് ഒ​രാ​ൾ പോ​ലും ഹ​രി​ത ക​ർ​മ​സേ​ന​യി​ൽ ഇ​ല്ലെ​ന്നും അ​ബ്ദു​ൽ മ​ജീ​ദ് പ​റ​ഞ്ഞു. മ​റ്റ് ഡി​വി​ഷ​നു​ക​ളി​ലും ഈ ​പ്ര​ശ്നം നി​ല​നി​ൽ​ക്കു​ന്നു​ണ്ടെ​ന്നും അ​ദ്ദേ​ഹം പ​റ​ഞ്ഞു.

ഹ​രി​ത ക​ർ​മ​സേ​നാം​ഗ​ങ്ങ​ളെ തി​ര​ഞ്ഞെ​ടു​ക്കാ​ൻ കു​ടും​ബ​ശ്രീ​യെ​യാ​ണ് ന​ഗ​ര​സ​ഭ ചു​മ​ത​ല​പ്പെ​ടു​ത്തി​യ​തെ​ന്നും എ​ന്നാ​ൽ ഇ​ത്ത​ര​ത്തി​ലൊ​രു സ​ർ​ക്കാ​ർ നി​ർ​ദേ​ശം ഇ​ല്ലെ​ന്നും അ​ബ്ദു​ൽ മ​ജീ​ദ് പ​റ​ഞ്ഞു. ന​ഗ​ര​സ​ഭ​യി​ൽ ഹ​രി​ത ക​ർ​മ​സേ​ന​ക്ക് പി​ൻ​വാ​തി​ൽ നി​യ​മ​ന​മെ​ന്ന ആ​രോ​പ​ണ​വു​മാ​യി ക​ഴി​ഞ്ഞ ദി​വ​സം പ്ര​തി​പ​ക്ഷ​വും രം​ഗ​ത്തെ​ത്തി​യി​രു​ന്നു.

നി​ല​വി​ൽ ലീ​ഗ് വി​മ​ത​ന്റെ ഉ​ൾ​പ്പെ​ടെ പി​ന്തു​ണ​യി​ൽ നേ​രി​യ ഭൂ​രി​പ​ക്ഷ​ത്തി​നാ​ണ് ഇ​ട​തു​മു​ന്ന​ണി ന​ഗ​ര​സ​ഭ ഭ​രി​ക്കു​ന്ന​ത്. 33 അം​ഗ​ങ്ങ​ളു​ള്ള ന​ഗ​ര​സ​ഭ​യി​ൽ എ​ൽ.​ഡി.​എ​ഫി​ന് പ​തി​നാ​റും യു.​ഡി.​എ​ഫി​ന് 12 ഉം ​വെ​ൽ​ഫെ​യ​ർ പാ​ർ​ട്ടി​ക്ക് മൂ​ന്നും ബി.​ജെ.​പി​ക്ക് ര​ണ്ടും സീ​റ്റു​മാ​ണു​ള്ള​ത്.

ലീ​ഗ് വി​മ​ത​ന്റെ പി​ന്തു​ണ​യോ​ടെ ഇ​തു​വ​രെ ന​ഗ​ര​സ​ഭ ഭ​രി​ച്ചി​രു​ന്ന എ​ൽ.​ഡി.​എ​ഫി​ന് വ​ലി​യ ഭൂ​രി​പ​ക്ഷം ഇ​ല്ലാ​ത്ത​ത് നി​ര​വ​ധി പ്ര​തി​സ​ന്ധി​ക​ൾ സൃ​ഷ്ടി​ച്ചി​രു​ന്നു. പ​ദ്ധ​തി വി​ത​ര​ണം ചെ​യ്ത​തി​ൽ പ​ക്ഷ​പാ​തം കാ​ണി​ക്കു​ന്ന​താ​യി ആ​രോ​പി​ച്ച് യു.​ഡി.​എ​ഫ് അം​ഗ​ങ്ങ​ൾ നേ​ര​ത്തെ ഹൈ​കോ​ട​തി​യെ സ​മീ​പി​ക്കു​ക​യും അ​നു​കൂ​ല ഉ​ത്ത​ര​വ് വാ​ങ്ങി​യെ​ടു​ക്കു​ക​യും ചെ​യ്തി​രു​ന്നു.