താ​മ​ര​ശ്ശേ​രി ക​ഴി​ഞ്ഞാ​ൽ സ്റ്റോ​പ് അ​രീ​ക്കോ​ട്ട്; കെ.​എ​സ്.​ആ​ർ.​ടി.​സി ദീ​ർ​ഘ​ദൂ​ര ബ​സു​ക​ൾ​ക്ക് സ്റ്റോ​പ്പി​ല്ലാ​തെ മു​ക്കം; യാ​ത്ര​ക്കാ​ർ ദു​രി​ത​ത്തി​ൽ

മു​ക്കം: മു​ക്ക​ത്തു​കാ​ർ​ക്ക് കെ.​എ​സ്.​ആ​ർ.​ടി.​സി​യു​ടെ ദീ​ർ​ഘ​ദൂ​ര ബ​സു​ക​ളി​ൽ യാ​ത്ര ചെ​യ്യേ​ണ്ടേ? യാ​ത്ര​ക്കാ​രു​ടെ ദീ​ർ​ഘ​കാ​ല​മാ​യു​ള്ള ഈ ​ചോ​ദ്യ​ത്തി​ന് എ​ന്ന് പ​രി​ഹാ​ര​മാ​വും. കോ​ഴി​ക്കോ​ട് ജി​ല്ല​യി​ലെ പ്ര​ധാ​ന ന​ഗ​ര​ങ്ങ​ളി​ലൊ​ന്നും മ​ല​യോ​ര മേ​ഖ​ല​യു​ടെ കേ​ന്ദ്ര​വു​മാ​യ മു​ക്കം ന​ഗ​ര​ത്തി​ൽ ദീ​ർ​ഘ​ദൂ​ര ബ​സു​ക​ളി​ൽ ക​യ​റാ​നും ഇ​റ​ങ്ങാ​നും ആ​ളു​ക​ളു​ണ്ടാ​യി​ട്ടും സ്റ്റോ​പ്പി​ല്ലാ​താ​യ​തോ​ടെ യാ​ത്ര​ക്കാ​രു​ടെ ദു​രി​തം വ​ർ​ധി​ക്കു​ന്നു. മു​ക്ക​ത്തു​നി​ന്ന് താ​മ​ര​ശ്ശേ​രി​യി​ലെ​ത്താ​ൻ 15 കി​ലോ​മീ​റ്റ​ർ സ​ഞ്ച​രി​ക്ക​ണം. അ​രീ​ക്കോ​ടും 15 കി​ലോ​മീ​റ്റ​ർ ദൂ​രെ​യാ​ണ്. ര​ണ്ടു സ്ഥ​ല​ങ്ങ​ളി​ലു​മാ​ണ് സ്റ്റോ​പ് നി​ല​വി​ലു​ള്ള​ത്. മ​റ്റു വാ​ഹ​ന​ങ്ങ​ൾ കി​ട്ടാ​ൻ ബു​ദ്ധി​മു​ട്ടു​ള്ള രാ​ത്രി​യി​ൽ അ​വി​ടെ ഇ​റ​ങ്ങി മു​ക്ക​ത്തെ​ത്താ​നും പ്ര​യാ​സ​മാ​ണ്. അ​തി​നാ​ൽ യാ​ത്ര​ക്കാ​ർ സ്വ​കാ​ര്യ ബ​സു​ക​ളെ ആ​ശ്ര​യി​ക്കാ​ൻ നി​ർ​ബ​ന്ധി​ത​രാ​വു​ക​യാ​ണ്.

ബം​ഗ​ളൂ​രു, മൈ​സൂ​രു, കൊ​ച്ചി, തി​രു​വ​ന​ന്ത​പു​രം തു​ട​ങ്ങി​യ സ്ഥ​ല​ങ്ങ​ളി​ലേ​ക്ക് പെ​രി​ന്ത​ൽ​മ​ണ്ണ, മ​ല​പ്പു​റം, മ​ഞ്ചേ​രി, അ​രീ​ക്കോ​ട്, താ​മ​ര​ശ്ശേ​രി, ക​ൽ​പ​റ്റ വ​ഴി​യു​ള്ള ദീ​ർ​ഘ​ദൂ​ര ബ​സു​ക​ൾ​ക്കാ​ണ് മു​ക്ക​ത്ത് സ്റ്റോ​പ് ഇ​ല്ലാ​ത്ത​ത്. ക​ർ​ണാ​ട​ക​യി​ലെ വി​വി​ധ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ പ​ഠി​ക്കു​ന്ന നി​ര​വ​ധി വി​ദ്യാ​ർ​ഥി​ക​ൾ ഇ​വി​ടെ​യു​ണ്ട്. ബം​ഗ​ളൂ​രു​വി​ൽ ഐ.​ടി മേ​ഖ​ല​യി​ലും മ​റ്റും ജോ​ലി ചെ​യ്യു​ന്ന​വ​രു​മു​ണ്ട്. തെ​ക്ക​ൻ കേ​ര​ള​ത്തി​ലെ വി​വി​ധ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ വി​ദ്യാ​ർ​ഥി​ക​ൾ മു​ക്കം ന​ഗ​ര​ത്തി​ൽ നി​ന്ന് യാ​ത്ര ചെ​യ്യു​ന്നു​ണ്ട്. തി​രു​വ​ന​ന്ത​പു​രം റീ​ജ​ന​ൽ കാ​ൻ​സ​ർ സെ​ന്റ​ർ, എ​റ​ണാ​കു​ളം അ​മൃ​ത ആ​ശു​പ​ത്രി തു​ട​ങ്ങി​യ സ്ഥാ​പ​ന​ങ്ങ​ളി​ൽ പോ​കേ​ണ്ട​വ​രും ദീ​ർ​ഘ​ദൂ​ര യാ​ത്ര​ക്ക് മു​ക്ക​ത്ത് എ​ത്താ​റു​ണ്ട്.

തൃ​ശൂ​ർ മു​ത​ൽ തി​രു​വ​ന​ന്ത​പു​രം വ​രെ വി​വി​ധ സ്ഥാ​പ​ന​ങ്ങ​ളി​ൽ ജോ​ലി ചെ​യ്യു​ന്ന നി​ര​വ​ധി പേ​ർ യാ​ത്ര ആ​രം​ഭി​ക്കു​ന്ന​ത് മു​ക്ക​ത്ത് നി​ന്നാ​ണ്. അ​ങ്ങ​നെ​യു​ള്ള മു​ക്കം വ​ഴി ക​ട​ന്നു​പോ​വു​ന്ന കെ.​എ​സ്.​ആ​ർ.​ടി.​സി​യു​ടെ മി​ന്ന​ൽ, വോ​ൾ​വോ, എ​ക്സ്പ്ര​സ്, സൂ​പ്പ​ർ​ഫാ​സ്റ്റ്, ഫാ​സ്റ്റ് പാ​സ​ഞ്ച​ർ, സൂ​പ്പ​ർ എ​ക്സ്പ്ര​സ് എ​യ​ർ ബ​സ്, സൂ​പ്പ​ർ ഡീ​ല​ക്സ് എ​യ​ർ എ​ന്നി​വ​യ​ട​ക്ക​മു​ള്ള ബ​സു​ക​ൾ​ക്ക് മു​ക്കം ന​ഗ​ര​ത്തി​ൽ സ്റ്റോ​പ് അ​നു​വ​ദി​ക്ക​ണ​മെ​ന്ന് മൊ​യ്തീ​ൻ കോ​യ ഹാ​ജി മെ​മ്മോ​റി​യ​ൽ ചാ​രി​റ്റ​ബി​ൾ ട്ര​സ്റ്റ് ആ​വ​ശ്യ​പ്പെ​ട്ടു. ആ​വ​ശ്യ​മു​ന്ന​യി​ച്ച് ട്ര​സ്റ്റ് സെ​ക്ര​ട്ട​റി ഗ​താ​ഗ​ത മ​ന്ത്രി​ക്ക് നി​വേ​ദ​നം ന​ൽ​കു​ക​യും ചെ​യ്തു.