ക്വാറി വിഷയത്തിൽ കാരശ്ശേരിയിലെ സി.പി.എമ്മും മുസ്‍ലിം ലീഗും ഭായി ഭായി

മു​ക്കം: കാ​ര​ശ്ശേ​രി, കൊ​ടി​യ​ത്തൂ​ർ ഗ്രാ​മ​പ​ഞ്ചാ​യ​ത്ത് പ​രി​ധി​യി​ൽ കൊ​ടി​യ​ത്തൂ​ർ, കു​മാ​ര​നെ​ല്ലൂ​ർ വി​ല്ലേ​ജ് പ​രി​ധി​യി​ൽ ആ​രം​ഭി​ക്കാ​നി​രി​ക്കു​ന്ന ക​രി​ങ്ക​ൽ ഖ​ന​ന​വു​മാ​യി ബ​ന്ധ​പ്പെ​ട്ട് ന​ട​ന്ന ഹി​യ​റി​ങ്ങി​ൽ ഖ​ന​ന​ത്തി​ന് അ​നു​കൂ​ല നി​ല​പാ​ട് സ്വീ​ക​രി​ച്ച കാ​ര​ശ്ശേ​രി ഗ്രാ​മ​പ​ഞ്ചാ​യ​ത്തി​ലെ സി.​പി.​എം മെം​ബ​ർ കെ.​പി. ഷാ​ജി, സി.​പി.​ഐ മെം​ബ​ർ എം.​ആ​ർ. സു​കു​മാ​ര​ൻ, മു​സ്‍ലിം ലീ​ഗ് പ​ഞ്ചാ​യ​ത്ത് ക​മ്മി​റ്റി സെ​ക്ര​ട്ട​റി സ​ലാം തേ​ക്കും​കു​റ്റി എ​ന്നി​വ​രു​ടെ ന​ട​പ​ടി വി​വാ​ദ​മാ​വു​ന്നു. 10 ഹെ​ക്ട​റി​ല​ധി​കം സ്ഥ​ല​ത്ത് ആ​രം​ഭി​ക്കാ​നി​രി​ക്കു​ന്ന ക്വാ​റി​ക്ക് അ​നു​കൂ​ല​മാ​യാ​ണ് ക​ല​ക്ട​റു​ടെ അ​ധ്യ​ക്ഷ​ത​യി​ൽ ന​ട​ന്ന പൊ​തു തെ​ളി​വെ​ടു​പ്പി​ൽ ഇ​വ​ർ നി​ല​പാ​ടെ​ടു​ത്ത​ത്.

കാ​ര​ശ്ശേ​രി​യി​ൽ പു​തി​യ ക്വാ​റി​ക​ൾ​ക്കോ ക്ര​ഷ​റു​ക​ൾ​ക്കോ അ​നു​മ​തി ന​ൽ​കേ​ണ്ട​തി​ല്ലെ​ന്ന ഇ​ട​തു​മു​ന്ന​ണി​യു​ടെ പ്ര​ഖ്യാ​പി​ത നി​ല​പാ​ടി​നെ​തി​രാ​ണി​ത്. ഇ​തി​നെ​തി​രെ സി.​പി.​എ​മ്മി​ൽ വ​ലി​യ രീ​തി​യി​ൽ പ്ര​തി​ഷേ​ധ​മു​യ​രു​ന്നു​ണ്ട്. സി.​പി.​എം സ​മ്മേ​ള​ന​ങ്ങ​ൾ​ക്ക് തു​ട​ക്ക​മാ​യ​തോ​ടെ ലോ​ക്ക​ൽ സ​മ്മേ​ള​ന​ങ്ങ​ളി​ലും വി​ഷ​യം ച​ർ​ച്ച​യാ​വു​മെ​ന്ന് ഉ​റ​പ്പാ​ണ്. പ​ഞ്ചാ​യ​ത്തി​ലെ മ​റ്റ് സി.​പി.​എം മെം​ബ​ർ​മാ​ർ ഷാ​ജി​ക്കെ​തി​രെ പാ​ർ​ട്ടി​ക്ക് പ​രാ​തി ന​ൽ​കി​യി​ട്ടു​ണ്ട്. ബി ​വ​ൺ കാ​റ്റ​ഗ​റി​യി​ലു​ള്ള വ​ലി​യ ക്വാ​റി​യാ​ണ് ആ​രം​ഭി​ക്കാ​ൻ പോ​കു​ന്ന​ത്.

10ാം വാ​ർ​ഡ് മെം​ബ​റാ​യ കെ.​പി. ഷാ​ജി ക്വാ​റി അ​സോ​സി​യേ​ഷ​ൻ സം​സ്ഥാ​ന ഭാ​ര​വാ​ഹി കൂ​ടി​യാ​ണ്. സം​സ്ഥാ​ന​ത്തി​ന്റെ സ്വ​പ്ന​പ​ദ്ധ​തി​യാ​യ ആ​ന​ക്കാം​പൊ​യി​ൽ - മേ​പ്പാ​ടി -ക​ള്ളാ​ടി തു​ര​ങ്ക​പാ​ത​യോ​ടു ചേ​ർ​ന്നാ​ണ് ക്വാ​റി​യെ​ന്നും സ​മീ​പ റോ​ഡു​ക​ളി​ൽ ഗ​താ​ഗ​ത സം​വി​ധാ​നം മെ​ച്ച​പ്പെ​ടു​ത്താ​ൻ ഇ​ത്ത​രം പ​ദ്ധ​തി​ക​ൾ​കൊ​ണ്ട് മാ​ത്ര​മേ സാ​ധ്യ​മാ​വൂ എ​ന്നു​മു​ള്ള വി​ചി​ത്ര വാ​ദ​മാ​ണ് സി.​പി.​എം അം​ഗം ഉ​ന്ന​യി​ച്ചി​രി​ക്കു​ന്ന​ത്. മാ​ത്ര​മ​ല്ല, ലൈ​ഫ് മി​ഷ​ൻ പ​ദ്ധ​തി​ക്ക് സാ​മ​ഗ്രി​ക​ൾ ല​ഭി​ക്കാ​ൻ ക്വാ​റി അ​ത്യാ​വ​ശ്യ​മാ​ണെ​ന്നും മു​ക്കം മേ​ഖ​ല​യി​ലാ​ണ് കേ​ര​ള​ത്തി​ൽ ഏ​റ്റ​വും കു​റ​ഞ്ഞ വി​ല​യി​ൽ നി​ർ​മാ​ണ വ​സ്‌​തു​ക്ക​ൾ ല​ഭ്യ​മാ​കു​ന്ന​തെ​ന്നും അ​ദ്ദേ​ഹം ഹി​യ​റി​ങ്ങി​ൽ പ​റ​ഞ്ഞു. സി.​പി.​ഐ നേ​താ​വും തോ​ട്ട​ക്കാ​ട് വാ​ർ​ഡ് മെം​ബ​റു​മാ​യ എം.​ആ​ർ. സു​കു​മാ​ര​നും വി​ചി​ത്ര വാ​ദ​മാ​ണ് ഉ​ന്ന​യി​ച്ച​ത്. ഒ​രു കാ​ല​ത്ത് യാ​ത്ര-​കു​ടി​വെ​ള്ള സൗ​ക​ര്യം കു​റ​വാ​യി​രു​ന്ന കാ​ര​ശ്ശേ​രി​യി​ൽ ഇ​ത്ത​രം സ്ഥാ​പ​ന​ങ്ങ​ൾ വ​ന്ന​തു​കൊ​ണ്ടാ​ണ് ജീ​വി​ത സാ​ഹ​ച​ര്യ​ങ്ങ​ൾ മെ​ച്ച​പ്പെ​ട്ട​തെ​ന്നും 2018ലെ ​പ്ര​ള​യ​കാ​ല​ത്ത് ധാ​രാ​ളം സ​ഹാ​യ​ങ്ങ​ൾ ക്വാ​റി​യു​ട​മ ന​ൽ​കി​യി​ട്ടു​ണ്ടെ​ന്നും പ്ര​ദേ​ശ​ത്തെ ആ​ദി​വാ​സി, പ​ട്ടി​ക​ജാ​തി-​വ​ർ​ഗ​ക്കാ​രു​ടെ ജീ​വി​ത സാ​ഹ​ച​ര്യം ഉ​യ​ർ​ത്താ​ൻ ഇ​തി​ലൂ​ടെ ക​ഴി​യു​മെ​ന്നും സു​കു​മാ​ര​ൻ ബോ​ധി​പ്പി​ച്ചു. കു​മാ​ര​നെ​ല്ലൂ​ർ വി​ല്ലേ​ജി​ൽ ഒ​റ്റ പ്ലോ​ട്ടി​ൽ 13 ഹെ​ക്‌​ട​റി​ൽ അ​ധി​കം ആ​ൾ​ത്താ​മ​സ​മി​ല്ലാ​ത്ത ഇ​ത്ത​രം സ്ഥ​ല​ങ്ങ​ളി​ല​ല്ലാ​തെ മ​റ്റെ​വി​ടെ​യാ​ണ് സ​ർ​ക്കാ​ർ മാ​ന​ദ​ണ്ഡ​ങ്ങ​ളും വ്യ​വ​സ്ഥ​ക​ളും പാ​ലി​ച്ച് ഖ​ന​ന പ​ദ്ധ​തി​ക്ക് അ​നു​മ​തി കൊ​ടു​ക്കാ​നാ​വു​ക എ​ന്ന ചോ​ദ്യ​മാ​ണ് ലീ​ഗ് നേ​താ​വ് സ​ലാം തേ​ക്കും​കു​റ്റി ചോ​ദി​ച്ച​ത്.

സാ​മ്പ​ത്തി​ക പ്ര​തി​സ​ന്ധി നേ​രി​ടു​ന്ന സാ​ധാ​ര​ണ​ക്കാ​ര​ന് അ​ൽ​പ​മെ​ങ്കി​ലും ആ​ശ്വാ​സം ന​ൽ​കു​ന്ന മേ​ഖ​ല​യാ​ണ് ഇ​തെ​ന്ന് പൊ​തു പ്ര​വ​ർ​ത്ത​ക​നെ​ന്ന നി​ല​യി​ൽ പ​റ​യാ​ൻ ക​ഴി​യു​മെ​ന്നും പ​ഞ്ചാ​യ​ത്തി​ൽ ജ​ല​ക്ഷാ​മം അ​നു​ഭ​വി​ക്കു​ന്ന മേ​ഖ​ല​ക​ളി​ൽ കു​ടി​വെ​ള്ളം എ​ത്തി​ക്കു​ന്ന​തി​ന് ഗ്രാ​മ​പ​ഞ്ചാ​യ​ത്ത് അ​ധി​കൃ​ത​ർ സ​ഹാ​യം ചോ​ദി​ക്കു​ന്ന​ത് ഇ​ത്ത​രം സ്ഥാ​പ​ന​ങ്ങ​ളോ​ടാ​ണെ​ന്നും അ​ദ്ദേ​ഹം പ​റ​ഞ്ഞു. നൂ​റി​ല​ധി​കം പേ​ർ പ​ങ്കെ​ടു​ത്ത പൊ​തു ഹി​യ​റി​ങ്ങി​ലാ​ണ് ഇ​വ​ർ ക്വാ​റി​ക്ക് അ​നു​കൂ​ല​മാ​യ നി​ല​പാ​ട് സ്വീ​ക​രി​ച്ചി​രി​ക്കു​ന്ന​ത്. ജി​ല്ല​യി​ൽ ത​ന്നെ ഏ​റ്റ​വു​മ​ധി​കം ക്വാ​റി​ക​ളും ക്ര​ഷ​റു​ക​ളും പ്ര​വ​ർ​ത്തി​ക്കു​ന്ന മേ​ഖ​ല​യി​ൽ നി​ര​വ​ധി​യാ​ളു​ക​ൾ ഇ​തി​ന്റെ പ്ര​വ​ർ​ത്ത​നം മൂ​ലം ദു​രി​ത​മ​നു​ഭ​വി​ക്കു​മ്പോ​ഴാ​ണ് ക്വാ​റി വി​ഷ​യ​ത്തി​ൽ എ​ൽ.​ഡി.​എ​ഫ്, യു.​ഡി.​എ​ഫ് നേ​താ​ക്ക​ൾ അ​നു​കൂ​ല നി​ല​പാ​ട് സ്വീ​ക​രി​ച്ചി​രി​ക്കു​ന്ന​ത് എ​ന്ന​തും ശ്ര​ദ്ധേ​യ​മാ​ണ്.