മൂന്നു മീറ്റർ റോഡ്, നാലു ക്വാറികൾ, ഒരു ക്രഷർ യൂനിറ്റ്

മു​ക്കം: കാ​ര​ശ്ശേ​രി ഗ്രാ​മ​പ​ഞ്ചാ​യ​ത്ത് 13ാം വാ​ർ​ഡി​ലെ ആ​ദം​പ​ടി-​തോ​ണി​ച്ചാ​ൽ-​മോ​ലി​ക്കാ​വ് റോ​ഡ​രി​കി​ൽ താ​മ​സി​ക്കു​ന്ന നൂ​റോ​ളം കു​ടും​ബ​ങ്ങ​ളു​ടെ ദു​രി​ത​ത്തി​ന് 20 വ​ർ​ഷ​ത്തെ പ​ഴ​ക്ക​ം. പ്ര​ദേ​ശ​ത്തെ ക്വാ​റി​ക​ളും ക്ര​ഷ​റു​മാ​ണ് നൂ​റി​ല​ധി​കം കു​ടും​ബ​ങ്ങ​ൾ​ക്ക് ദു​രി​തം സ​മ്മാ​നി​ക്കു​ന്ന​ത്. നാ​ല് ക്വാ​റി​ക​ളും ഒ​രു ക്ര​ഷ​റും ഈ ​പ്ര​ദേ​ശ​ത്ത് പ്ര​വ​ർ​ത്തി​ക്കു​ന്നു​ണ്ട്. ഇ​വി​ടേ​ക്കു​ള്ള നൂ​റു​ക​ണ​ക്കി​ന് ടി​പ്പ​ർ ലോ​റി​ക​ള​ട​ക്ക​മു​ള്ള വാ​ഹ​ന​ങ്ങ​ൾ നി​ര​ന്ത​രം ക​ട​ന്നു​പോ​വു​ന്ന​ത് മൂ​ന്നു മീ​റ്റ​റി​ൽ താ​ഴെ മാ​ത്രം വീ​തി​യു​ള്ള റോ​ഡി​ലൂ​ടെ​യാ​ണ്. പ്ര​ദേ​ശ​ത്തെ വി​വി​ധ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലേ​ക്കു​മു​ള്ള വി​ദ്യാ​ർ​ഥി​ക​ൾ പോ​കു​ന്ന ഈ ​റോ​ഡി​ലൂ​ടെ​യു​ള്ള വാ​ഹ​ന​ങ്ങ​ളു​ടെ നി​ര​ന്ത​ര സ​ഞ്ചാ​രം ഏ​റെ അ​പ​ക​ട ഭീ​ഷ​ണി​യാ​ണു​ണ്ടാ​ക്കു​ന്ന​തെ​ന്ന് നാ​ട്ടു​കാ​ർ പ​റ​യു​ന്നു.

വാ​ഹ​ന​ങ്ങ​ൾ ക​ട​ന്നു​പോ​കു​മ്പോ​ഴു​ള്ള പൊ​ടി​ശ​ല്യം കാ​ര​ണ​മു​ള്ള ദു​രി​ത​വും ഏ​റെ​യാ​ണ്. പ്ര​ദേ​ശ​വാ​സി​ക​ൾ​ക്ക് ആ​സ്ത്മ, അ​ല​ർ​ജി തു​ട​ങ്ങി​യ അ​സു​ഖ​ങ്ങ​ളും പ​തി​വാ​ണ്. ക​ഴി​ഞ്ഞ 20 വ​ർ​ഷ​മാ​യി ത​ങ്ങ​ൾ ഈ ​ദു​രി​തം അ​നു​ഭ​വി​ച്ചു വ​രു​ക​യാ​ണെ​ന്നും, ഗ്രാ​മ​പ​ഞ്ചാ​യ​ത്ത്, ജി​യോ​ള​ജി വ​കു​പ്പ്, ജി​ല്ല ക​ല​ക്ട​ർ തു​ട​ങ്ങി​യ​വ​ർ​ക്കെ​ല്ലാം പ​രാ​തി ന​ൽ​കി​യി​രു​ന്നെ​ങ്കി​ലും ഇ​തു​വ​രെ ത​ങ്ങ​ൾ​ക്ക് എ​വി​ടെ നി​ന്നും നീ​തി ല​ഭി​ച്ചി​ട്ടി​ല്ലെ​ന്നും ആ​ക്ഷ​ൻ ക​മ്മി​റ്റി ഭാ​ര​വാ​ഹി​ക​ൾ പ​റ​ഞ്ഞു.

ഇ​തി​നു പു​റ​മെ ക്വാ​റി​ക​ളി​ൽ നി​ര​ന്ത​രം സ്ഫോ​ട​ന​ങ്ങ​ൾ ന​ട​ക്കു​ന്ന​തി​നാ​ൽ പ്ര​ദേ​ശ​ത്തെ വീ​ടു​ക​ൾ​ക്കു വി​ള്ള​ലു​ക​ൾ സം​ഭ​വി​ക്കു​ന്ന​ത് പ​തി​വാ​ണെ​ന്നും ഇ​വ​ർ പ​റ​യു​ന്നു. 2021ൽ ​ക്വാ​റി ഉ​ട​മ​ക​ൾ ഒ​രു വ​ർ​ഷ​ത്തി​ന​കം ക്വാ​റി​യി​ലേ​ക്ക് സ​മാ​ന്ത​ര റോ​ഡ് നി​ർ​മി​ക്കു​മെ​ന്ന് ഉ​റ​പ്പു​ന​ൽ​കി​യി​രു​ന്നെ​ങ്കി​ലും ഇ​തു​വ​രെ പാ​ലി​ച്ചി​ല്ലെ​ന്നും ഇ​വ​ർ ആ​രോ​പി​ച്ചു. പ്ര​ശ്നം പ​രി​ഹ​രി​ച്ചി​ല്ലെ​ങ്കി​ൽ ക്വാ​റി​ക​ൾ​ക്ക് സ​മീ​പം കു​ടി​ൽ കെ​ട്ടി അ​നി​ശ്ചി​ത​കാ​ല സ​ത്യ​ഗ്ര​ഹം ന​ട​ത്തു​മെ​ന്ന് ആ​ക്ഷ​ൻ ക​മ്മി​റ്റി ഭാ​ര​വാ​ഹി​ക​ളാ​യ ഇ​ർ​ഷാ​ദ്, ഗ​ഫൂ​ർ, മു​ഹ​മ്മ​ദ​ലി എ​ട​ക്ക​ണ്ടി, സ​ഫ്‍വാ​ൻ ക​ള​ത്തി​ൽ, ജെ​നീ​ഷ്, നൗ​ഷാ​ദ് കൊ​ള​ക്കാ​ട്ടി​ൽ എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.