കോഴിക്കോട്ട്​ ബഹുനില റോബോട്ടിക്​ പാർക്കിങ്​ പ്ലാസ

കോഴിക്കോട്​: നഗരത്തിൽ രണ്ടിടത്ത്​ ബഹുനില റോബോട്ടിക്​ പാർക്കിങ്​ പ്ലാസ നിർമിക്കുന്നതിന്​ വിശദ പദ്ധതിരേഖ (ഡി.പി.ആർ) തയാറാക്കാൻ​ നഗരസഭ കൗൺസിൽ യോഗം അംഗീകാരം നൽകി. ഇ.എം.എസ്​ സ്​റ്റേഡിയം, മാനാഞ്ചിറ കിഡ്​സൺ കോർണർ എന്നിവിടങ്ങളിലുള്ള നഗരസഭയുടെ സ്​ഥലത്താണ്​ ബി.ഒ.ടി വ്യവസ്​ഥയിൽ അത്യാധുനിക പാർക്കിങ്​ പ്ലാസ നിർമിക്കുന്നത്​. കിഡ്​സൺ കോർണറിൽ 22.70 സെൻറ്​ സ്​ഥലത്ത്​ നിർമിക്കുന്ന പ്ലാസയുടെ മൊത്തം വിസ്​തൃതി 7579 ച. മീ. ആണ്​. ഇതി​െൻറ 15 ശതമാനം 1100 ച. മീ. ഭാഗം വാണിജ്യാവശ്യത്തിനായിരിക്കും. ഇതിൽ 250 ച. മീ. നഗരസഭക്കു​ നൽകും. 45.43 കോടി രൂപ ചെലവു പ്രതീക്ഷിക്കുന്ന ബഹുനില പ്ലാസയിൽ 320 കാറുകളും 180 സ്​കൂട്ടറുകളും പാർക്കുചെയ്യാം.

136 സെൻറ്​ സ്​ഥലത്ത്​ നിർമിക്കുന്ന സ്​റ്റേഡിയം പാർക്കിങ്​ പ്ലാസയുടെ നിമാർണ വിസ്​തൃതി 35,000 ച. മീ. ആണ്​. ഇതി​െൻറ 15 ശതമാനം 5250 ച. മീ. വാണിജ്യാവശ്യത്തിനായിരിക്കും. ഇതിൽ 1750 ച. മീ. നഗരസഭക്കു​ നൽകും. 116.6 കോടി ചെലവ്​ പ്രതീക്ഷിക്കുന്ന പ്ലാസയിൽ 640 കാറും 800 സ്​കൂട്ടറുകളും പാർക്കുചെയ്യാം.

നഗരസഭയുടെ ഭൂമി 30 വർഷത്തേക്ക്​ പാട്ടത്തിന് നൽകുക മാത്രമാണ്​ ചെയ്യുന്നതെന്നും പാട്ടത്തുകയായി ഒരു കോടി രൂപ വീതം എല്ലാ വർഷവും ലഭിക്കുമെന്നും യോഗത്തിൽ അധ്യക്ഷത വഹിച്ച​ മേയർ തോട്ടത്തിൽ രവീന്ദ്രൻ പറഞ്ഞു. കാഞ്ചിക്കോ​െട്ട സ്​റ്റാർട്ടപ്പായ നോവൽ ബ്രിഡ്​ജസ്​ ആൻഡ്​ ഇൻഫ്രാസ്​ട്രക്​ച്ചർ ഡെവലപ്​മെൻറ്​ ഇന്ത്യ പ്രൈവറ്റ്​ ലിമിറ്റഡിെനയാണ്​ പദ്ധതിനടത്തിപ്പിനായി ​െതരഞ്ഞെടുത്തത്​. പദ്ധതിയുടെ ട്രാൻസാക്​ഷൻ അ​ൈ​ഡ്വസറി സർവിസിനായി സെൻറർ ഫോർ മാനേജ്​മെൻറ്​ ആൻഡ്​ ​െഡവലപ്​മെൻറിനെ സർക്കാർതന്നെ ചുമതലപ്പെടുത്തിയിട്ടുണ്ട്​്​. അന്തിമ അനുമതിക്ക്​ മുന്നോടിയായാണ്​ വ്യവസ്​ഥകളിൽ പൂർണമായ തീരുമാനം കൈക്കൊള്ളുകയെന്നും അദ്ദേഹം കൂട്ടിച്ചേർത്തു. ​

പ്ലാസകളുടെ നിർമാണം പൂർണമായും സ്​റ്റീലിലായിരിക്കുമെന്നും ഒരു വാഹനം പാർക്ക്​ ​െചയ്യുന്നതിന്​ കേവലം മുപ്പതു സെക്കൻഡ്​ മാത്രമാണ്​ സമയമെടുക്കുകയെന്നും നോവൽ ബ്രിഡ്​ജസ് പ്രതിനിധി അഫ്​സൽ ഹുസൈൻ ​േയാഗത്തിൽ വിശദീകരിച്ചു.

കാർ പ്ലാസക്കുള്ളിൽ നിർത്തി ഉടമ പുറത്തെ മെഷീനിൽ അമർത്തുന്നതോ​െട കാർഡ്​ ലഭിക്കും. ഇതോടെ സുരക്ഷ മുൻനിർത്തി സ്​കാൻ ​െചയ്​ത കാർ മുകൾനിലയിലെവിടെയാണോ സ്​ഥലമുള്ളത്​ അവിടേക്ക്​ ഒാ​േട്ടാമാറ്റിക്കായി എത്തും. പിന്നീട്​ ഇൗ കാർഡ്​ വീണ്ടും മെഷീനിൽ പ്രവേശിപ്പിക്കുന്നതോടെ കാർ താഴെ നിലയിലെത്തുകയുമാണ്​ ചെയ്യുക. സ്​റ്റേഡിയം പ്ലാസക്ക്​ 20 നിലകളാണുണ്ടാവുക. അനുമതികളെല്ലാം പെ​െട്ടന്ന്​ ലഭ്യമായാൽ രണ്ടു വർഷംകൊണ്ട്​ പദ്ധതി യാഥാർഥ്യമാക്കാനാവുമെന്നും ആറു മീറ്റർ നീളവും രണ്ടര മീറ്റർ വീതിയും രണ്ടരമീറ്റർ വ​െ​ര ഉയരവും അഞ്ചു​ ടൺ വ​െ​ര ഭാരവുമുള്ള വാഹനങ്ങൾ വരെ പ്ലാസയിൽ പാർക്ക്​ ചെയ്യാനാവുമെന്നും അദ്ദേഹം അറിയിച്ചു.

അതേസമയം, മുൻപരിചയവും മതിയായ സാമ്പത്തികഭദ്രതയും ഇല്ലാത്ത സ്​ഥാപനത്തിന്​ നിർമാണ കരാർ നൽകുന്നത്​ കൂടുതൽ കൂടിയാലോചനകൾക്കുശേഷമേ പാടുള്ളൂവെന്ന്​ പ്രതിപക്ഷ കൗൺസിലർമാർ ആവശ്യപ്പെട്ടു.