നാദാപുരം താലൂക്കാശുപത്രി: ജീവനക്കാരിൽ അസ്വസ്ഥത പുകയുന്നു

നാ​ദാ​പു​രം: അ​ന്യാ​യ​നി​യ​മ​ന​ത്തി​ന്റെ പേ​രി​ൽ ബ്ലോ​ക്ക് ഭ​ര​ണ​സ​മി​തി​യും ജീ​വ​ന​ക്കാ​രും ത​മ്മി​ലു​ട​ലെ​ടു​ത്ത ത​ർ​ക്കം നാ​ദാ​പു​രം താ​ലൂ​ക്കാ​ശു​പ​ത്രി​യെ പൂ​ർ​ണ സ്തം​ഭ​ന​ത്തി​ലേ​ക്ക് ന​യി​ക്കു​ന്നു. ബ്ലോ​ക്ക് ഭ​ര​ണ​സ​മി​തി​യു​ടെ​യും പ്ര​സി​ഡ​ന്റി​ന്റെ​യും പീ​ഡ​നം തു​ട​ർ​ന്നാ​ൽ അ​ത്യാ​ഹി​ത വി​ഭാ​ഗ​മ​ട​ക്കം ബ​ഹി​ഷ്ക​രി​ച്ച് പ്ര​തി​ഷേ​ധി​ക്കു​മെ​ന്ന് ജീ​വ​ന​ക്കാ​ർ മു​ന്ന​റി​യി​പ്പ് ന​ൽ​കി. നി​യ​മ​ലം​ഘ​നം ന​ട​ത്തി യോ​ഗ്യ​ത​യി​ല്ലാ​ത്ത സ്വ​ന്ത​ക്കാ​രെ സ​ർ​ക്കാ​ർ സ്ഥാ​പ​ന​ങ്ങ​ളി​ൽ തി​രു​കി​ക്ക​യ​റ്റാ​ൻ ഉ​ദ്യോ​ഗ​സ്ഥ​രെ സ​മ്മ​ർ​ദ​ത്തി​ലാ​ക്കു​ന്നു​വെ​ന്നാ​ണ് ജീ​വ​ന​ക്കാ​രു​ടെ പ്ര​ധാ​ന ആ​രോ​പ​ണം.

ഔ​ദ്യോ​ഗി​ക ചു​മ​ത​ല​ക​ൾ നി​ർ​വ​ഹി​ക്കാ​ൻ സൂ​പ്ര​ണ്ടി​നെ അ​നു​വ​ദി​ക്കു​ക, യോ​ഗ്യ​ത​യു​ള്ള സെ​ക്യൂ​രി​റ്റി ഉ​ദ്യോ​ഗ​സ്ഥ​രെ നി​യ​മി​ച്ച് ആ​ശു​പ​ത്രി​യി​ലെ ജീ​വ​ന​ക്കാ​ർ​ക്ക് മ​തി​യാ​യ സു​ര​ക്ഷി​ത​ത്വം ഉ​റ​പ്പാ​ക്കു​ക എ​ന്നീ മു​ദ്രാ​വാ​ക്യ​ങ്ങ​ളു​യ​ർ​ത്തി വെ​ള്ളി​യാ​ഴ്ച കെ.​ജി.​എം.​ഒ.​എ​യു​ടെ ബാ​ന​റി​ൽ ജീ​വ​ന​ക്കാ​ർ ആ​ശു​പ​ത്രി​ക്ക് സ​മീ​പം പ്ര​തി​ഷേ​ധ സം​ഗ​മം ന​ട​ത്തി. ആ​ശു​പ​ത്രി​യി​ൽ സ​ർ​ക്കാ​ർ ച​ട്ട​ങ്ങ​ൾ പ്ര​കാ​ര​മു​ള്ള റാ​ങ്ക് ലി​സ്റ്റ് നി​ല​നി​ൽ​ക്കെ അ​ത് മ​റി​ക​ട​ന്ന് യോ​ഗ്യ​ത​യി​ല്ലാ​ത്ത സ്വ​ന്ത​ക്കാ​രെ സു​ര​ക്ഷ ജീ​വ​ന​ക്കാ​രാ​യി നി​യ​മി​ക്കാ​ൻ ബ്ലോ​ക്ക് പ്ര​സി​ഡ​ന്റി​ന്റെ നേ​തൃ​ത്വ​ത്തി​ൽ ന​ട​ത്തി​യ ശ്ര​മം ആ​ശു​പ​ത്രി​യെ സം​ഘ​ർ​ഷ​ഭ​രി​ത​മാ​ക്കു​ക​യാ​യി​രു​ന്നു. നി​യ​മ​ന​ത്തി​ന് കൂ​ട്ടു​നി​ൽ​ക്കാ​ത്ത സൂ​പ്ര​ണ്ടി​നെ മാ​ന​സി​ക സ​മ്മ​ർ​ദ​ത്തി​ലാ​ക്കു​ക​യും നി​ര​ന്ത​രം ബു​ദ്ധി​മു​ട്ടി​ക്കു​ക​യും ചെ​യ്യു​ന്ന​താ​യി കെ.​ജി.​എം.​ഒ.​എ നേ​താ​ക്ക​ൾ ആ​രോ​പി​ച്ചു. സ​ർ​ക്കാ​ർ ആ​ശു​പ​ത്രി​ക​ളി​ൽ നി​യ​മി​ക്കു​ന്ന സു​ര​ക്ഷ ജീ​വ​ന​ക്കാ​ർ വി​മു​ക്ത​ഭ​ട​ന്മാ​രാ​യി​രി​ക്ക​ണ​മെ​ന്ന് കൃ​ത്യ​മാ​യ മാ​ർ​ഗ​നി​ർ​ദേ​ശ​മു​ണ്ട്. എ​ന്നാ​ൽ, നാ​ദാ​പു​രം താ​ലൂ​ക്കാ​ശു​പ​ത്രി​യി​ൽ പു​തി​യ മാ​ന​ദ​ണ്ഡ​ങ്ങ​ൾ പൂ​ർ​ണ​മാ​യും പാ​ലി​ച്ചു​കൊ​ണ്ട് എ​ച്ച്.​എം.​സി തീ​രു​മാ​ന പ്ര​കാ​രം ക​ഴി​ഞ്ഞ മാ​സം ഒ​മ്പ​തി​ന് സെ​ക്യൂ​രി​റ്റി ജീ​വ​ന​ക്കാ​രു​ടെ അ​ഭി​മു​ഖം ന​ട​ന്നി​രു​ന്നു. ഇ​തി​ന്റെ റാ​ങ്ക് ലി​സ്റ്റ് പ്ര​സി​ദ്ധീ​ക​രി​ക്കാ​നും നി​യ​മ​നം ന​ട​ത്താ​നും ബ്ലോ​ക്ക് പ്ര​സി​ഡ​ന്റു​ൾ​പ്പെ​ടെ​യു​ള്ള​വ​ർ സ്ഥാ​പ​ന മേ​ധാ​വി​യാ​യ ആ​ശു​പ​ത്രി സൂ​പ്ര​ണ്ടി​നെ അ​നു​വ​ദി​ക്കു​ന്നി​ല്ല. താ​ലൂ​ക്കാ​ശു​പ​ത്രി​യി​ൽ സ​ർ​ക്കാ​ർ ച​ട്ട​ങ്ങ​ൾ പ്ര​കാ​ര​മു​ള്ള റാ​ങ്ക് ലി​സ്റ്റ് നി​ല​നി​ൽ​ക്കെ അ​തി​നെ മ​റി​ക​ട​ന്ന് യോ​ഗ്യ​ത​യി​ല്ലാ​ത്ത സ്വ​ന്ത​ക്കാ​രെ സു​ര​ക്ഷ ജീ​വ​ന​ക്കാ​രാ​യി നി​യ​മി​ക്കാ​നാ​ണ് ശ്ര​മം. അ​ഭി​മു​ഖ​ത്തി​ന്റെ മാ​ർ​ക്ക് ലി​സ്റ്റ് ര​ണ്ടാ​ഴ്ച​യോ​ളം ബ്ലോ​ക്ക് പ്ര​സി​ഡ​ന്റ് ആ​ശു​പ​ത്രി ഓ​ഫി​സി​ലേ​ക്ക് കൈ​മാ​റാ​തെ കൈ​വ​ശം വെ​ക്കു​ക​യാ​യി​രു​ന്നു. ആ​ശു​പ​ത്രി സൂ​പ്ര​ണ്ട് നി​ര​ന്ത​രം രേ​ഖാ​മൂ​ലം ആ​വ​ശ്യ​പ്പെ​ട്ട​തി​നു​ശേ​ഷം മാ​ത്രം മാ​ർ​ക്ക് ലി​സ്റ്റ് കൈ​മാ​റി​യ​ത്. എ​ന്നി​ട്ടും അ​ഭി​മു​ഖ​ത്തി​ന്റെ തു​ട​ർ​ന​ട​പ​ടി​ക​ൾ ന​ട​ത്ത​രു​തെ​ന്നാ​ണ് സൂ​പ്ര​ണ്ടി​ന് നി​ർ​ദേ​ശം ന​ൽ​കി​യി​രി​ക്കു​ന്ന​ത്.

സു​ര​ക്ഷി​ത​മാ​യി ജോ​ലി ചെ​യ്യാ​നു​ള്ള സാ​ഹ​ച​ര്യ​ത്തി​നും ന​ഴ്സി​ങ് ഓ​ഫി​സ​ർ​ക്കെ​തി​രെ ഉ​ണ്ടാ​യ അ​ധി​ക്ഷേ​പ​ത്തി​നും ഭീ​ഷ​ണി​ക്കു​മെ​തി​രെ സ്റ്റാ​ഫ് കൗ​ൺ​സി​ൽ പ്ര​തി​ഷേ​ധി​ക്കു​ക​യും ജീ​വ​ന​ക്കാ​ർ പ​രാ​തി​യു​മാ​യി മു​ന്നോ​ട്ട് പോ​വു​ക​യും ചെ​യ്തി​രു​ന്നു. സം​ഭ​വ​ത്തി​ൽ പൊ​ലീ​സ് അ​ന്വേ​ഷ​ണം ന​ട​ന്നു​വ​രി​ക​യാ​ണ്. ആ​ശു​പ​ത്രി​യി​ൽ നാ​ല് സെ​ക്യൂ​രി​റ്റി വേ​ണ്ട സ്ഥാ​ന​ത്ത്, ഒ​റ്റ​യാ​ൾ മാ​ത്ര​മാ​ണ് നി​ല​വി​ലു​ള്ള​ത്.

രാ​ത്രി​കാ​ല​ങ്ങ​ളി​ൽ സെ​ക്യൂ​രി​റ്റി ഇ​ല്ലാ​ത്ത​തി​നാ​ൽ പ​ല അ​നി​ഷ്ട സം​ഭ​വ​ങ്ങ​ളും ആ​ശു​പ​ത്രി​യി​ൽ ന​ട​ക്കു​ക​യാ​ണ്. വ​നി​ത ഡോ​ക്ട​ർ​മാ​രും സ്ത്രീ ​ജീ​വ​ന​ക്കാ​രും ഇ​തി​നാ​ൽ ഏ​റെ സ​മ്മ​ർ​ദ​ത്തി​ലാ​ണ്. സെ​ക്യൂ​രി​റ്റി ഇ​ല്ലാ​ത്ത സാ​ഹ​ച​ര്യ​ത്തി​ൽ, രാ​ത്രി​യി​ൽ വ​നി​ത ഡ്യൂ​ട്ടി ഡോ​ക്ട​റു​ടെ ഡ്യൂ​ട്ടി റൂ​മി​ന് അ​ടു​ത്ത് വ​ന്ന് ചി​ല​ർ വാ​തി​ൽ മു​ട്ടി​യും ബ​ഹ​ളം വെ​ക്കു​ക​യും ചെ​യ്ത സാ​ഹ​ച​ര്യം ക​ഴി​ഞ്ഞ ദി​വ​സ​ങ്ങ​ളി​ലു​ണ്ടാ​യി. മ​തി​യാ​യ സു​ര​ക്ഷ ജീ​വ​ന​ക്കാ​രോ സു​ര​ക്ഷ സം​വി​ധാ​ന​മോ​യി​ല്ലാ​തെ ആ​ശു​പ​ത്രി​യി​ൽ തു​ട​ർ​ന്ന് രാ​ത്രി​കാ​ല ഡ്യൂ​ട്ടി എ​ടു​ക്കാ​നാ​കി​ല്ലെ​ന്ന് എ​ല്ലാ കാ​റ്റ​ഗ​റി ജീ​വ​ന​ക്കാ​രും സൂ​പ്ര​ണ്ടി​നെ രേ​ഖാ​മൂ​ലം​ത​ന്നെ അ​റി​യി​ച്ചി​ട്ടു​ണ്ട്. ഈ ​കാ​ര്യം ജി​ല്ല മെ​ഡി​ക്ക​ൽ ഓ​ഫി​സ​റെ​യും ബ്ലോ​ക്ക് പ​ഞ്ചാ​യ​ത്തി​നെ​യും നാ​ദാ​പു​രം പൊ​ലീ​സി​നെ​യും അ​റി​യി​ച്ചി​ട്ടു​ണ്ട്.

ഉ​ദ്യോ​ഗ​സ്ഥ​ർ​ക്കെ​തി​രെ​യു​ള്ള രാ​ഷ്ട്രീ​യ സ​മ്മ​ർ​ദ​ത്തി​ൽ ഐ​ക്യ​ദാ​ർ​ഢ്യം പ്ര​ക​ടി​പ്പി​ച്ച കെ.​ജി.​എം.​ഒ.​എ ജി​ല്ല ക​മ്മി​റ്റി നാ​ദാ​പു​രം ആ​ശു​പ​ത്രി പ​രി​സ​ര​ത്ത് സം​ഘ​ടി​പ്പി​ച്ച പ്ര​തി​ഷേ​ധ ജാ​ഥ​യി​ലും യോ​ഗ​ത്തി​ലും ജി​ല്ല​യു​ടെ നാ​നാ​ഭാ​ഗ​ത്തു​നി​ന്നു​ള്ള ഡോ​ക്ട​ർ​മാ​ര​ട​ക്ക​മു​ള്ള ആ​രോ​ഗ്യ പ്ര​വ​ർ​ത്ത​ക​ർ പ​ങ്കെ​ടു​ത്തു. സം​സ്ഥാ​ന പ്ര​സി​ഡ​ന്റ് ഡോ. ​ടി.​എ​ൻ. സു​രേ​ഷ് ഉ​ദ്ഘാ​ട​നം ചെ​യ്തു. ജി​ല്ല പ്ര​സി​ഡ​ന്റ് ഡോ. ​വി​പി​ൻ വ​ർ​ക്കി അ​ധ്യ​ക്ഷ​ത​വ​ഹി​ച്ചു. സം​സ്ഥാ​ന വൈ​സ് പ്ര​സി​ഡ​ന്റ് ഡോ. ​എം. മു​ര​ളീ​ധ​ര​ൻ, ജി​ല്ല സെ​ക്ര​ട്ട​റി ഡോ. ​സി.​കെ. അ​ഫ്സ​ൽ, ഡോ. ​ജ​മീ​ൽ ഷാ​ജ​ർ, പി.​എ​സ്. സു​നി​ൽ കു​മാ​ർ, ഡോ. ​എം.​എ. ഷാ​രോ​ൺ, ഡോ. ​സ​ര​ള നാ​യ​ർ, ഡോ. ​പി. സ​ലീ​മ, ഡോ. ​ഷീ​ബ ടി.​ജോ​സ​ഫ്, ഡോ. ​സ​ന്ധ്യ കു​റു​പ്പ്, ഡോ. ​രാ​ജു ബ​ൽ​റാം, ഡോ. ​റി​യാ​സ്, ഡോ. ​കെ. അ​ശ്വ​തി, ഡോ. ​ടി.​ടി. ലി​നീ​ഷ് തു​ട​ങ്ങി​യ​വ​ർ സം​സാ​രി​ച്ചു.