ഗോള്‍ഡ് പാലസ് ജ്വല്ലറി തട്ടിപ്പ്​: ഒരാള്‍കൂടി അറസ്​റ്റില്‍

നാദാപുരം: നിക്ഷേപകരില്‍നിന്ന് കോടിക്കണക്കിന് രൂപയുടെ സ്വര്‍ണവും, പണവും സ്വീകരിച്ച് തട്ടിപ്പ് നടത്തിയെന്ന കേസില്‍ കല്ലാച്ചി ന്യൂ ഗോള്‍ഡ് പാലസ് ജ്വല്ലറി ഉടമകളില്‍ ഒരാള്‍കൂടി അറസ്​റ്റില്‍. കുറ്റ്യാടി വടയം സ്വദേശി വെള്ളാപറമ്പത്ത് റുംഷാദി(29)നെയാണ് നാദാപുരം ഡി.വൈഎസ്.പിയുടെ നേതൃത്വത്തിലുള്ള പ്രത്യേക അന്വേഷണ സംഘം അറസ്​റ്റ്​ ചെയ്തത്. വെള്ളിയാഴ്ച രാവിലെ വീട്ടിലെത്തിയ പൊലീസ് ഇയാളെ കസ്​റ്റഡിയിലെടുക്കുകയും നാദാപുരം സ്​റ്റേഷനിലെത്തിച്ച് അറസ്റ്റ് രേഖപ്പെടുത്തുകയുമായിരുന്നു. ജാതിയേരി തയ്യുള്ളതില്‍ കുഞ്ഞാലി ഉള്‍പ്പെടെ നാല് പേരുടെ പരാതിയിലാണ് അറസ്​റ്റ്​. കല്ലാച്ചിയിലെ ന്യൂ ഗോള്‍ഡ് പാലസ് ജ്വല്ലറിയില്‍ മാത്രം ആറ് കോടിയില്‍പരം രൂപയുടെ തട്ടിപ്പ് നടന്നതായാണ് പ്രാഥമിക നിഗമനം. കുറ്റ്യാടിയിലെയും പയ്യോളിയിലെയും ശാഖകളിലും നിക്ഷേപകരുടെ കോടികൾ നഷ്​ടമായതായി പരാതിയുണ്ട്​.

ബാങ്ക്​ അക്കൗണ്ടും മരവിപ്പിച്ചു

കുറ്റ്യാടി: കോടികൾ വിലമതിക്കുന്ന പൊന്നും പണവും നിക്ഷേപമായി സീകരിച്ച്​ അടച്ചു പൂട്ടിയ കുറ്റ്യാടി േഗാൾഡ് പാലസ്​ ജ്വല്ലറിയുടെ പേരിലുള്ള ബാങ്ക്​ അക്കൗണ്ട്​ പൊലീസ്​ മരവിച്ചിച്ചു.കുറ്റ്യാടി എസ്​.ബി.െഎ ബ്രാഞ്ചിലെ അക്കൗണ്ടാണ്​ മരവിപ്പിച്ചതെന്ന്​ കേസ്​ അന്വേഷിക്കുന്ന കുറ്റ്യാടി സി.െഎ ടി.പി. ഫർഷാദ്​ പറഞ്ഞു. അറസ്​റ്റിലായ മാനേജിങ്​ പാർട്​ണർ സബീറി‍െൻറ കുറ്റ്യാടിയിലെ മൂന്നു​ ബാങ്കുകളിലുള്ള അക്കൗണ്ടുകൾ നേരത്തെ മരവിപ്പിച്ചിരുന്നു. നിക്ഷേപകരുടെ രേഖകളിൽ ഒപ്പുവെച്ച മാനേജിങ്​ പാർട്​ണർ സബീർ, അവർക്ക്​ പണം സ്വീകരിച്ചതിന്​ ഇൗടായി തീയതി രേഖപ്പെടുത്താത്ത ചെക്കുകൾ നൽകിയിരുന്നു. പരാതികളെ അടിസ്​ഥാനമാക്കി ഇതുവരെ അഞ്ചു കേസുകളെടുത്തിട്ടുണ്ട്​​. മരവിപ്പിച്ച അക്കൗണ്ടുകളിൽ വൻതുകകളൊന്നും ഇല്ലെന്നാണ്​ പൊലീസ്​ പറയുന്നത്​. പൂട്ടിയിട്ടിരിക്കുന്ന കുറ്റ്യാടിയിലെ ജ്വല്ലറി കസ്​റ്റഡിയിലുള്ള സബീറി‍െൻറ സാന്നിധ്യത്തൽ ശനിയാഴ്​ച പൊലീസ്​ തുറന്നു പരിശോധിക്കും. സബീറിനെ റൂറൽ എസ്​.പിയും നാദാപുരം ഡിവൈ.എസ്​.പിയും ചോദ്യം ചെയ്​തിരുന്നു. നിക്ഷേപവുമായി ബന്ധപ്പെട്ട ഇടപാടുകളിൽ ജ്വല്ലറിയുടെ മറ്റ്​ ഉടമകളും പങ്കാളികളാണ്​ എന്നാണത്രെ പറഞ്ഞത്​. നേരത്തെ ഒരു ഷെയർ ഉടമ മറ്റൊരു ജ്വല്ലറി തുടങ്ങാനായി നിക്ഷേപം പിൻവലിച്ചതാണ് ജ്വല്ലറിയുടെ പ്രവർത്തനം അവതാളത്തിലാക്കിയതെന്നു പറഞ്ഞതായി അറിയുന്നു. കേസിൽ ആദ്യ ഘട്ടത്തിൽ നാലുപേരെ പ്രതിചേർത്തിട്ടുണ്ടെങ്കിലും ഒരാളെ മാത്രമാണ്​ അറസ്​റ്റ്​ ചെയ്​തത്​.

ആയിഷക്ക്​ നഷ്​ടമായത്​ നാലുസെൻറ്​ ഭൂമി വിറ്റ പണം

കു​റ്റ്യാ​ടി: വ​ട​യം കു​യ്യാ​നോ​ട്ടു​മ്മ​ൽ ആ​യി​ഷ​ക്ക്​ (60) അ​ന​ന്ത​രാ​വ​കാ​ശ​മാ​യി ല​ഭി​ച്ച നാ​ലു​ സെൻറ്​ സ്​​ഥ​ലം വി​റ്റ പ​ണം മു​ഴു​വ​ൻ ഗോ​ൾ​ഡ്​ പാ​ല​സ്​ ജ്വ​ല്ല​റി​യി​ൽ അ​ട​ച്ച​താ​ണ്. 2.16 ല​ക്ഷം രൂ​പ ക​ഴി​ഞ്ഞ ജൂ​ൺ 16നാ​ണ്​ ന​ൽ​കി​യ​ത്. കോ​വി​ഡ്​ പ്ര​തി​സ​ന്ധി പ​റ​ഞ്ഞ്​ ഇ​തു​വ​രെ ലാ​ഭ​വി​ഹി​ത​മൊ​ന്നും ന​ൽ​കി​യി​ല്ല. നി​ക്ഷേ​പ ത​ട്ടി​പ്പു​മാ​യി ബ​ന്ധ​പ്പെ​ട്ട്​ ജ്വ​ല്ല​റി പൂ​ട്ടി​യ വി​വ​രം അ​റി​ഞ്ഞ​തോ​ടെ ആ​യി​ഷ ആ​കെ ത​ള​ർ​ന്നു​പോ​യി. ജ്വ​ല്ല​റി പൊ​ളി​യു​ന്ന സ​മ​യ​ത്താ​ണ്​ ഇൗ ​പ​ണം നി​ക്ഷേ​പി​ച്ച​ത്. ഭ​ർ​ത്താ​വ്​ മ​രി​ച്ചു​പോ​യ ഇ​വ​ർ എ​ന്തെ​ങ്കി​ലും സ്​​ഥി​ര വ​രു​മാ​നം പ്ര​തീ​ക്ഷി​ച്ചാ​ണ്​ പ​ണം നി​ക്ഷേ​പി​ച്ച​ത്. പ​ഴ​യ പൊ​ന്ന്​ ഉ​ണ്ടോ എ​ന്നും ചോ​ദി​ച്ചി​രു​ന്ന​ത്രെ. അ​ന്നേ​രം അ​ത്​ നി​ക്ഷേ​പി​ക്കാ​ൻ േതാ​ന്നി​യി​രു​ന്നെ​ങ്കി​ൽ അ​തു കൂ​ടി ന​ഷ്​​ട​പ്പെ​ടു​മാ​യി​രു​ന്നെ​ന്ന്​ അ​വ​ർ പ​റ​യു​ന്നു. മ​ക​ൾ അ​സ്​​മി​ത​യു​ടെ 3.35 ല​ക്ഷം രൂ​പ​യും അ​വി​ടെ നി​ക്ഷേ​പി​ച്ചി​രു​ന്നു. അ​തും ന​ഷ​ട്പ്പെ​ട്ട സ്​​ഥി​തി​യാ​ണ്​. ബാ​ങ്കി​ലെ ക​ടം തീ​ർ​ക്കാ​ൻ 1.45 ല​ക്ഷം രൂ​പ തി​രി​ച്ചു​വേ​ണ​മെ​ന്ന്​ ആ​വ​ശ്യ​പ്പെെ​ട്ട​ങ്കി​ലും ന​ൽ​കി​യി​ല്ലെ​ന്ന്​ അ​സ്​​മി​ത പ​റ​ഞ്ഞു.