അലി പള്ളിയത്ത്: പ്രവാസലോകത്ത് എലങ്കമൽ ദേശത്തിന്റെ ശബ്ദം

നടുവണ്ണൂർ: പ്രമുഖ വ്യവസായിയും ജീവകാരുണ്യ പ്രവർത്തകനുമായ അലി പള്ളിയത്തിന്റെ നിര്യാണം പ്രദേശത്തെ ദുഃഖത്തിലാഴ്ത്തി. ഹൃദയാഘാതത്തെ തുടർന്നാണ് മരണം. ഖത്തർ കെ.എം.സി.സിയുടെ മുൻ സംസ്ഥാന ട്രഷറർ, കോഴിക്കോട് ജില്ല ട്രഷറർ തുടങ്ങിയ പദവികൾ വഹിച്ചിട്ടുണ്ട്.

നാട്ടിലും മറുനാട്ടിലുമായി ഒട്ടനവധി ജീവകാരുണ്യപ്രവർത്തനങ്ങൾക്ക് നേതൃത്വം നൽകിയ വ്യക്തിയായിരുന്നു. ഖത്തറിൽ നിയമക്കുരുക്കിൽ അകപ്പെട്ട അനേകം പേർക്ക് ആശ്വാസമേകാനും നിരവധി പേർക്ക് തൊഴിൽ നേടാനും നഷ്ടപ്പെട്ടുപോയേക്കാവുന്ന ജീവിതത്തിനു നിറംപകരാനും അദ്ദേഹത്തിന്റെ പ്രവർത്തനങ്ങൾകൊണ്ട് കഴിഞ്ഞിട്ടുണ്ട്.

ഖത്തറിൽ മരിച്ച ഒട്ടനവധി വ്യക്തികളുടെ മൃതദേഹം നാട്ടിലെത്തിക്കാൻ സമയബന്ധിതമായി ലഭിക്കേണ്ട നിയമസഹായങ്ങൾക്കും അദ്ദേഹം മുന്നിലുണ്ടായിരുന്നു. രാഷ്ട്രീയ-സാമൂഹിക രംഗത്തെ ഉന്നത വ്യക്തികളുമായി അദ്ദേഹം ഹൃദയബന്ധം സൂക്ഷിച്ചു. പല പ്രതിസന്ധികളിലും മധ്യസ്ഥ ചർച്ചക്ക് അദ്ദേഹം നേതൃത്വം നൽകി. മരണവിവരം അറിഞ്ഞ് നിരവധി പേരാണ് അന്ത്യാഞ്ജലിയർപ്പിക്കാൻ അദ്ദേഹത്തിന്റെ വീട്ടിലെത്തിയത്.

മന്ത്രി എ.കെ. ശശീന്ദ്രൻ, എം.പി. അബ്ദുസ്സമദ് സമദാനി എം.പി+, ബഷീറലി തങ്ങൾ, ടി.ടി. ഇസ്മയിൽ, മലബാർ ഗ്രൂപ് ചെയർമാൻ എം.പി. അഹമ്മദ്, സമസ്ത മുശാവറ അംഗം എ.വി. അബ്ദുറഹ്മാൻ മുസ്‍ലിയാർ തുടങ്ങി നിരവധി പേർ വീട്ടിലെത്തി അന്തിമോപചാരമർപ്പിച്ചു.

വി​ട​പ​റ​ഞ്ഞ​ത് സ്നേ​ഹ​ന​ക്ഷ​ത്രം -എം.​പി. അ​ബ്ദു​സ്സ​മ​ദ് സ​മ​ദാ​നി എം.​പി

ന​ടു​വ​ണ്ണൂ​ർ: അ​ലി പ​ള്ളി​യ​ത്തി​ന്റെ നി​ര്യാ​ണം അ​പ്ര​തീ​ക്ഷി​ത​മാ​ണെ​ന്നും വി​ട​പ​റ​ഞ്ഞ​ത് ത​ന്റെ പ്രി​യ സ്നേ​ഹി​ത​നാ​ണെ​ന്നും എം.​പി. അ​ബ്ദു​സ്സ​മ​ദ് സ​മ​ദാ​നി എം.​പി. ചെ​ന്നൈ​യി​ൽ​നി​ന്ന് മു​ന​വ്വ​റ​ലി ശി​ഹാ​ബ് ത​ങ്ങ​ളാ​ണ് ത​ന്നെ മ​ര​ണ​വി​വ​രം അ​റി​യി​ച്ച​ത്. അ​ലി സാ​ഹി​ബും ഞാ​നും ത​മ്മി​ലു​ള്ള അ​ടു​ത്ത ബ​ന്ധം മ​ന​സ്സി​ലാ​ക്കി​യാ​ണ് ത​ന്നെ മു​ന​വ്വ​റ​ലി ത​ങ്ങ​ൾ വി​ളി​ച്ച​ത്. സ​ദാ ക​ർ​മ​നി​ര​ത​നാ​യ സാ​മൂ​ഹി​ക​സേ​വ​ക​നാ​യി​രു​ന്നു.

ഖ​ത്ത​റി​ൽ ബി​സി​ന​സ് സ്ഥാ​പ​ന​ങ്ങ​ൾ ന​ട​ത്തി​പ്പോ​ന്ന വ്യാ​പാ​രി​യും കെ.​എം.​സി.​സി​യു​ടെ സ​മു​ന്ന​ത നേ​താ​വു​മാ​യി​രു​ന്നു. രാ​ഷ്ട്രീ​യ, ജീ​വ​കാ​രു​ണ്യ, വി​ദ്യാ​ഭ്യാ​സ മേ​ഖ​ല​ക​ളി​ലെ​ല്ലാം വ്യ​ക്തി​മു​ദ്ര പ​തി​പ്പി​ച്ച പൊ​തു​മ​നു​ഷ്യ​നാ​യി​രു​ന്നു. അ​ലി സാ​ഹി​ബി​ന്റെ കു​ടും​ബ​ത്തി​ലെ മി​ക്ക ച​ട​ങ്ങു​ക​ളി​ലും ഞാ​ൻ പ​ങ്കാ​ളി​യാ​യ​ത് അ​തി​ഥി​യാ​യി​ക്കൊ​ണ്ടാ​യി​രു​ന്നി​ല്ല. വ​ർ​ഷ​ങ്ങ​ൾ​ക്കു​മു​മ്പ് അ​ദ്ദേ​ഹ​ത്തി​ന്റെ വീ​ടു​നി​ർ​മാ​ണ​ത്തി​ന് തു​ട​ക്കം​കു​റി​ച്ചു​കൊ​ണ്ട് അ​തി​ന് ശി​ല​യി​ടാ​ൻ എ​ന്നെ കൊ​ണ്ടു​പോ​യി. വീ​ട്ടു​പ​റ​മ്പി​ലൂ​ടെ ഒ​ഴു​കി​പ്പോ​കു​ന്ന അ​രു​വി ക​ണ്ട​നാ​ൾ മു​ത​ൽ എ​നി​ക്ക​തി​നോ​ട് എ​ന്തെ​ന്നി​ല്ലാ​ത്ത കൗ​തു​കം തോ​ന്നി.

വീ​ട്ടി​ൽ ചെ​ല്ലു​ന്ന ചി​ല അ​വ​സ​ര​ങ്ങ​ളി​ൽ ഞ​ങ്ങ​ളി​രു​വ​രും അ​തി​ന്റെ ഓ​ര​ത്ത് ചെ​ന്നി​രി​ക്കു​മാ​യി​രു​ന്നു​വെ​ന്നും സ​മ​ദാ​നി വ്യ​ക്ത​മാ​ക്കി. അ​ലി പ​ള്ളി​യ​ത്ത് മു​ൻ പ്ര​ധാ​ന​മ​ന്ത്രി മ​ൻ​മോ​ഹ​ൻ സി​ങ്ങി​നൊ​പ്പം നി​ൽ​ക്കു​ന്ന ഫോ​ട്ടോ​യും അ​ദ്ദേ​ഹം ഫേ​സ്ബു​ക്കി​ൽ പ​ങ്കു​വെ​ച്ചു.