വെടിവെപ്പ്; മൂന്നാമനെ തേടി പൊലീസ്; സത്യന്‍റെയും മുനീറിന്‍റെയും വീട്ടിൽ റെയ്ഡ്

ന​ന്മ​ണ്ട: ര​ണ്ടു ദി​വ​സം മു​മ്പ് ന​ന്മ​ണ്ട 12ൽ വീ​ട്ടി​ൽ വെ​ടി​വെ​പ്പ് ന​ട​ത്തി​യ സം​ഭ​വ​ത്തി​ലെ മൂ​ന്നാ​മ​നെ തേ​ടി പൊ​ലീ​സ് തി​ര​ച്ചി​ൽ ഊ​ർ​ജി​ത​മാ​ക്കി. ശ​നി​യാ​ഴ്ച​യാ​യി​രു​ന്നു ന​ന്മ​ണ്ട 12ൽ ​മo​ത്തി​ൽ വി​ത്സ​ൻ വീ​ട് ഒ​ഴി​യു​ന്ന​തു​മാ​യി ബ​ന്ധ​പ്പെ​ട്ട് വെ​ടി​വെ​പ്പു​ണ്ടാ​യ​ത്. പ​നാ​യി സ്വ​ദേ​ശി​യു​ടെ ഗു​ണ്ട​ക​ളാ​യി​രു​ന്നു രാ​ത്രി എ​ട്ടോ​ടെ വീ​ട്ടി​ലെ​ത്തി വി​ള​യാ​ട്ടം ന​ട​ത്തി​യ​ത്. മൂ​ന്നം​ഗ സം​ഘ​ത്തി​ലെ ര​ണ്ടു പേ​രെ നാ​ട്ടു​കാ​ർ പി​ടി​കൂ​ടി പൊ​ലീ​സി​ൽ ഏ​ൽ​പി​ച്ചിരുന്നു. അ​വ​രെ പേ​രാ​മ്പ്ര കോ​ട​തി റി​മാ​ൻ​ഡ് ചെ​യ്തു.

മൂ​ന്നാ​മ​നാ​യ മു​ക്കം സ്വ​ദേ​ശി ഡ്രൈ​വ​ർ ഷാ​ഫി​യെ​യാ​ണ് ഇ​നി പി​ടി​കൂ​ടാ​നു​ള്ള​ത്. ഷാ​ഫി ഇ​വ​രെ വാ​ഹ​ന​ത്തി​ൽ വി​ത്സ​ന്റെ വീ​ട്ടി​ലെ​ത്തി​ച്ചു​വെ​ന്നാ​ണ് പൊ​ലീ​സ് പ​റ​യു​ന്ന​ത്. തോ​ക്കി​ന് ലൈ​സ​ൻ​സ് ഉ​ണ്ടെ​ങ്കി​ലും അ​ത് ദു​രു​പ​യോ​ഗം ചെ​യ്യാ​നു​ള്ള​ത​ല്ലെ​ന്നും പൊ​ലീ​സ് പ​റ​ഞ്ഞു. ഇ​തി​നി​ട​യി​ൽ പ​ണ ഇ​ട​പാ​ട് ന​ട​ത്തി​യ സ​ത്യ​ന്റെ വീ​ട്ടി​ലും റി​മാ​ൻ​ഡി​ൽ ക​ഴി​യു​ന്ന മു​നീ​റി​ന്റെ​യും വീ​ട്ടി​ൽ ബാ​ലു​ശ്ശേ​രി പൊ​ലീ​സ് റെ​യ്ഡ് ന​ട​ത്തി.

സ​ത്യ​ന്റെ വീ​ട്ടി​ൽ​നി​ന്ന് മു​ദ്ര​പ​ത്ര​വും ബ്ലാ​ങ്ക് ചെ​ക്കും മ​റ്റ് പ​ണ സം​ബ​ന്ധ​മാ​യ രേ​ഖ​ക​ളും പൊ​ലീ​സ് ക​ണ്ടെ​ടു​ത്തു. ഇയാളുടെ പേരിൽ അനധികൃതമായി സാമ്പത്തിക ഇടപാട് നടത്തിയതിനും രേഖകൾ സൂക്ഷിച്ചതിനും പൊലീസ് കേസെടുത്തു. മു​നീ​റി​ന്റെ വീ​ട്ടി​ൽ​നി​ന്ന് ഒ​ന്നും ക​ണ്ടെ​ത്താ​നാ​യി​ല്ല. ഇ​വ​രു​ടെ എ​ല്ലാ ഇ​ട​പാ​ടു​ക​ളും പ​രി​ശോ​ധി​ച്ചു​വ​രു​ക​യാ​ണെ​ന്ന് എ​സ്.​എ​ച്ച്.​ഒ എം.​കെ. സു​രേ​ഷ് കു​മാ​ർ പ​റ​ഞ്ഞു.