അർബുദത്തോട് പൊരുതി നീറ്റിൽ മികച്ച നേട്ടം; നരിക്കുനിക്ക് അഭിമാനമായി അനുശ്രീ
text_fieldsനരിക്കുനി: ആത്മവിശ്വാസം മുറുകെ പിടിച്ച് ദിനരാത്രങ്ങൾ വേദന സഹിച്ച് വിജയം കൊയ്യണമെന്ന അനുശ്രീയുടെ പ്രതിജ്ഞ സഫലമായി. അർബുദത്തിനോട് പടപൊരുതിയാണ് നീറ്റ് മെഡിക്കൽ പരീക്ഷയിൽ മികച്ച നേട്ടം കൈവരിച്ചത്. റിസർവ് കാറ്റഗറിയിൽ 77 ഉം കേരളത്തിൽ നാലാം റാങ്കും ഈ മിടുക്കി സ്വായത്തമാക്കി. എട്ടാം ക്ലാസിൽ പഠിക്കുമ്പോഴാണ് അർബുദം അനുശ്രീയെ പിടികൂടുന്നത്. 2021ൽ കൃത്രിമ കാലുമായി സ്കൂളിൽ പോയി പഠിച്ചാണ് മികച്ച നേട്ടം കൈവരിച്ചത്.
എസ്.എസ് എൽ.സി.ക്കും പ്ലസ് ടുവിനും എല്ലാ വിഷയത്തിലും എ പ്ലസ് നേടി. ചികിത്സാർത്ഥം തിരുവനന്തപുരം ആർ.സി.സിയിൽ ഡോക്ടർമാർ സ്റ്റെതസ്കോപ്പുമണിഞ്ഞ് രോഗികളെ പരിചരിക്കുമ്പോൾ മനസ്സിൽ പതിഞ്ഞ സ്വപ്നമാണ് പൂവണിഞ്ഞത്. നരിക്കുനി ഗവ. ഹയർ സെക്കൻഡറിയിൽനിന്നാണ് എസ്.എസ്.എൽ.സി.യും പ്ലസ് ടു വും കഴിഞ്ഞത്. തറോക്കണ്ടി പ്രേമന്റെയും (റിട്ട. കെ.എസ്.ഇ.ബി) ഷീനയുടെയും മകളാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.