അ​ടു​ത്ത വ​ർ​ഷം തൊ​ഴി​ലു​റ​പ്പ് പ​ദ്ധ​തി​യി​ൽ പ്രാ​മു​ഖ്യം നീ​ർ​ത്ത​ട-​നീ​ർ​ച്ചാ​ൽ സം​ര​ക്ഷ​ണ​ത്തി​ന്

കോ​ഴി​ക്കോ​ട്: അ​ടു​ത്ത സാ​മ്പ​ത്തി​ക വ​ർ​ഷം ദേ​ശീ​യ ഗ്രാ​മീ​ണ തൊ​ഴി​ലു​റ​പ്പ് പ​ദ്ധ​തി​യി​ൽ പ്രാ​മു​ഖ്യം നീ​ർ​ത്ത​ട -നീ​ർ​ച്ചാ​ൽ സം​ര​ക്ഷ​ണ​ത്തി​ന്. നീ​ർ​ത്ത​ട-​നീ​ർ​ച്ചാ​ൽ സം​ര​ക്ഷ​ണ​ത്തി​ന്റെ അ​ടി​സ്ഥാ​ന​ത്തി​ൽ 2025-26 സാ​മ്പ​ത്തി​ക വ​ർ​ഷ​ത്തെ തൊ​ഴി​ൽ​ദി​ന​ങ്ങ​ൾ നി​ശ്ച​യി​ക്കാ​ൻ ത്രി​ത​ല പ​ഞ്ചാ​യ​ത്തു​ക​ൾ​ക്ക് നി​ർ​ദേ​ശം ന​ൽ​കി. 2025-26 സാ​മ്പ​ത്തി​ക വ​ർ​ഷം പ്ര​തീ​ക്ഷി​ക്കു​ന്ന തൊ​ഴി​ൽ ദി​ന​ങ്ങ​ളു​ടെ ആ​വ​ശ്യ​ക​ത​യും അ​തി​നു പൂ​ര​ക​മാ​യ പ്ര​വൃ​ത്തി​ക​ളു​ടെ പ​ട്ടി​ക​യും 2025-26 ഗ്രാ​മ​സ​ഭ വ​ർ​ഷം​ത​ന്നെ നി​ശ്ച​യി​ക്കാ​നാ​ണ് നി​ർ​ദേ​ശം.

ഓ​രോ ഗ്രാ​മ​പ​ഞ്ചാ​യ​ത്തി​ലെ​യും നീ​ർ​ച്ചാ​ലു​ക​ൾ ക​ണ്ടെ​ത്തി അ​വ​യു​ടെ ദൃ​ഷ്ടി​പ്ര​ദേ​ശ​ങ്ങ​ളി​ലും അ​നു​യോ​ജ്യ​മാ​യ പ്ര​വൃ​ത്തി​ക​ളു​ടെ സ​മ​ഗ്ര​മാ​യ പ​ദ്ധ​തി​രേ​ഖ ത​യാ​റാ​ക്കി നി​ർ​വ​ഹ​ണം ന​ട​ത്തു​ന്ന​താ​ണ് ല​ക്ഷ്യം. നീ​ർ​ത്ത​ട അ​യ​ൽ​ക്കൂ​ട്ട​ങ്ങ​ൾ, നീ​ർ​ത്ത​ട ക​മ്മി​റ്റി​ക​ൾ, ഗ്രാ​മ​പ​ഞ്ചാ​യ​ത്ത് ത​ല​ത്തി​ലെ കോ​ഓ​ഡി​നേ​ഷ​ൻ ക​മ്മി​റ്റി തു​ട​ങ്ങി​യ​വ നീ​രു​റ​വ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി രൂ​പ​വ​ത്ക​രി​ച്ചി​ട്ടു​ണ്ട്. പ്ര​ദേ​ശ​ത്തി​ന്‍റെ ഭൂ​പ്ര​കൃ​തി അ​നു​സ​രി​ച്ചും പ്ര​ദേ​ശ​ത്തി​ന്റെ ആ​വ​ശ്യ​ക​ത​ക്ക​നു​സ​രി​ച്ചു​മാ​ക​ണം പ്ര​വൃ​ത്തി​ക​ൾ ഉ​ൾ​പ്പെ​ടു​ത്തേ​ണ്ട​ത്.

ശാ​സ്ത്രീ​യ​വും സ​മ​ഗ്ര​വു​മാ​യ പ്ര​വൃ​ത്തി​ക​ൾ ആ​ക്ഷ​ൻ പ്ലാ​നി​ൽ ഉ​ൾ​പ്പെ​ടു​ത്ത​ണം. പ​ണം ദു​ർ​വി​നി​യോ​ഗം ചെ​യ്യാ​തെ നീ​ർ​ച്ചാ​ലി​ന്‍റെ തു​ട​ക്കം മു​ത​ൽ നീ​ർ​ച്ചാ​ൽ അ​വ​സാ​നി​ക്കു​ന്ന പ​ഞ്ചാ​യ​ത്തി​ന്റെ അ​തി​ർ​ത്തി വ​രെ​യു​ള്ള സ്ഥ​ല​ങ്ങ​ൾ​ക്കാ​യി സ​മ​ഗ്ര പ​ദ്ധ​തി ത​യാ​റാ​ക്കാ​നും നി​ർ​​ദേ​ശം ന​ൽ​കി​യി​ട്ടു​ണ്ട്. ക​ഴി​ഞ്ഞ കാ​ല​ങ്ങ​ളി​ൽ നീ​ർ​ച്ചാ​ലു​ക​ളു​ടെ സം​ര​ക്ഷ​ണ​ത്തി​ന് പ​ഞ്ചാ​യ​ത്തു​ക​ൾ അ​ന​വ​ധി തു​ക ചെ​ല​വ​ഴി​ച്ചി​ട്ടും ല​ക്ഷ്യം ​കൈ​വ​രി​ക്കാ​ൻ ക​ഴി​ഞ്ഞി​ട്ടി​ല്ല. നീ​ർ​ച്ചാ​ലു​ക​ൾ, കു​ള​ങ്ങ​ൾ തു​ട​ങ്ങി​യ​വ​യു​ടെ ദൃ​ഷ്ടി പ്ര​ദേ​ശ​ങ്ങ​ളി​ൽ ആ​വ​ശ്യ​മാ​യ പ​രി​പാ​ല​ന പ്ര​വൃ​ത്തി​ക​ൾ ഉ​ൾ​പ്പെ​ടു​ത്ത​ണം.