ദേ​ശീ​യ സീ​നി​യ​ർ വ​നി​ത ഫു​ട്ബാ​ൾ: ശൂന്യ ഗാലറി; തല്ലിപ്പൊളി സംഘാടനം

കോ​ഴി​ക്കോ​ട്: ഫു​ട്ബാ​ൾ പ്രേ​മി​ക​ൾ ഇ​ര​ച്ചെ​ത്തു​ന്ന കോ​ഴി​ക്കോ​ട്ട് ആ​ളൊ​ഴി​ഞ്ഞ ഗാ​ല​റി​ക​ളെ സാ​ക്ഷി​യാ​ക്കി ദേ​ശീ​യ സീ​നി​യ​ർ വ​നി​ത ഫു​ട്ബാ​ൾ ചാ​മ്പ്യ​ൻ​ഷി​പ് അ​വ​സാ​നി​ക്കു​മ്പോ​ൾ ചോ​ദ്യ​ങ്ങ​ൾ ബാ​ക്കി. ച​രി​ത്ര​ത്തി​ലാ​ദ്യ​മാ​യി കേ​ര​ള​ത്തി​ന് ആ​തി​ഥേ​യ​ത്വം ല​ഭി​ച്ച ദേ​ശീ​യ ചാ​മ്പ്യ​ൻ​ഷി​പ്പ് സം​ഘാ​ട​ക​രു​ടെ പി​ടി​പ്പു​കേ​ട് കാ​ര​ണം തീ​ർ​ത്തും നി​റം​മ​ങ്ങി.

സാ​ധാ​ര​ണ അ​ഖി​ലേ​ന്ത്യ ഫു​ട്ബാ​ൾ ഫെ​ഡ​റേ​ഷ​ൻ ആ​ണ് ദേ​ശീ​യ ചാ​മ്പ്യ​ൻ​ഷി​പ്പു​ക​ൾ ന​ട​ത്തു​ന്ന​ത്. സം​സ്ഥാ​ന അ​സോ​സി​യേ​ഷ​നാ​യ കേ​ര​ള ഫു​ട്ബാ​ൾ അ​സോ​സി​യേ​ഷ​നാ​ണ് (കെ.​എ​ഫ്.​എ) കാ​ര്യ​ങ്ങ​ൾ ന​ട​ത്തു​ന്ന​ത്. പ​ണം മു​ട​ക്കു​ന്ന​തും അ​ഖി​ലേ​ന്ത്യാ ഫെ​ഡ​റേ​ഷ​ൻ ആ​യി​രു​ന്നു. ഇ​ത്ത​വ​ണ സം​സ്ഥാ​ന സ​ർ​ക്കാ​ർ നേ​രി​ട്ടാ​യി​രു​ന്നു സം​ഘാ​ട​നം. സ്പോ​ർ​ട്സ് കേ​ര​ള ഫൗ​ണ്ടേ​ഷ​ൻ എ​ന്ന വെ​ള്ളാ​ന സം​വി​ധാ​ന​മാ​ണ് ചാ​മ്പ്യ​ൻ​ഷി​പ് ന​ട​ത്തു​ന്ന​തി​ൽ മു​ൻ നി​ര​യി​ലു​ണ്ടാ​യി​രു​ന്ന​ത്. സം​സ്ഥാ​ന സ​ർ​ക്കാ​റി​​ന്‍റെ കാ​യി​ക​മേ​ഖ​ല​യി​ലെ പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കി​വ​രു​ന്ന​ത് സ്പോ​ർ​ട്സ് കൗ​ൺ​സി​ലാ​ണ്.

എ​ന്നാ​ൽ, പ്ര​ഗ​ല്​​ഭ​രാ​യ കാ​യി​ക​താ​ര​ങ്ങ​ളും സം​ഘാ​ട​ക​രു​മ​ട​ങ്ങി​യ സ്പോ​ർ​ട്സ് കൗ​ൺ​സി​ലി​നെ നോ​ക്കു​കു​ത്തി​യാ​ക്കി​യാ​ണ് സ്പോ​ർ​ട്സ് കേ​ര​ള ഫൗ​ണ്ടേ​ഷ​ൻ പ്ര​വ​ർ​ത്തി​ക്കു​ന്ന​ത്. ദേ​ശീ​യ വ​നി​ത സീ​നി​യ​ർ ഫു​ട്ബാ​ൾ ചാ​മ്പ്യ​ൻ​ഷി​പ്പി​ലും സ്ഥി​തി വ്യ​ത്യ​സ്ത​മാ​യി​രു​ന്നി​ല്ല. നി​ര​വ​ധി ടൂ​ർ​ണ​മെൻറു​ക​ൾ വി​ജ​യ​ക​ര​മാ​യി ന​ട​ത്തി​യ ജി​ല്ല ഫു​ട്ബാ​ൾ അ​സോ​സി​യേ​ഷ​നെ​പോ​ലും വി​ശ്വാ​സ​ത്തി​ലെ​ടു​ക്കാ​ൻ സ്പോ​ർ​ട്സ് കേ​ര​ള ഫൗ​ണ്ടേ​ഷ​ൻ ത​യാ​റാ​യി​ല്ല.

ഒ​ന്ന​ര ല​ക്ഷ​ത്തി​ലേ​റെ രൂ​പ മാ​സ​ശ​മ്പ​ള​മാ​ണ് സ്പോ​ർ​ട്സ് കേ​ര​ള ഫൗ​ണ്ടേ​ഷ‍െൻറ ത​ല​വ​ന് സ​ർ​ക്കാ​ർ ന​ൽ​കു​ന്ന​ത്. ഈ ​സം​ഘ​ട​ന​യു​ടെ നി​ല​പാ​ടി​ൽ നീ​ര​സ​മു​ള്ള കെ .​എ​ഫ്.​എ ഭാ​ര​വാ​ഹി​ക​ളി​ൽ ചി​ല​ർ ചാ​മ്പ്യ​ൻ​ഷി​പ് വേ​ദി​ക​ളി​ലേ​ക്ക് തി​രി​ഞ്ഞു​നോ​ക്കി​യി​രു​ന്നി​ല്ല. ഒ​ന്നോ ര​ണ്ടോ വേ​ദി​ക​ളി​ൽ ന​ട​ത്തേ​ണ്ട​തി​ന് പ​ക​രം നാ​ലു വേ​ദി​ക​ളി​ലാ​യാ​ണ് മ​ത്സ​രം ന​ട​ന്ന​ത്. ഇ​തി​നാ​യി ല​ക്ഷ​ങ്ങ​ളാ​ണ് ചെ​ല​വ​ഴി​ച്ച​ത്.

ദേ​ശീ​യ ചാ​മ്പ്യ​ൻ​ഷി​പ് ന​ട​ക്കു​ന്ന​തി​െൻറ ബോ​ർ​ഡും പോ​സ്​​റ്റ​റു​മൊ​ന്നും എ​വി​ടെ​യു​മു​ണ്ടാ​യി​രു​ന്നി​ല്ല. സൗ​ജ​ന്യ പ്ര​വേ​ശ​ന​മാ​യി​ട്ടും കാ​ണി​ക​ളെ ആ​ക​ർ​ഷി​ക്കാ​ൻ ക​ഴി​ഞ്ഞി​ല്ല. കാ​യി​ക വ​കു​പ്പി​ലെ​യും മ​റ്റും ഉ​ദ്യോ​ഗ​സ്ഥ​രും സ്പോ​ർ​ട്സ് കേ​ര​ള ഫൗ​ണ്ടേ​ഷ​ൻ അ​ധി​കൃ​ത​രു​മാ​ണ് കാ​ര്യ​ങ്ങ​ൾ നി​യ​ന്ത്രി​ച്ച​ത്.