വിസ്മയങ്ങൾ പകർന്ന് നടുവണ്ണൂരിൽ നാട്ടുപക്ഷി സർവേ

ന​ടു​വ​ണ്ണൂ​ർ: ഗ്രാ​മ പ​ഞ്ചാ​യ​ത്ത് ജൈ​വ​വൈ​വി​ധ്യ ര​ജി​സ്റ്റ​ർ ന​വീ​ക​ര​ണ​ത്തി​ന്റെ ഭാ​ഗ​മാ​യി ന​ട​ന്ന പ​ക്ഷി​സ​ർ​വേ​യു​ടെ ഒ​ന്നാം ഘ​ട്ട​ത്തി​ൽ 76 ഇ​നം പ​ക്ഷി​ക​ളെ ക​ണ്ടെ​ത്തി. കൊ​മ്പ​ൻ കു​യി​ൽ (Jacobin Cuckoo), ചെ​ങ്കു​യി​ൽ (Banded Bay Cuckoo), ഓ​മ​ന പ്രാ​വ് (Asian Emarald Dove), പു​ള്ളി ചി​ല​പ്പ​ൻ (Puff-throated Babbler) എ​ന്നി​വ ഇ​തി​ൽ ഉ​ൾ​പ്പെ​ടും. ഇ​തി​ൽ കൊ​മ്പ​ൻ കു​യി​ലി​ന്റെ സാ​ന്നി​ധ്യം ആ​ദ്യ​മാ​യാ​ണ് പ​ഞ്ചാ​യ​ത്തി​ൽ രേ​ഖ​പ്പെ​ടു​ത്തു​ന്ന​ത്. ദേ​ശാ​ട​ന​കാ​ല​ത്തെ ക​ണ​ക്കെ​ടു​പ്പു​കൂ​ടി ന​ട​ത്തു​ന്ന​തോ​ടെ പ​ക്ഷി​ക​ളു​ടെ വൈ​വി​ധ്യം നൂ​റു ക​ട​ക്കും എ​ന്ന് ക​ണ​ക്കാ​ക്കു​ന്നു. പ​റ​മ്പി​ൻ​കാ​ട് പ്ര​ദേ​ശ​ത്തി​ൽ പൊ​തു​വെ കാ​ണ​പ്പെ​ടു​ന്ന മ​ഞ്ഞ​ക്ക​ണ്ണി തി​ത്തി​രി (Yellow-wattled lapwing) പ​ക്ഷി​ക​ളു​ടെ അ​സാ​ന്നി​ധ്യ​വും സ​ർ​വേ​യി​ൽ ശ്ര​ദ്ധി​ക്ക​പ്പെ​ട്ടു. പ​ഞ്ചാ​യ​ത്തി​ലെ പ​ക്ഷി​ക​ളു​ടെ പ്ര​ധാ​ന കേ​ന്ദ്ര​ങ്ങ​ളി​ലാ​ണ് സ​ർ​വേ​യു​ടെ ഭാ​ഗ​മാ​യി പ​ക്ഷി നി​രീ​ക്ഷ​ക​രു​ടെ സം​ഘം സ​ന്ദ​ർ​ശി​ച്ച​ത്. ഓ​ണം ബേ​ർ​ഡ് കൗ​ണ്ടി​ങ്ങി​ന്റെ ഭാ​ഗ​മാ​യി പ​ഞ്ചാ​യ​ത്തി​ലെ കീ​ക്കോ​ട്ടു​ക​ട​വ് മു​ത​ൽ വെ​ങ്ങ​ള​ത്തു​ക​ണ്ടി ക​ട​വ് ക​ണ്ട​ൽ​തു​രു​ത്ത് വ​രെ​യു​ള്ള ഭാ​ഗം, മ​ന്ദ​ങ്കാ​വ് പ​റ​മ്പി​ൻ​കാ​ട്, ഏ​ച്ചി​ൽ മ​ല, രാ​മ​ൻ പു​ഴ​യോ​രം, വ​ല്ലോ​റ മ​ല, കോ​ക്ക​ര​പ്പാ​റ, ക​രു​വ​ണ്ണൂ​ർ എ​ള​യ​ട​ത്തു​താ​ഴെ ഭാ​ഗം, ന​ടു​വ​ണ്ണൂ​ർ ടൗ​ൺ എ​ന്നീ ഭാ​ഗ​ങ്ങ​ളി​ലാ​ണ് നാ​ലു ദി​വ​സം സ​ർ​വേ ന​ട​ത്തി​യ​ത്.

ഓ​ണം ബേ​ർ​ഡ് കൗ​ണ്ടി​ങ്ങി​ന്റെ ഭാ​ഗ​മാ​യി പ​ക്ഷി​ക​ളു​ടെ സ്വാ​ഭാ​വി​ക വാ​സ​സ്ഥ​ല​ത്ത് എ​ത്തി​യാ​ണ് സ​ർ​വേ. സ​ർ​വേ​യോ​ടൊ​പ്പം പ​ക്ഷി​ക​ളു​ടെ ശ​ബ്ദം റെ​ക്കോ​ഡ് ചെ​യ്തെ​ടു​ക്കു​ക​യും പ​ഞ്ചാ​യ​ത്ത് ഡേ​റ്റാ​ബേ​സി​ലേ​ക്ക് ചേ​ർ​ക്കു​ക​യും ചെ​യ്തു. പ​ഞ്ചാ​യ​ത്ത് ജൈ​വ വൈ​വി​ധ്യ പ​രി​പാ​ല​ന ക​മ്മി​റ്റി ക​ൺ​വീ​ന​ർ എ​ൻ.​കെ. സ​ലീം, പ​ദ്ധ​തി കോ​ഓ​ഡി​നേ​റ്റ​ർ എ​സ്. സു​ജി​ത്ത്, ആ​ർ. അ​രു​ൺ, മു​ഹ​മ്മ​ദ് ഹി​റാ​ഷ്, ക​ണ്ണൂ​ർ കൂ​ത്തു​പ​റ​മ്പ് സ്വ​ദേ​ശി ടി. ​വി​ഷ്ണു, എ​ൻ.​എ​സ്. അ​ർ​ജു​ൻ എ​ന്നി​വ​രാ​ണ് സ​ർ​വേ​യി​ൽ പ​ങ്കെ​ടു​ത്ത​ത്.