ആദരിച്ചു

നന്മണ്ട: ക്ഷേത്ര സമുദ്ധാരണ രംഗത്തെ നിസ്തുലമായ സേവനങ്ങളെ മാനിച്ച് തെക്കെയിൽ ഗംഗാധരൻ നായരെ ഗുരുവായൂർ നെന്മിനിയിൽ നടന്ന ചടങ്ങിൽ ഗുരുവായൂർ ദേവസ്വം ചെയർമാൻ ഡോ. വി.കെ. വിജയൻ പൊന്നാട ചാർത്തി . സിനി ആർട്ടിസ്റ്റ് ജയരാജ് വാര്യർ മുഖ്യാതിഥിയായി. മുൻ എം.പിയും ദേവസ്വം ഭരണസമിതി അംഗവുമായ ചെങ്ങറ സുരേന്ദ്രൻ, ദേവസ്വം ഭരണസമിതി അംഗങ്ങളായ അഡ്വ. കെ.വി. മോഹനകൃഷ്ണൻ, സി. മനോജ്, ഗുരുവായൂർ ദേവസ്വം അഡ്മിനിസ്ട്രേറ്റർ കെ.പി. വിനയൻ, ഗുരുവായൂർ നഗരസഭാംഗങ്ങളായ ബിന്ദു പുരുഷോത്തമൻ, കെ.പി.എ. റഷീദ് തുടങ്ങിയവർ സംസാരിച്ചു. കൊളത്തൂർ സ്വാമി ഗുരു വരാനന്ദ ട്രസ്റ്റ് അംഗംകൂടിയാണ് ഗംഗാധരൻ നായർ. പടം : തെക്കെയിൽ ഗംഗാധരൻ നായരെ ഗുരുവായൂർ ദേവസ്വം ബോർഡ് ചെയർമാൻ ഡോ. വി.കെ. വിജയൻ പൊന്നാട ചാർത്തി ആദരിക്കുന്നു