നഷ്ടപരിഹാരത്തുക നൽകിയില്ല; ജ​പ്തി ചെ​യ്ത പൊതുമരാമത്ത്​ വാഹനം ഭൂവുടമക്ക്​ സ്വന്തം

കോ​ഴി​ക്കോ​ട്​: ഭൂ​മി​യേ​റ്റെ​ടു​ക്ക​ലു​മാ​യി ബ​ന്ധ​പ്പെ​ട്ട ന​ഷ്ട​പ​രി​ഹാ​ര​ത്തു​ക ന​ൽ​കാ​ത്ത​തി​നെ തു​ട​ർ​ന്ന്​ പൊ​തു​മ​രാ​മ​ത്ത്​ വി​ഭാ​ഗ​ത്തി​​ന്‍റെ വാ​ഹ​നം ഭൂ​വു​ട​മ കൈ​വ​ശ​പ്പെ​ടു​ത്തി. കോ​ട​തി വി​ധി​ച്ച ന​ഷ്ട​പ​രി​ഹാ​രം ഈ​ടാ​ക്കാ​നാ​യി ജ​പ്തി ചെ​യ്ത്​ വാ​ഹ​നം സ​ർ​ക്കാ​ർ തി​രി​ച്ചെ​ടു​ക്കാ​ത്ത​തോ​ടെ​യാ​ണ്​ ഭൂ​വു​ട​മ വാ​ഹ​നം കൈ​വ​ശ​പ്പെ​ടു​ത്തി​യ​ത്.

വി​ധി സം​ഖ്യ​യാ​യ 42,66,000 രൂ​പ കെ​ട്ടി​വെ​ക്കാ​ത്ത​തി​നെ തു​ട​ർ​ന്ന്​ ജ​നു​വ​രി ആ​റി​ന്​ കോ​ഴി​ക്കോ​ട്​ കോ​ട​തി​യി​ൽ ന​ട​ന്ന പൊ​തു​ലേ​ല​ത്തി​ൽ പൊ​തു​മ​രാ​മ​ത്ത്​ വ​കു​പ്പി​ന്‍റെ കെ.​എ​ൽ. 01 ബി​എ 5548 സ്വി​ഫ്​​റ്റ്​ ഡീ​സ​ൽ കാ​ർ വി​ധി ഉ​ട​മ​ത​ന്നെ ലേ​ല​ത്തി​ൽ പി​ടി​ച്ചെ​ടു​ത്തി​രു​ന്നു. ലേ​ലം ക​ഴി​ഞ്ഞ്​ ഒ​രു​മാ​സ​മാ​യി​ട്ടും ന​ഷ്ട​പ​രി​ഹാ​ര​ത്തു​ക സ​ർ​ക്കാ​ർ ​കെ​ട്ടി​വെ​ക്കാ​ത്ത​തി​​നെ തു​ട​ർ​ന്നാ​ണ്​ വി​ൽ​പ​ന സ്ഥി​ര​പ്പെ​ടു​ത്തി കോ​ഴി​ക്കോ​ട്​ പ്രി​ൻ​സി​പ്പ​ൽ സ​ബ്​ ജ​ഡ്ജി കെ. ​പ്രി​യ ഉ​ത്ത​ര​വി​റ​ക്കി​യ​ത്.

സ്ഥ​ലം ഉ​ട​മ​യാ​യ ബേ​പ്പൂ​ർ സ്വ​ദേ​ശി ക​മ്പി​ട്ട​വ​ള​പ്പി​ൽ സ​ലീം, അ​ഭി​ഭാ​ഷ​ക​ൻ ര​ത്ന​കു​മാ​ർ മ​ല്ലി​​ശ്ശേ​രി മു​ഖേ​ന ന​ൽ​കി​യ ഹ​ര​ജി​യി​ലാ​ണ്​ അ​പൂ​ർ​വ ഉ​ത്ത​ര​വ്. കോ​ട​തി ഉ​ത്ത​ര​വ്​ പ്ര​കാ​രം ജി.​എ​സ്.​ടി തു​ക​യാ​യ 49,560 രൂ​പ അ​ട​ച്ച​തി​നെ തു​ട​ർ​ന്ന്​ വി​ൽ​പ​ന ന​ട​ന്ന വാ​ഹ​ന​ത്തി​ന്‍റെ ര​ജി​സ്​​ട്രേ​ഷ​ൻ സ​ർ​ട്ടി​ഫി​ക്ക​റ്റ്, ഇ​ൻ​ഷു​റ​ൻ​സ്​ ​പോ​ളി​സി സ​ർ​ട്ടി​ഫി​ക്ക​റ്റ്, പി.​യു.​സി.​സി എ​ന്നി​വ ഹാ​ജ​രാ​ക്കാ​ൻ 14 ദി​വ​സം സ​മ​യം ന​ൽ​കി​യി​ട്ടും രേ​ഖ​ക​ൾ ഹാ​ജ​രാ​ക്കാ​ത്ത​തി​നെ തു​ട​ർ​ന്നാ​ണ്​ ലേ​ലം സ്ഥി​ര​പ്പെ​ടു​ത്തി കോ​ട​തി ഉ​ത്ത​ര​വാ​യ​ത്. വാ​ഹ​നം ആ​ർ.​ടി.​ഒ വി​ധി​യു​ട​മ​യു​ടെ പേ​രി​ലേ​ക്ക്​ മാ​റ്റു​ന്ന​തോ​ടെ വാ​ഹ​നം കോ​ട​തി വി​ട്ടു​ന​ൽ​കും.

കേ​ര​ള​ത്തി​ൽ ആ​ദ്യ​മാ​യാ​ണ്​ ജി.​എ​സ്.​ടി അ​ട​ച്ച്​ സ​ർ​ക്കാ​ർ വാ​ഹ​നം വി​ധി​യു​ട​മ കൈ​ക്ക​ലാ​ക്കു​ന്ന​ത്. 2008ൽ ​രാ​മ​നാ​ട്ടു​ക​ര കി​ൻ​ഫ്ര നോ​ള​ജ്​ പാ​ർ​ക്ക്​ സ്ഥാ​പി​ക്കു​ന്ന​തി​ന്​ ഭൂ​മി​യേ​റ്റെ​ടു​ത്ത​തി​ന്‍റെ ന​ഷ്ട​പ​രി​ഹാ​ര​ത്തു​ക ന​ൽ​കാ​ത്ത​തു​മാ​യി ബ​ന്ധ​പ്പെ​ട്ടാ​ണ്​ സ​ർ​ക്കാ​ർ വാ​ഹ​നം ജ​പ്തി​ചെ​യ്യു​ന്ന അ​വ​സ്ഥ​യു​ണ്ടാ​യ​ത്.