ഓണത്തിരക്കിലൊഴുകി നഗരം

കോ​ഴി​ക്കോ​ട്​: ഓ​ണ​മാ​ഘോ​ഷി​ക്കാ​നു​ള്ള തി​ര​ക്കി​ലാ​ണ്​ ന​ഗ​രം. ഓ​ണാ​വ​ധി​ക്കു​ തൊ​ട്ടു​മു​മ്പു​ള്ള ഞാ​യ​റാ​ഴ്​​ച നി​ന്നു​തി​രി​യാ​നി​ട​മി​ല്ലാ​ത്ത തി​ര​ക്കാ​യി​രു​ന്നു. ഓ​ണ​ക്കോ​ടി​യും ഓ​ണ​വി​ഭ​വ​ങ്ങ​ളും വാ​ങ്ങാ​ൻ കു​ടും​ബ​മാ​യി എ​ത്തി​യ​വ​രേ​റെ. പ​തി​വു തെ​റ്റി​ച്ച് ഇ​ക്കു​റി ക​ച്ച​വ​ടം കു​റ​വാ​ണ്. മാ​നാ​ഞ്ചി​റ സ്ക്വ​യ​റി​നു ചു​റ്റു​മാ​ണ് ക​ച്ച​വ​ട​ക്കാ​ർ നി​ര​ന്ന​ത്. മി​ഠാ​യി​ത്തെ​രു​വും പാ​ള​യ​വും മൊ​യ്​​തീ​ൻ പ​ള്ളി റോ​ഡും കോ​ർ​ട്ട്​ റോ​ഡും എം.​എം. അ​ലി റോ​ഡും പി.​എം. താ​ജ്​ റോ​ഡും വൈ​ക്കം മു​ഹ​മ്മ​ദ്​ ബ​ഷീ​ർ റോ​ഡു​മെ​ല്ലാം ജ​ന​ങ്ങ​ളാ​ൽ നി​റ​ഞ്ഞു.

പാ​ള​യ​ത്തും മൊ​യ്​​തീ​ൻ പ​ള്ളി റോ​ഡി​ലും മാ​നാ​ഞ്ചി​റ​യി​ലു​മൊ​ക്കെ പ​തി​വ്​ ഞാ​യ​റാ​ഴ്​​ച ക​ച്ച​വ​ട​ക്കാ​രും നി​ര​ന്ന​തോ​ടെ തി​ര​ക്ക് കൂ​ടി. പാ​ള​യ​ത്ത്​ പ​ച്ച​ക്ക​റി​ക്ക​ച്ച​വ​ടം ഞാ​യ​റാ​ഴ്​​ച​യാ​യി​ട്ടും പൊ​ടി​പൊ​ടി​ച്ചു. പാ​ള​യ​ത്ത് പൂ​ക്ക​ൾ​ക്കാ​യു​ള്ള മൊ​ത്ത​വി​പ​ണ​ന കേ​ന്ദ്ര​ങ്ങ​ളി​ലും തി​ര​ക്കാ​യി​രു​ന്നു. സ്​​കൂ​ൾ അ​വ​ധി തു​ട​ങ്ങി​യ​തി​നാ​ൽ പാ​ള​യ​ത്ത്​ നി​ര​വ​ധി​യി​ട​ത്താ​യി ആ​രം​ഭി​ച്ച താ​ൽ​​ക്കാ​ലി​ക പൂ​ക്ക​ട​ക​ൾ​ക്കു മു​ന്നി​ൽ ന​ല്ല തി​ര​ക്കു​ണ്ടാ​യി​രു​ന്നു. ഓ​ണം പ്ര​മാ​ണി​ച്ച്​ ആ​രം​ഭി​ച്ച ച​ന്ത​ക​ളി​ലും വി​ൽ​പ​ന കേ​ന്ദ്ര​ങ്ങ​ളി​ലും തി​ര​ക്കു​ണ്ടാ​യി​രു​ന്നു. മാ​നാ​ഞ്ചി​റ​യി​ലും ക​ട​പ്പു​റ​ത്തും രാ​വി​​ലെ ത​ന്നെ ആ​ളു​ക​ളെ​ത്തി. വൈ​കീ​ട്ട് മാ​നാ​ഞ്ചി​റ സ്​​ക്വ​യ​റി​ന​ക​ത്തും തി​ര​ക്കു​ണ്ടാ​യി​രു​ന്നു. ടൗ​ണി​ൽ വി​വി​ധ റോ​ഡു​ക​ളി​ൽ ഗ​താ​ഗ​ത​ക്കു​രു​ക്കു​മു​ണ്ടാ​യി. വി​വി​ധ ഹോ​ട്ട​ലു​ക​ളി​ലും കേ​റ്റ​റി​ങ് യൂ​നി​റ്റു​ക​ളു​ടെ ആ​ഭി​മു​ഖ്യ​ത്തി​ലും പ്ര​ത്യേ​ക ഓ​ണ​സ​ദ്യ ഒ​രു​ക്കി​യി​രു​ന്നു.