ഹരിതപാത: നഷ്ടപരിഹാരം ലഭിക്കാൻ ആര് കനിയണം​?

പ​ന്തീ​രാ​ങ്കാ​വ്: നി​ർ​ദി​ഷ്ട പാ​ല​ക്കാ​ട്-​കോ​ഴി​ക്കോ​ട് ഹ​രി​ത​പാ​ത​ക്കാ​യി കു​ടി​യൊ​ഴി​പ്പി​ക്ക​പ്പെ​ടു​ന്ന​വ​ർ​ക്കാ​യു​ള്ള ന​ഷ്ട​പ​രി​ഹാ​ര വി​ത​ര​ണം വൈ​കു​ന്ന​ത് ഇ​ര​ക​ളെ പെ​രു​വ​ഴി​യി​ലാ​ക്കു​ന്നു. ന​ഷ്ട​പ​രി​ഹാ​രം ല​ഭി​ക്കു​ന്ന​തി​നു മു​മ്പു​ത​ന്നെ അ​ധി​കൃ​ത​ർ​ക്ക് ഭൂ​രേ​ഖ​ക​ൾ കൈ​മാ​റി, പു​തി​യ താ​മ​സ സ്ഥ​ല​ത്തി​നാ​യി മു​ൻ​കൂ​ർ പ​ണം ന​ൽ​കി​യ​വ​രും, സ്ഥ​ലം വാ​ങ്ങാ​ൻ ഉ​ദ്ദേ​ശി​ക്കു​ന്ന​വ​രു​മാ​ണ് ന​ഷ്ട​പ​രി​ഹാ​രം ല​ഭി​ക്കു​ന്ന​തി​ലു​ള്ള കാ​ല​താ​മ​സം മൂ​ലം ദു​രി​ത​ത്തി​ലാ​യ​ത്.

ജി​ല്ല​യി​ൽ 360ഓ​ളം പേ​ർ​ക്കാ​ണ് ന​ഷ്ട​പ​രി​ഹാ​രം ല​ഭി​ക്കേ​ണ്ട​ത്. 650 കോ​ടി​യോ​ളം രൂ​പ​യാ​ണ് ഇ​തി​ന് ക​ണ​ക്കാ​ക്കു​ന്ന​ത്. എ​ന്നാ​ൽ, 156 കോ​ടി മാ​ത്ര​മാ​ണ് നി​ല​വി​ൽ ഫ​ണ്ട് അ​നു​വ​ദി​ക്ക​പ്പെ​ട്ട​ത്. ആ ​തു​ക പോ​ലും വി​ത​ര​ണം​ചെ​യ്തി​ട്ടി​ല്ല. വെ​റും 13 പേ​ർ​ക്ക് മാ​ത്ര​മാ​ണ് ആ​ഴ്ച​ക​ൾ​ക്ക് മു​മ്പ് അ​ക്കൗ​ണ്ടി​ൽ പ​ണ​മെ​ത്തി​യ​ത്.

ന​ഷ്ട​പ​രി​ഹാ​ര​വു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ കൈ​കാ​ര്യം ചെ​യ്തി​രു​ന്ന ഡെ​പ്യൂ​ട്ടി ക​ല​ക്ട​ർ വി​ര​മി​ച്ച​തോ​ടെ​യാ​ണ് തു​ട​ർ​ന​ട​പ​ടി​ക​ൾ വൈ​കി​യ​തെ​ന്ന് ഇ​ര​ക​ൾ പ​റ​യു​ന്നു. വീ​ട് ന​ഷ്ട​മാ​വു​ന്ന പ​ല​രും അ​ഞ്ചും ആ​റും മാ​സ​ത്തെ കാ​ലാ​വ​ധി​യി​ൽ ക​രാ​റെ​ഴു​തി പു​തി​യ സ്ഥ​ല​ത്തി​ന് മു​ൻ​കൂ​ർ പ​ണം ന​ൽ​കി​യെ​ങ്കി​ലും പ​റ​ഞ്ഞ സ​മ​യ​ത്ത് ബാ​ക്കി പ​ണം ന​ൽ​കാ​ൻ ക​ഴി​യാ​ത്ത​ത് പ്ര​യാ​സം സൃ​ഷ്ടി​ക്കു​ന്നു​ണ്ട്. ഇ​വ​രി​ൽ പ​ല​രും ന​ൽ​കി​യ മു​ൻ​കൂ​ർ തു​ക​പോ​ലും ന​ഷ്ട​മാ​വു​മെ​ന്ന ആ​ശ​ങ്ക​യി​ലാ​ണ്.

വീ​ട് ന​ഷ്ട​പ്പെ​ടു​ന്ന​വ​രു​ടെ പു​ര​യി​ട​ത്തി​ന്റെ തു​ക​യു​ടെ ആ​ദ്യ​ഗ​ഡു മാ​ത്ര​മാ​ണ് ല​ഭി​ക്കു​ന്ന​ത്. വീ​ട് ഒ​ഴി​ഞ്ഞ ശേ​ഷ​മേ ന​ഷ്ട​പ​രി​ഹാ​രം ല​ഭി​ക്കു​ക​യു​ള്ളൂ. പു​തി​യ വീ​ട് നി​ർ​മി​ക്കാ​നും സ്ഥ​ലം വാ​ങ്ങാ​നു​മെ​ല്ലാം ഭൂ​മി ന​ഷ്ട​പ്പെ​ടു​ന്ന​വ​ർ പ​ണം വേ​റെ ക​ണ്ടെ​ത്തേ​ണ്ട അ​വ​സ്ഥ​യാ​ണ്.

സ​മീ​പ പ്ര​ദേ​ശ​ങ്ങ​ളി​ൽ ഭൂ​മി​യു​ടെ വി​ല ഉ​യ​ർ​ന്ന​തും ഇ​ര​ക​ൾ​ക്ക് അ​പ്ര​തീ​ക്ഷി​ത​മാ​യ സാ​മ്പ​ത്തി​ക ബാ​ധ്യ​ത വ​രു​ത്തി വെ​ക്കു​ന്നു​ണ്ട്. ഒ​ള​വ​ണ്ണ​യി​ലെ കൂ​ട​ത്തും​പാ​റ മു​ത​ൽ പെ​രു​മ​ണ്ണ വി​ല്ലേ​ജി​ലെ പു​റ്റേ​ക്ക​ട​വ് വ​രെ ഏ​ഴ് കി​ലോ​മീ​റ്റ​റി​ൽ താ​ഴെ ദൂ​ര​പ​രി​ധി​യി​ൽ മാ​ത്ര​മാ​ണ് കോ​ഴി​ക്കോ​ട് ജി​ല്ല​യി​ൽ ഹ​രി​ത​പാ​ത​യു​ള്ള​ത്.