സമാന്തര എക്‌സ്‌​േചഞ്ച്​: സലീമിനെ അ​േന്വഷണ സംഘം ചോദ്യം ചെയ്​തു

കോഴിക്കോട്‌: സമാന്തര ടെലിഫോൺ എക്‌സ്‌ചേഞ്ചുകൾ സ്ഥാപിച്ചത​ുമായി ബന്ധപ്പെട്ട്​ കൊരട്ടി പൊലീസ്​ രജിസ്​റ്റർചെയ്​ത കേസിൽ മലപ്പുറത്ത്​ അറസ്​റ്റിലായ കോട്ടക്കൽ സ്വദേശി പുന്നക്കോട്ടിൽ മുഹമ്മദ്​ സലീമിനെ അ​േന്വഷണ സംഘം ചോദ്യം ചെയ്​തു. തീവ്രവാദ വിരുദ്ധ സ്‌ക്വാഡ്‌ എസ്‌.പി ചൈത്ര തെരേസ ജോണും കോഴിക്കോട്​ സി ബ്രാഞ്ച്​ അസി. കമീഷണർ ടി.പി. ശ്രീജിത്തു​ം ചേർന്നാണ്​ മണിക്കൂറുകളോളം ചോദ്യം ചെയ്​തത്​. കൊരട്ടി പൊലീസി​െൻറ കസ്​റ്റഡിയിൽനിന്ന്​ വ്യാഴാഴ്‌ച രാത്രിയാണ്​ ഇയാളെ കോഴിക്കോട്ടെത്തിച്ചത്​. സമാന്തര ടെലിഫോൺ എക്​സ്​ചേഞ്ചുകളുമായി ബന്ധപ്പെട്ട്​ ഏറെക്കാലമായി പ്രവർത്തിക്കുന്ന ഇയാൾക്ക്​ കോഴിക്കോ​ട്ടെ സംഘവുമായുള്ള ബന്ധമാണ്​ പ്രധാനമായും അന്വേഷണസംഘം ചോദിച്ചത്​.

എക്‌സ്‌ചേഞ്ചുകൾ സ്ഥാപിച്ചതിന്‌ പിന്നിലെ ബുദ്ധികേന്ദ്രം സലീമാണെന്നാണ്‌ പൊലീസി​െൻറ നിഗമനം. ഇയാൾ നേരത്തേ മലപ്പുറം, കൊരട്ടി പൊലീസിന്​ നൽകിയ മൊഴികളും അന്വേഷണസംഘം പരിശോധിക്കുന്നുണ്ട്​. ഇത്​ പഠിച്ചശേഷം ആവശ്യമെങ്കിൽ വീണ്ടും കസ്​റ്റഡിയിൽ വാങ്ങി ചോദ്യം ​െചയ്യും.

മുഹമ്മദ്‌ സലീമി​െൻറ ലാപ​്​ടോപ്​​ മലാപ്പറമ്പിലെ സുഹൃത്തി​െൻറ വീട്ടിൽനിന്ന്​ പിടികൂടിയിട്ടുണ്ട്​. ചോദ്യം ചെയ്യലിൽ ലഭിച്ച വിവരങ്ങളുടെ അടിസ്ഥാനത്തിൽ നടത്തിയ അനേഷണത്തിലാണ്‌ ലാപ്‌ടോപ്‌ കണ്ടെത്തിയത്‌. വരും ദിവസം ലാപ്‌ടോപ്‌ സാങ്കേതിക വിദഗ്‌ധർ പരിശോധിക്കും.അതേസമയം, കോഴിക്കോ​ട്ടെ കേസിൽ ഒളിവിൽ കഴിയുന്ന ചാലപ്പുറം സ്വദേശി പി.പി. ഷബീർ, പൊറ്റമ്മൽ സ്വദേശി എം.ജി. കൃഷ്​ണപ്രസാദ്​, ബേപ്പൂർ സ്വദേശി അബ്​ദുൽ ഗഫൂർ എന്നിവർക്കായി അന്വേഷണസംഘം തെരച്ചിൽ ഊർജിതമാക്കി. ഇവരുടെ സുഹൃത്തുക്കളും ബന്ധുക്കളും ഉൾപ്പെടെയുള്ളവരെ വീണ്ടും വിളിപ്പിച്ച്​ വിവരങ്ങൾ അ​േന്വഷിച്ചു. ഒളിവിലുള്ളവർ മൊബൈൽ ഫോൺ ഉപയോഗിക്കാത്തതിനാൽ ഇവർ തങ്ങുന്ന സ്​ഥലം ഇതുവരെ കണ്ടെത്താനായിട്ടില്ല. അതിനിടെ, പ്രത്യേക അന്വേഷണ സംഘത്തിലെ ഒരു ടീം ചില സൂചനകളു​െട അടിസ്​ഥാനത്തിൽ ഇപ്പോഴും ഹൈദരാബാദിൽ തുടരുന്നുണ്ട്​.