മരുന്ന് ക്ഷാമത്തിൽ വലഞ്ഞ് രോഗികൾ; വിതരണക്കാരുമായി ഇന്ന് ചർച്ച

കോ​ഴി​ക്കോ​ട്: കു​ടി​ശ്ശി​ക ല​ഭി​ക്കാ​ത്ത​തി​നെ​തു​ട​ർ​ന്ന് മെ​ഡി​ക്ക​ൽ കോ​ള​ജി​ലേ​ക്കു​ള്ള മ​രു​ന്ന്, സ​ർ​ജി​ക്ക​ൽ ഉ​പ​ക​ര​ണ വി​ത​ര​ണം എന്നിവ വ്യാ​പാ​രി​ക​ൾ നി​ർ​ത്തി​വെ​ച്ച​ത് രോ​ഗി​ക​ളെ വ​ല​ക്കു​ന്നു. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ ന്യാ​യ​വി​ല, കാ​രു​ണ്യ മെ​ഡി​ക്ക​ൽ ഷോ​പ്പു​ക​ളി​ലൊ​ന്നും അ​ത്യാ​വ​ശ്യ മ​രു​ന്നു​ക​ൾ ല​ഭി​ക്കാ​ത്ത അ​വ​സ്ഥ​യാ​ണ്. ഡ​യാ​ലി​സി​ന്‍റെ അ​ട​ക്കം മ​രു​ന്ന് സ്റ്റോ​ക്ക് തീ​ർ​ന്ന​താ​ണ് രോ​ഗി​ക​ളെ വ​ല​ക്കു​ന്ന​ത്. വി​ല​പി​ടി​പ്പു​ള്ള മ​രു​ന്നു​ക​ൾ എ​ല്ലാം രോ​ഗി​ക​ൾ പു​റ​ത്തു​നി​ന്ന് വാ​ങ്ങു​ക​യാ​ണ്. പ്ര​ശ്നം രൂ​ക്ഷ​മാ​വു​ക​യും യു​വ​ജ​ന സം​ഘ​ട​ന​ക​ൾ പ്ര​തി​ഷേ​ധം ശ​ക്ത​മാ​ക്കു​ക​യും ചെ‍യ്ത​തോ​ടെ മ​രു​ന്ന് വി​ത​ര​ണ​ക്കാ​രെ ആ​ശു​പ​ത്രി സൂ​പ്ര​ണ്ട് ച​ർ​ച്ച​ക്ക് വി​ളി​ച്ചി​രി​ക്കു​ക‍യാ​ണ്. തി​ങ്ക​ളാ​ഴ്ച രാ​വി​ലെ 11നാ​ണ് ച​ർ​ച്ച. ശ​നി​യാ​ഴ്ച​യും ഞാ​യ​റാ​ഴ്ച​യും ഡ​യാ​ലി​സി​സി​ന്‍റെ എ​ല്ലാ മ​രു​ന്നു​ക​ളും രോ​ഗി​ക​ൾ പു​റ​ത്തു​നി​ന്നു വാ​ങ്ങു​ക​യാ​യി​രു​ന്നു.

അ​ടി​യ​ന്ത​ര ശ​സ്ത്ര​ക്രി​യ​ക​ൾ മാ​ത്ര​മാ​ണ് ഇ​പ്പോ​ൾ ആ​ശു​പ​ത്രി​യി​ൽ ന​ട​ക്കു​ന്ന​ത്. സ​മ​രം തു​ട​ങ്ങി ആ​ദ്യ​ദി​വ​സ​ങ്ങ​ളി​ൽ പ​ണം കൊ​ടു​ക്കു​ന്ന​വ​ർ​ക്ക് മേ​ജ​ർ ശ​സ്ത്ര​ക്രി​യ​ക​ൾ​ക്കു​ള്ള ഉ​പ​ക​ര​ണ​ങ്ങ​ൾ വി​ത​ര​ണ​ക്കാ​ർ എ​ത്തി​ച്ചു ന​ൽ​കി​യി​രു​ന്നെ​ങ്കി​ലും മൂ​ന്ന് ദി​വ​സ​മാ​യി അ​തും നി​ല​ച്ചു. പ​ണം കൊ​ടു​ക്കു​ന്ന​വ​ർ​ക്ക് ഉ​പ​ക​ര​ണം ന​ൽ​കു​ന്നു​വെ​ന്ന് ആ​ക്ഷേ​പം ഒ​ഴി​വാ​ക്കാ​നാ​ണ് വി​ത​ര​ണ​ക്കാ​ർ ഇ​ത്ത​ര​മൊ​രു തീ​രു​മാ​നം എ​ടു​ത്ത​തെ​ന്നാ​ണ് വി​വ​രം. മ​രു​ന്ന് സ്റ്റോ​ക്ക് ഗ​ണ്യ​മാ​യി കു​റ​ഞ്ഞ​തോ​ടെ ന്യാ​യ​വി​ല മ​രു​ന്ന് ഷോ​പ്പ് സ്റ്റോ​ക്കെ​ടു​പ്പി​ന്‍റെ പേ​ര് പ​റ​ഞ്ഞ് അ​ട​ച്ചി​ട്ടി​രി​ക്കു​ക​യാ​യി​രു​ന്നു. മ​രു​ന്ന്, സ​ർ​ജി​ക്ക​ൽ ഉ​പ​ക​ര​ണ വി​ത​ര​ണം വ്യാ​പാ​രി​ക​ൾ നി​ർ​ത്തി​വെ​ച്ച​തോ​ടെ കാ​രു​ണ്യ ആ​രോ​ഗ്യ ഇ​ൻ​ഷു​റ​ൻ​സ് വ​ഴി​യു​ള്ള മേ​ജ​ർ ശ​സ്ത്ര​ക്രി​യ​ക​ൾ മു​ട​ങ്ങി. അ​തേ​സ​മ​യം പ്ര​ശ്ന​ത്തി​ന് പ​രി​ഹാ​രം ക​ണ്ടി​ല്ലെ​ങ്കി​ൽ ക​ല​ക്ട​റേ​റ്റ് മാ​ർ​ച്ച് ഉ​ൾ​പ്പെ​ടെ​യു​ള്ള സ​മ​ര പ​രി​പാ​ടി​ക​ളു​മാ​യി മു​ന്നോ​ട്ടു പോ​കു​മെ​ന്ന് ഓ​ൾ കേ​ര​ള കെ​മി​സ്റ്റ്സ് ആ​ൻ​ഡ് ഡ്ര​ഗ്ഗി​സ്റ്റ്സ് അ​സോ​സി​യേ​ഷ​ൻ അ​റി​യി​ച്ചി​രു​ന്നു. എ​ട്ടു​മാ​സ​ത്തെ കു​ടി​ശ്ശി​ക​യാ​യി 75 കോ​ടി​യോ​ളം രൂ​പ​യാ​ണ് മ​രു​ന്നു വി​ത​ര​ണ​ക്കാ​ർ​ക്ക് ല​ഭി​ക്കാ​നു​ള്ള​ത്.

മൂ​ന്നു മാ​സ​ത്തെ കു​ടി​ശ്ശി​ക ല​ഭി​ച്ചി​ല്ലെ​ങ്കി​ൽ ഈ ​മാ​സം 10 മു​ത​ൽ മ​രു​ന്ന് വി​ത​ര​ണം നി​ർ​ത്തി​വെ​ക്കു​മെ​ന്ന് കാ​ണി​ച്ച് വി​ത​ര​ണ​ക്കാ​ർ ആ​ശു​പ​ത്രി അ​ധി​കൃ​ത​ർ​ക്കും ക​ല​ക്ട​ർ​ക്കും ക​ത്ത് ന​ൽ​കി​യി​രു​ന്നെ​ങ്കി​ലും കാ​രു​ണ്യ ആ​രോ​ഗ്യ ഇ​ൻ​ഷു​റ​ൻ​സി​ന്‍റെ പ​ണം ല​ഭി​ച്ചി​ല്ലെ​ന്ന് പ​റ​ഞ്ഞ് ഇ​വ​ർ കൈ​യൊ​ഴി​യു​ക​യാ​യി​രു​ന്നു. തു​ട​ർ​ന്നാ​ണ് വ്യാ​പാ​രി​ക​ൾ വി​ത​ര​ണം നി​ർ​ത്തി​വെ​ച്ച​ത്. തി​ങ്ക​ളാ​ഴ്ച ന​ട​ക്കു​ന്ന ച​ർ​ച്ച​യി​ൽ പ്ര​ശ്ന​ത്തി​ന് പ​രി​ഹാ​ര​മാ​കു​മെ​ന്ന പ്ര​തീ​ക്ഷ​യി​ലാ​ണ് വി​ത​ര​ണ​ക്കാ​രും രോ​ഗി​ക​ളും.