റവന്യൂ ജില്ലാ പ്രാദേശിക ചരിത്ര രചനയിൽ നിഹാരക്ക് മികച്ച നേട്ടം

പയ്യോളി : ' ശാസ്ത്രരംഗം 2021 ' ൻ്റെ ഭാഗമായി ഹൈസ്കൂൾ വിഭാഗത്തിൽ നടന്ന പ്രാദേശിക ചരിത്രരചന മത്സരത്തിൽ ഇരിങ്ങൽ സ്വദേശിയായ എ.കെ. നിഹാരക്ക് മികച്ച നേട്ടം.

കോട്ടക്കൽ കുഞ്ഞാലി മരക്കാരുടെ പടം മനോഹരമായി ആലേഖനം ചെയ്ത് കൊണ്ട് ' കോട്ടവാതിൽക്കൽ' എന്ന തലക്കെട്ടിൽ വരച്ച രചനക്കാണ് നിഹാര നേട്ടം കൊയ്തത്. മത്സരത്തിൽ റവന്യൂ ജില്ലയിൽ രണ്ടാം സ്ഥാനം കരസ്ഥമാക്കിയ ഈ കൊച്ചുമിടുക്കി കോട്ടക്കൽ കുഞ്ഞാലിമരക്കാർ ഹയർ സെക്കണ്ടറി സ്കൂൾ എട്ടാം തരം വിദ്യാർഥിനിയാണ്.

ഇരിങ്ങൽ കക്കറവയലിൽ ' വിപഞ്ചിക ' യിൽ വിശ്വനാഥൻ്റെയും സുനീതയുടെയും മകളാണ് നിഹാര. മികച്ച നേട്ടം കൈവരിച്ച നിഹാരയെ അധ്യാപകരും വിദ്യാർഥികളും അഭിനന്ദിച്ചു.