ചെ​റു​വ​ണ്ണൂ​രി​ല്‍ ജ്വ​ല്ല​റി കു​ത്തി​ത്തു​റ​ന്ന് മോ​ഷ​ണം

പേ​രാ​മ്പ്ര: ചെ​റു​വ​ണ്ണൂ​രി​ൽ സ്വ​ർ​ണാ​ഭ​ര​ണ നി​ർ​മാ​ണ ക​ട കു​ത്തി​ത്തു​റ​ന്ന് 250 ഗ്രാം ​സ്വ​ര്‍ണ​വും അ​ഞ്ച് കി​ലോ​ഗ്രാം വെ​ള്ളി​യും ക​വ​ർ​ന്നു. പ​വി​ത്രം ജ്വ​ല്ല​റി വ​ര്‍ക്‌​സി​ലാ​ണ് വെ​ള്ളി​യാ​ഴ്ച രാ​ത്രി ക​വ​ര്‍ച്ച ന​ട​ന്ന​ത്. ഷോ​പ്പി​ന്റെ പി​റ​കു​വ​ശ​ത്തെ ചു​മ​ര്‍ തു​ര​ന്നാ​ണ് മോ​ഷ്ടാ​വ് ഉ​ള്ളി​ല്‍ ക​ട​ന്ന​ത്. ചെ​റു​വ​ണ്ണൂ​ര്‍ സ്വ​ദേ​ശി പി​ലാ​റ​ത്ത് താ​ഴെ വി​നോ​ദ​ന്റെ​താ​ണ് സ്ഥാ​പ​നം. അ​മ്മ​യു​ടെ മ​ര​ണ​ത്തെ തു​ട​ര്‍ന്ന് വെ​ള്ളി​യാ​ഴ്ച 5.30ഓ​ടെ ഇ​യാ​ള്‍ ക​ട അ​ട​ച്ച് പോ​യ​താ​ണ്.

രാ​വി​ലെ അ​ടു​ത്തു​ള്ള ഷോ​പ്പു​ട​മ മെ​യി​ന്‍ സ്വി​ച്ച് ഓ​ണാ​ക്കാ​നാ​യി കെ​ട്ടി​ട​ത്തി​ന്റെ പി​റ​കി​ല്‍ പോ​യ​പ്പോ​ഴാ​ണ് മ​ണ്ണ് ശ്ര​ദ്ധ​യി​ല്‍പ്പെ​ട്ട​ത്. തു​ട​ര്‍ന്നാ​ണ് ചു​മ​ര്‍ തു​ര​ന്ന​താ​യി കാ​ണു​ന്ന​ത്. ഇ​യാ​ളാ​ണ് വി​നോ​ദി​നെ വി​വ​രം അ​റി​യി​ക്കു​ന്ന​ത്. വി​നോ​ദെ​ത്തി ഷ​ട്ട​ര്‍ തു​റ​ന്ന് അ​ക​ത്ത് പ്ര​വേ​ശി​ച്ച​പ്പോ​ള്‍ സേ​ഫ് ത​ക​ര്‍ത്ത നി​ല​യി​ല്‍ കാ​ണു​ക​യാ​യി​രു​ന്നു. ഉ​ട​ന്‍ പൊ​ലീ​സി​ല്‍ വി​വ​ര​മ​റി​യി​ക്കു​ക​യാ​യി​രു​ന്നു. ജ്വ​ല്ല​റി​ക​ളി​ലേ​ക്കും ആ​ളു​ക​ള്‍ ഓ​ര്‍ഡ​ര്‍ ന​ല്‍കു​ന്ന​ത​നു​സ​രി​ച്ചും ആ​ഭ​ര​ണ​ങ്ങ​ള്‍ ഉ​ണ്ടാ​ക്കി ന​ല്‍കു​ക​യാ​ണി​വി​ടെ. പു​തു​താ​യി നി​ര്‍മി​ച്ച​വ​യും ന​ന്നാ​ക്കാ​ൻ ല​ഭി​ച്ച​തു​മാ​യ ആ​ഭ​ര​ണ​ങ്ങ​ളാ​ണ് മോ​ഷ​ണം പോ​യ​ത്. കു​റ​ച്ച് പ​ഴ​യ വെ​ള്ളി​യാ​ഭ​ണ​ങ്ങ​ള്‍ ജ്വ​ല്ല​റി​യി​ല്‍ത​ന്നെ ഉ​പേ​ക്ഷി​ച്ച നി​ല​യി​ലും ക​ണ്ടെ​ത്തി. സ​മീ​പ​ത്തെ ഫാ​ന്‍സി ക​ട​യി​ല്‍ സി.​സി.​ടി.​വി ഉ​ണ്ടെ​ങ്കി​ലും അ​ത് പ്ര​വ​ര്‍ത്ത​ന​ക്ഷ​മ​മ​ല്ല. പേ​രാ​മ്പ്ര ഡി​വൈ.​എ​സ്.​പി കെ.​എം. ബി​ജു​വി​ന്റെ നേ​തൃ​ത്വ​ത്തി​ല്‍ പൊ​ലീ​സ് സ്ഥ​ല​ത്തെ​ത്തി അ​ന്വേ​ഷ​ണം ആ​രം​ഭി​ച്ചു. പേ​രാ​മ്പ്ര​യി​ല്‍നി​ന്ന് ഡോ​ഗ് സ്ക്വാ​ഡും, വ​ട​ക​ര​യി​ൽ​നി​ന്ന് വി​ര​ള​ട​യാ​ള വി​ദ​ഗ്ധ​രും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. കേ​സ് അ​ന്വേ​ഷ​ണ​ത്തി​ന് പ്ര​ത്യേ​ക ടീ​മി​നെ നി​യോ​ഗി​ക്കു​മെ​ന്ന് ഡി​വൈ.​എ​സ്.​പി അ​റി​യി​ച്ചു.