വയോധികന്റെ കാലില് ബസ് കയറി
text_fieldsപേരാമ്പ്ര: ബസ് തട്ടി വയോധികന്റെ കാലിന് ഗുരുതര പരിക്കേറ്റു. മുളിയങ്ങല് പനമ്പ്ര കോളനിയില് കേശവന് (75) ആണ് പരിക്കേറ്റത്. പേരാമ്പ്ര ബസ് സ്റ്റാൻഡില് ചൊവ്വാഴ്ച 10ഓടെയാണ് സംഭവം. സ്റ്റാൻഡില്നിന്ന് പുറത്തേക്ക് എടുക്കുകയായിരുന്ന ബസിന്റെ മുന്ചക്രം വയോധികന്റെ കാലിലൂടെ കയറിയിറങ്ങുകയായിരുന്നു.
പേരാമ്പ്ര - കൂട്ടാലിട- ബാലുശ്ശേരി റൂട്ടിലോടുന്ന പ്രണവം എന്ന ബസാണ് അപകടത്തിൽപെട്ടത്. ഇദ്ദേഹത്തിന്റെ കാല്പാദം ചതഞ്ഞരഞ്ഞ നിലയിലാണ്. പേരാമ്പ്ര താലൂക്ക് ആശുപത്രിയില് പ്രാഥമിക ചികിത്സക്ക് ശേഷം കോഴിക്കോട് മെഡിക്കല് കോളജിലേക്ക് മാറ്റി. ബസ് പൊലീസ് കസ്റ്റഡിയിൽ എടുത്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.