നാടിനെ കണ്ണീരിലാഴ്ത്തി യുവാവിന്റെ മരണം

പേ​രാ​മ്പ്ര: ക​നാ​ലി​ൽ കു​ളി​ക്കാ​നി​റ​ങ്ങി കാ​ണാ​താ​യ ആ​ശാ​രി​ക​ണ്ടി വാ​ഴ​യി​ൽ മീ​ത്ത​ൽ യ​ദു ഗം​ഗാ​ധ​ര​ന്റെ മ​ര​ണം നാ​ടി​നെ ദുഃ​ഖ​ത്തി​ലാ​ഴ്ത്തി. നാ​ട്ടു​കാ​ർ​ക്കെ​ല്ലാം ഏ​റെ പ്രി​യ​പ്പെ​ട്ട​വ​നാ​യ യ​ദു കു​ടും​ബ​ത്തി​ന്റെ​യും ആ​ശ്ര​യ​മാ​യി​രു​ന്നു. വെ​ള്ളി​യാ​ഴ്ച രാ​ത്രി 10.30ന് ​ജോ​ലി ക​ഴി​ഞ്ഞ് മ​ട​ങ്ങി​വ​രു​ന്ന വ​ഴി​ക്ക് കു​ളി​ക്കാ​നാ​യി മാ​മ്പ​ള്ളി ഭാ​ഗ​ത്ത് ക​നാ​ലി​ന്റെ അ​ക്വ​ഡേ​റ്റി​ലേ​ക്ക് ചാ​ടു​ക​യാ​യി​രു​ന്നു. സു​ഹൃ​ത്തു​ക്ക​ളോ​ട് നീ​ന്തി മ​റു​ക​ര​യി​ൽ എ​ത്താ​മെ​ന്ന് പ​റ​ഞ്ഞി​രു​ന്നു.

എ​ന്നാ​ൽ, ഏ​റെ​നേ​രം ക​ഴി​ഞ്ഞി​ട്ടും യ​ദു മ​റു​ഭാ​ഗ​ത്ത് എ​ത്താ​ത്ത​തി​നെ​തു​ട​ർ​ന്ന് സു​ഹൃ​ത്തു​ക്ക​ളും നാ​ട്ടു​കാ​രും അ​ഗ്നി​ര​ക്ഷാ​സേ​ന​യും ന​ട​ത്തി​യ തി​ര​ച്ചി​ലി​ൽ ശ​നി​യാ​ഴ്ച​യാ​ണ് മൃ​ത​ദേ​ഹം ക​ണ്ട​ത്. 150 മീ​റ്റ​ർ നീ​ള​വും 2.5 മീ​റ്റ​ർ വീ​തി​യും മു​ക​ൾ​ഭാ​ഗം റോ​ഡു​മാ​യ അ​ക്വ​ഡേ​റ്റി​ൽ ഇ​റ​ങ്ങി അ​തി​സാ​ഹ​സി​ക​മാ​യ തി​ര​ച്ചി​ലാ​ണ് അ​ഗ്നി​ര​ക്ഷാ സേ​ന ന​ട​ത്തി​യ​ത്.

പേ​രാ​മ്പ്ര അ​ഗ്നി​ര​ക്ഷാ​നി​ല​യ​ത്തി​ലെ അ​സി. സ്റ്റേ​ഷ​ൻ ഓ​ഫി​സ​ർ എം. ​പ്ര​ദീ​പ​ന്റെ​യും അ​സി. സ്റ്റേ​ഷ​ൻ ഓ​ഫി​സ​ർ പി.​സി. പ്രേ​മ​ന്റെ​യും നേ​തൃ​ത്വ​ത്തി​ൽ ഓ​ഫി​സ​ർ​മാ​രാ​യ ഇ.​എം. പ്ര​ശാ​ന്ത്, വി. ​വി​നീ​ത്, കെ.​പി. വി​പി​ൻ, കെ. ​ര​ഗി​നേ​ഷ്, എം. ​മ​കേ​ഷ്, ഹോം​ഗാ​ർ​ഡ് വി.​കെ. ബാ​ബു നാ​ട്ടു​കാ​രാ​യ ക​ല്ലു​നി​ര​വ​ത്ത് അ​ഷ്റ​ഫ്, മാ​വു​ള്ള​ചാ​ലി​ൽ സു​രേ​ഷ് എ​ന്നി​വ​ർ തി​ര​ച്ചി​ലി​ൽ പ​ങ്കാ​ളി​ക​ളാ​യി.

കൂ​ത്താ​ളി പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് വി.​എം. അ​നൂ​പ്‌ കു​മാ​ർ, ഇ​റി​ഗേ​ഷ​ൻ എ.​എ​ക്സ്.​ഇ ബി​ജു, എ.​ഇ. അ​ർ​ജു​ൻ, ഇ​റി​ഗേ​ഷ​ൻ ജീ​വ​ന​ക്കാ​രാ​യ ബാ​ബു, വി​നോ​ദ്, സു​രേ​ഷ്, ബാ​ല​കൃ​ഷ്ണ​ൻ, ന​വാ​സ് എ​ന്നി​വ​രും സം​ഭ​വ​സ്ഥ​ല​ത്ത് ഉ​ണ്ടാ​യി​രു​ന്നു.