അംഗൻവാടി ജീവനക്കാരെ ആപ്പിലാക്കി പോഷണ്‍ ട്രാക്കര്‍ ആപ്

കോ​ഴി​ക്കോ​ട്: ജോ​ലി ഭാ​രം കു​റ​ക്കാ​നെ​ന്ന പേ​രി​ല്‍ ന​ല്‍കി​യ ഫോ​ണും പോ​ഷ​ണ്‍ ട്രാ​ക്ക​ര്‍ ആ​പ്പും അം​ഗ​ൻ​വാ​ടി ജീ​വ​ന​ക്കാ​രു​ടെ ജോ​ലി ഭാ​രം ഇ​ര​ട്ടി​യാ​ക്കു​ന്ന​താ​യി പ​രാ​തി. കാ​ല​പ്പ​ഴ​ക്കം കൊ​ണ്ടും സ്റ്റോ​റേ​ജ് പ​രി​മി​തി കൊ​ണ്ടും സ​ർ​ക്കാ​ർ ന​ൽ​കി​യ ഫോ​ണു​ക​ളെ​ല്ലാം ഉ​പ​യോ​ഗ​ശൂ​ന്യ​മാ​യി. പ​ല​രും സ്വ​ന്തം ഫോ​ണു​ക​ള്‍ ഉ​പ​യോ​ഗി​ച്ചാ​ണ് വി​വ​ര​ങ്ങ​ള്‍ അ​പ് ലോ​ഡ് ചെ​യ്യു​ന്ന​ത്. വി​വ​ര​ങ്ങ​ള്‍ അ​പ് ലോ​ഡ് ചെ​യ്യു​മ്പോ​ള്‍ ആ​പ്പി​ലെ സാ​ങ്കേ​തി​ക പ്ര​ശ്‌​നം കാ​ര​ണം ആ​ദ്യം ഫ​യ​ൽ ചെ​യ്ത വി​വ​രം ന​ഷ്ട​പ്പെ​ടു​ന്ന​തും പ​തി​വാ​ണ്. ഇ​തു​കാ​ര​ണം വി​വ​ര​ങ്ങ​ള്‍ ര​ജി​സ്റ്റ​റി​ല്‍ എ​ഴു​തി സൂ​ക്ഷി​ക്കേ​ണ്ട അ​വ​സ്ഥ​യാ​ണ്.

വി​വ​ര​ശേ​ഖ​ര​ണ​ത്തി​നാ​യി 2021 മു​ത​ലാ​ണ് പോ​ഷ​ണ്‍ ട്രാ​ക്ക​ര്‍ ആ​പ്പ് നി​ല​വി​ല്‍ വ​ന്ന​ത്. ഗ​ര്‍ഭി​ണി​ക​ള്‍, പാ​ലൂ​ട്ടു​ന്ന അ​മ്മ​മാ​ര്‍, ആ​റു​വ​യ​സു​വ​രെ​യു​ള്ള കു​ട്ടി​ക​ളു​ടെ വി​വ​ര​ശേ​ഖ​ര​ണം എ​ന്നി​വ​യെ​ല്ലാം ആ​പ്പി​ലൂ​ടെ​യാ​ണ്. ഫീ​ല്‍ഡി​ലി​റ​ങ്ങി വി​വ​ര​ങ്ങ​ള്‍ ശേ​ഖ​രി​ച്ച് 13 ഓ​ളം സ​ര്‍വേ വി​വ​ര​ങ്ങ​ളാ​ണ് ദി​വ​സ​വും മൊ​ബൈ​ല്‍ അ​പ്ലി​ക്കേ​ഷ​നി​ലും ര​ജി​സ്റ്റ​റു​ക​ളി​ലും അം​ഗ​ൻ​വാ​ടി ജീ​വ​ന​ക്കാ​ര്‍ ഉ​ള്‍പ്പെ​ടു​ത്തേ​ണ്ട​ത്.

ഇ​ത്ത​രം പ്ര​വ​ര്‍ത്ത​ന​ങ്ങ​ള്‍ ചെ​യ്തു​ക​ഴി​ഞ്ഞാ​ല്‍ 500 രൂ​പ വ​ര്‍ക്ക​ര്‍ക്കും 250 രൂ​പ ഹെ​ല്‍പ​ര്‍ക്കും ല​ഭ്യ​മാ​ക്കു​മെ​ന്ന് അ​റി​യി​ച്ചി​രു​ന്നു. എ​ന്നാ​ല്‍, ര​ണ്ടു​ത​വ​ണ മാ​ത്ര​മാ​ണ് ഇ​ന്‍സെ​ന്റീ​വ് ല​ഭി​ച്ച​ത്.

പി​ന്നീ​ട് എ​ല്ലാം നി​ല​ച്ചു. ഫോ​ണി​ലേ​ക്ക് ഇ​ന്റ​ര്‍നെ​റ്റ്പോ​ലും കൃ​ത്യ​മാ​യി കി​ട്ടാ​ത്ത സ്ഥി​തി​യാ​ണെ​ന്ന് ജീ​വ​ന​ക്കാ​ര്‍ പ​റ​യു​ന്നു. എ​ല്ലാ ജീ​വ​ന​ക്കാ​രും സ്വ​ന്തം ഫോ​ണി​ല്‍ സ്വ​ന്തം ചെ​ല​വി​ല്‍ ഇ​ത്ത​രം പ്ര​വ​ര്‍ത്ത​നം ന​ട​ത്തു​ക​യാ​ണ്. എ​ണ്ണ​യി​ട്ട യ​ന്ത്രം​പോ​ലെ ജോ​ലി ചെ​യ്തി​ട്ടും കൃ​ത്യ​മാ​യ ഇ​ന്‍സെ​റ്റീ​വ് പോ​ലും ല​ഭി​ക്കു​ന്നി​ല്ലെ​ന്ന് ജീ​വ​ന​ക്കാ​ർ പ​റ​ഞ്ഞു. രാ​വി​ലെ മു​ത​ല്‍ വൈ​കീ​ട്ടു മൂ​ന്ന​ര വ​രെ​യാ​ണ് അം​ഗ​ൻ​വാ​ടി പ്ര​വ​ര്‍ത്ത​ന സ​മ​യം. ഇ​തി​നു​ശേ​ഷ​മാ​ണ് ഗൃ​ഹ സ​ന്ദ​ര്‍ശ​ന​ത്തി​ന്റെ​യും റ​ജി​സ്റ്റ​ര്‍ ത​യാ​റാ​ക്ക​ലി​ന്റെ​യും ജോ​ലി ആ​രം​ഭി​ക്കു​ന്ന​ത്. മാ​ത്ര​മ​ല്ല, കു​ട്ടി​ക​ളു​ടെ കാ​ര്യ​ങ്ങ​ളും ഹെ​ല്‍പ​ര്‍മാ​ര്‍ അ​വ​ധി​യു​ള്ള ദി​വ​സ​ങ്ങ​ളി​ല്‍ ഭ​ക്ഷ​ണ​മു​ള്‍പ്പെ​ടെ ഉ​ണ്ടാ​ക്കി ന​ല്‍കേ​ണ്ട ഉ​ത്ത​ര​വാ​ദി​ത്ത​വും ജീ​വ​ന​ക്കാ​ര്‍ക്കാ​ണ്. കു​ട്ടി​ക​ളു​ടെ പ്ര​ഭാ​ത ഭ​ക്ഷ​ണം ഉ​ള്‍പ്പെ​ടെ ത​യാ​റാ​ക്കാ​ന്‍ രാ​വി​ലെ ഒ​മ്പ​തോ​ടെ അം​ഗ​ൻ​വാ​ടി​ക​ളി​ല്‍ എ​ത്ത​ണം.

എ​ന്നാ​ല്‍, വേ​ത​ന​വും ഓ​ണ​റേ​റി​യ​വും വ​ര്‍ധി​പ്പി​ക്കാ​ന്‍ സ​ര്‍ക്കാ​ര്‍ ത​യാ​റാ​വു​ന്നി​ല്ലെ​ന്നും ഇ​വ​ര്‍ പ​റ​യു​ന്നു. സ​ര്‍ക്കാ​ര്‍ പ്ര​ഖ്യാ​പി​ക്കു​ന്ന പ​ദ്ധ​തി​ക​ളും പ​രി​പാ​ടി​ക​ളും സം​ഘ​ടി​പ്പി​ക്കു​ന്ന​തി​ന്റെ ചെ​ല​വു​ക​ളും കൈ​യി​ല്‍ നി​ന്നെ​ടു​ക്കേ​ണ്ട അ​വ​സ്ഥ​യാ​ണെ​ന്നും ജീ​വ​ന​ക്കാ​ർ പ​രാ​തി​പ്പെ​ടു​ന്നു.