മക്കൾ തേടിയെത്തി; കോ​ഴി​ക്കോ​ട്​ മാ​ന​സി​കാ​രോ​ഗ്യ കേ​ന്ദ്ര​ത്തി​ൽ ക​ഴി​ഞ്ഞ പു​ണെ സ്വദേശി നാട്ടിലേക്ക് മടങ്ങി

കോ​ഴി​ക്കോ​ട്​: അ​ഞ്ച്​ വ​ർ​ഷം മു​മ്പ്​ നാ​ടു​വി​ട്ട്​ മൂ​ന്ന്​ കൊ​ല്ല​മാ​യി കോ​ഴി​ക്കോ​ട്​ മാ​ന​സി​കാ​രോ​ഗ്യ കേ​ന്ദ്ര​ത്തി​ൽ ക​ഴി​ഞ്ഞി​രു​ന്ന പു​ണെ ചി​ന്ത്​​വ​ഡ്​​ഗ​ൺ സ്വ​ദേ​ശി​നി ക​ല്യാ​ണി ശ​ർ​മ (58) കു​ടും​ബ​ത്തോ​ടൊ​പ്പം നാ​ട്ടി​ലേ​ക്ക്​ മ​ട​ങ്ങി. വ​ഴി തെ​റ്റി ന​ഗ​ര​ത്തി​ൽ ക​ണ്ട അ​വ​രെ 2019 ജൂ​ലൈ ഏ​ഴി​ന്​ പൊ​ലീ​സ്​ കോ​ട​തി മു​ഖേ​ന ആ​ശു​പ​ത്രി​യി​ലാ​ക്കു​ക​യാ​യി​രു​ന്നു.

അ​നാ​ഥ സ്ത്രീ​യാ​യി ക​ഴി​ഞ്ഞ അ​വ​രു​മാ​യി സാ​മൂ​ഹി​ക പ്ര​വ​ർ​ത്ത​ക​ൻ ശി​വ​ൻ കോ​ട്ടൂ​ളി​യു​ടെ നേ​തൃ​ത്വ​ത്തി​ലു​ള്ള സം​ഘം സം​സാ​രി​ച്ച ശേ​ഷം ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ്​ ബ​ന്ധു​ക്ക​ളെ ക​ണ്ടെ​ത്തി​യ​ത്. പു​ണെ​യി​ലാ​ണ്​ വീ​ട്​ എ​ന്ന്​ മാ​ത്ര​മേ ഇ​വ​ർ​ക്ക്​ ഓ​ർ​മ​യു​ണ്ടാ​യി​രു​ന്നു​ള്ളൂ.

ഏ​റ്റ​വു​മൊ​ടു​വി​ൽ 2017ൽ ​ഇ​തേ പേ​രു​ള്ള സ​ത്രീ​യെ കാ​ണാ​താ​യ പ​രാ​തി​യു​ള്ള കാ​ര്യം മ​ന​സ്സി​ലാ​ക്കി ഉ​യ​ർ​ന്ന പൊ​ലീ​സ്​ ഉ​ദ്യോ​ഗ​സ്​​ഥ​രു​മാ​യി ബ​ന്ധ​പ്പെ​ട്ടാ​ണ്​ ബ​ന്ധു​ക്ക​ളെ ക​ണ്ടെ​ത്തി​യ​ത്​ . കോ​ഴി​ക്കോ​ട്ടെ​ത്തി​യ മ​ക്ക​ൾ പ്രി​യ​ങ്ക​ക്കും പ്ര​ണ​വി​നു​മൊ​പ്പ​മാ​ണ്​ നാ​ട്ടി​ലേ​ക്ക്​ മ​ട​ങ്ങി​യ​ത്. നേ​ര​ത്തേ ഇ​വ​ർ അ​ധ്യാ​പി​ക​യാ​യി ജോ​ലി ചെ​യ്തി​രു​ന്നു.

അ​മ്മ​യെ തി​രി​ച്ചു​ കി​ട്ടി​യ​തി​ൽ കു​ടും​ബം ന​ഗ​ര​ത്തി​ലെ സ​ന്ന​ദ്ധ പ്ര​വ​ർ​ത്ത​ക​ർ​ക്ക്​ ന​ന്ദി പ​റ​ഞ്ഞു. വി​മാ​ന​ത്തി​ലാ​ണ്​ നാ​ട്ടി​ലേ​ക്ക് മ​ട​ങ്ങി​യ​ത്. സൂ​പ്ര​ണ്ട്​ ഡോ. ​ര​മേ​ശ​ന്‍റെ നേ​തൃ​ത്വ​ത്തി​ൽ കു​ടും​ബ​ത്തി​ന്​ ​ആ​ശു​പ​ത്രി പ​രി​സ​ര​ത്ത്​ ഊ​ഷ്മ​ള യാ​ത്ര​യ​യ​പ്പ്​ ന​ൽ​കി.