ഡോക്ടറിൽനിന്ന് നാലുകോടി തട്ടിയ കേസിൽ രാജസ്ഥാൻ സ്വദേശികൾ അറസ്റ്റിൽ

കോ​ഴി​ക്കോ​ട്: ക​ട​ക്കെ​ണി, സാ​മു​ദാ​യി​ക ക​ലാ​പം, ആ​ത്മ​ഹ​ത്യ, കൊ​ല​പാ​ത​കം അ​ട​ക്ക​മു​ള്ള​വ പ​റ​ഞ്ഞ് തെ​റ്റി​ദ്ധ​രി​പ്പി​ച്ച് ഡോ​ക്ട​റി​ൽ നി​ന്ന് നാ​ലു​കോ​ടി​യി​ലേ​റെ രൂ​പ ഓ​ൺ​ലൈ​നാ​യി ത​ട്ടി​യ കേ​സി​ൽ ര​ണ്ടു​പേ​ർ അ​റ​സ്റ്റി​ൽ. രാ​ജ​സ്ഥാ​ൻ സ്വ​ദേ​ശി​ക​ളാ​യ സു​നി​ല്‍ ദം​ഗി (48), ശീ​ത​ള്‍ കു​മാ​ര്‍ മേ​ഹ്ത്ത (28) എ​ന്നി​വ​രെ​യാ​ണ് ബ​ഡി സാ​ദ​രി​യി​ല്‍ നി​ന്ന് കോ​ഴി​ക്കോ​ട് സി​റ്റി സൈ​ബ​ർ പൊ​ലീ​സ് സാ​ഹ​സി​ക​മാ​യി പി​ടി​കൂ​ടി​യ​ത്. ക​ഴി​ഞ്ഞ ജ​നു​വ​രി 31നും ​ആ​ഗ​സ്റ്റ് 23നും ​ഇ​ട​യി​ൽ വി​വി​ധ ത​വ​ണ​ക​ളി​ലാ​യാ​ണ് ചേ​വാ​യൂ​രി​ൽ താ​മ​സി​ക്കു​ന്ന ഉ​ത്ത​രേ​ന്ത്യ​ക്കാ​ര​നാ​യ ഡോ​ക്ട​റി​ൽ നി​ന്ന് 4,08,80,457 രൂ​പ സം​ഘം ത​ട്ടി​യെ​ടു​ത്ത​ത്.

രാ​ജ​സ്ഥാ​നി​ലെ ദും​ഗ​ര്‍പൂ​ര്‍ സ്വ​ദേ​ശി അ​മി​ത് ജ​യി​നെ​ന്ന് പ​രി​ച​യ​പ്പെ​ടു​ത്തി​യ​യാ​ൾ, കോ​വി​ഡ് മൂ​ലം തൊ​ഴി​ല്‍ ന​ഷ്ട​പ്പെ​ട്ടെ​ന്നും ഭാ​ര്യ​യും അ​മ്മ​യും സ​ഹോ​ദ​രി​യു​മ​ട​ങ്ങു​ന്ന കു​ടും​ബം ക​ട​ക്കെ​ണി​യി​ലാ​ണെ​ന്നും പ​റ​ഞ്ഞ് സ​ഹാ​യ​മ​ഭ്യ​ർ​ഥി​ച്ച് പ​രാ​തി​ക്കാ​ര​നെ മൊ​ബൈ​ൽ ഫോ​ൺ വ​ഴി ബ​ന്ധ​പ്പെ​ടു​ക​യാ​യി​രു​ന്നു ആ​ദ്യം. തു​ട​ർ​ന്ന് പ​രാ​തി​ക്കാ​ര​ന്റെ സ​ഹ​താ​പ​വും സ​ഹാ​നു​ഭൂ​തി​യും ചൂ​ഷ​ണം ചെ​യ്താ​ണ് പ്ര​തി​ക​ള്‍ പ​ണം ത​ട്ടാ​ൻ തു​ട​ങ്ങി​യ​ത്. ആ​ദ്യം ന​ൽ​കി​യ പ​ണം തി​രി​കെ ന​ൽ​കാ​ൻ പ​രാ​തി​ക്കാ​ര​ന്‍ ആ​വ​ശ്യ​പ്പെ​ട്ട​പ്പോ​ള്‍ കു​ടും​ബ സ്വ​ത്ത് വി​ല്‍പ​ന ന​ട​ത്തി പ​ണം ന​ല്‍കാ​മെ​ന്നാ​യി പ്ര​തി​ക​ൾ. ഇ​ത​ര സ​മു​ദാ​യ​ക്കാ​ര​ട​ക്കം കൈ​യ​ട​ക്കി​യ ത​ങ്ങ​ളു​ടെ ഭൂ​മി പൊ​ലീ​സ് ഇ​ന്‍സ്പെ​ക്ട​ര്‍, അ​സി. ക​മീ​ഷ​ണ​ർ എ​ന്നി​വ​ര​ട​ക്കം ഇ​ട​പെ​ട്ടി​ട്ടും വി​ൽ​പ​ന ന​ട​ത്താ​നാ​യി​ല്ലെ​ന്ന് പി​ന്നീ​ട് അ​റി​യി​ച്ചു.

മാ​ത്ര​മ​ല്ല പ​രാ​തി​ക്കാ​ര​ന്‍ വീ​ണ്ടും പ​ണം ന​ല്‍കാ​ത്ത​തി​നാ​ൽ നാ​ട്ടി​ൽ സാ​മു​ദാ​യി​ക സം​ഘ​ര്‍ഷ​മു​ണ്ടാ​യി ഒ​രാ​ള്‍ കൊ​ല്ല​പ്പെ​ട്ടു എ​ന്നും, തു​ട​ര്‍ന്ന് ത​ന്റെ സ​ഹോ​ദ​രി പ​രാ​തി​ക്കാ​ര​ന്റെ പേ​ര് ആ​ത്മ​ഹ​ത്യക്കു​റി​പ്പി​ല്‍ എ​ഴു​തി ജീ​വ​നൊ​ടു​ക്കി എ​ന്നും പ​റ​ഞ്ഞു. ഇ​ക്കാ​ര്യം വി​ശ്വ​സി​പ്പി​ക്കാ​ൻ വ്യാ​ജ ആ​ത്മ​ഹ​ത്യക്കുറി​പ്പു​ണ്ടാ​ക്കി പ​രാ​തി​ക്കാ​ര​ന് അ​യ​ച്ചു​ന​ൽ​കു​ക​യും ചെ​യ്തു. ആ​ത്മ​ഹ​ത്യക്കു​റി​പ്പി​ൽ പേ​രു​ള്ള​തി​നാ​ൽ സ​ഹോ​ദ​രി​യു​ടെ മ​ര​ണ​വു​മാ​യി ബ​ന്ധ​പ്പെ​ട്ട കേ​സി​ൽ പ്ര​തി​യാ​കു​മെ​ന്നും നാ​ട്ടു​കാ​ർ വ​ന്ന് പ​രാ​തി​ക്കാ​ര​നെ​യും കു​ടും​ബ​ത്തെ​യും കൊ​ല​പ്പെ​ടു​ത്താ​നി​ട​യു​ണ്ടെ​ന്നും പ​റ​ഞ്ഞ് ഭീ​ഷ​ണി​പ്പെ​ടു​ത്തി​യും വ​ൻ തു​ക കൈ​പ്പ​റ്റി.

സൈ​ബ​ര്‍ പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ലെ ശാ​സ്ത്രീ​യാ​ന്വേ​ഷ​ണ​ത്തി​ൽ പ്ര​തി​ക​ള്‍ രാ​ജ​സ്ഥാ​നി​ലെ ബ​ഡി സാ​ദ​രി, ചി​റ്റോ​ര്‍ഗ​ട്ട്, മ​ധ്യ​പ്ര​ദേ​ശി​ലെ അ​ലോ​ട്ട്, ഉ​ജ്ജ​യി​ന്‍ എ​ന്നീ സ്ഥ​ല​ങ്ങ​ള്‍ കേ​ന്ദ്രീ​ക​രി​ച്ച് പ്ര​വ​ര്‍ത്തി​ക്കു​ന്ന​വ​രാ​ണെ​ന്ന് വ്യ​ക്ത​മാ​യി. തു​ട​ർ​ന്ന് ഡെ​പ്യൂ​ട്ടി പൊ​ലീ​സ് ക​മീ​ഷ​ണ​ർ അ​രു​ണ്‍ കെ. ​പ​വി​ത്ര​ന്റെ നി​ർ​ദേ​ശ​പ്ര​കാ​രം സൈ​ബ​ര്‍ ക്രൈം ​പൊ​ലീ​സ് സ്റ്റേ​ഷ​ന്‍ എ​സ്.​എ​ച്ച്.​ഒ അ​ങ്കി​ത് സി​ങ്ങി​ന്റെ മേ​ല്‍നോ​ട്ട​ത്തി​ല്‍ ഇ​ന്‍സ്പെ​ക്ട​ര്‍ കെ.​ആ​ർ. ര​ഞ്ജി​ത്ത്, എ.​എ​സ്.​ഐ​മാ​രാ​യ ജി​തേ​ഷ് കൊ​ള്ള​ങ്ങോ​ട്ട്, രാ​ജേ​ഷ്‌ ചാ​ലി​ക്ക​ര, സീ​നി​യ​ര്‍ സി​വി​ല്‍ പൊ​ലീ​സ് ഓ​ഫി​സ​ര്‍മാ​രാ​യ കെ.​എം. നൗ​ഫ​ൽ, കെ.​ആ​ർ. ഫെ​ബി​ന്‍ എ​ന്നി​വ​രാ​ണ് പ്ര​തി​ക​ളെ രാ​ജ​സ്ഥാ​നി​ൽ പോ​യി പി​ടി​കൂ​ടി​യ​ത്.

പ​രാ​തി​ക്കാ​ര​നെ ഫോ​ണ്‍ വ​ഴി​യും വാ​ട്സ്​​ആ​പ്​ വ​ഴി​യും നേ​രി​ട്ട് ബ​ന്ധ​പ്പെ​ട്ട മു​ഖ്യ​പ്ര​തി സു​നി​ല്‍ ദം​ഗി രാ​ജ​സ്ഥാ​നി​ലെ ചി​റ്റോ​ര്‍ഗ​ട്ട്, മ​ധ്യ​പ്ര​ദേ​ശി​ലെ അ​ലോ​ട്ട്, ഉ​ജ്ജ​യി​ന്‍ എ​ന്നി​വി​ട​ങ്ങ​ളി​ലെ വി​വി​ധ ചൂ​താ​ട്ട കേ​ന്ദ്ര​ങ്ങ​ള്‍ മു​ഖേ​ന സം​ഘ​ടി​പ്പി​ക്കു​ന്ന ബാ​ങ്ക് അ​ക്കൗ​ണ്ടു​ക​ള്‍ വ​ഴി​യും കൂ​ട്ടു​പ്ര​തി ശീ​ത​ള്‍ കു​മാ​ര്‍ മേ​ഹ്ത്ത​യു​ടെ ബാ​ങ്ക് അ​ക്കൗ​ണ്ട് ഉ​പ​യോ​ഗി​ച്ചു​മാ​ണ് പ​ണം ത​ട്ടി​യ​തെ​ന്ന് അ​ന്വേ​ഷ​ണ സം​ഘം ക​ണ്ടെ​ത്തി.

ത​ട്ടി​യെ​ടു​ത്ത പ​ണം രാ​ജ​സ്ഥാ​നി​ലെ​യും മ​ധ്യ​പ്ര​ദേ​ശി​ലെ​യും ചൂ​താ​ട്ട​കേ​ന്ദ്ര​ങ്ങ​ളി​ലും ഓ​ണ്‍ലൈ​ന്‍ ഗാം​ബ്ലി​ങ്, ഗെ​യ്മി​ങ് സൈ​റ്റു​ക​ളി​ലും ചെ​ല​വ​ഴി​ക്കു​ന്ന​താ​യാ​ണ് പ്രാ​ഥ​മി​കാ​ന്വേ​ഷ​ണ​ത്തി​ല്‍ വ്യ​ക്ത​മാ​യ​ത്. കു​റ്റ​കൃ​ത്യ​ത്തി​ന് ഉ​പ​യോ​ഗി​ച്ച മൊ​ബൈ​ല്‍ ഫോ​ണു​ക​ളും ബാ​ങ്ക് അ​ക്കൗ​ണ്ട് വി​വ​ര​ങ്ങ​ളും ചെ​ക്ക് ബു​ക്കു​ക​ളും പ്ര​തി​ക​ളി​ൽ നി​ന്ന് അ​ന്വേ​ഷ​ണ സം​ഘം പി​ടി​ച്ചെ​ടു​ത്തു. മൊ​ബൈ​ല്‍ ഫോ​ണു​ക​ളി​ല്‍ നി​ന്നും പ​രാ​തി​ക്കാ​ര​നു​മാ​യി ന​ട​ത്തി​യ വാ​ട്സ് ആ​പ് ചാ​റ്റു​ക​ളു​ടെ​യും ബാ​ങ്ക് ഇ​ട​പാ​ടു​ക​ളു​ടെ​യും തെ​ളി​വു​ക​ളും പൊ​ലീ​സി​ന് ല​ഭി​ച്ചു. അ​റ​സ്റ്റി​ലാ​യ പ്ര​തി​ക​ളെ മ​ജി​സ്ട്രേ​റ്റ് റി​മാ​ൻ​ഡ്​ ചെ​യ്തു.