പു​തി​യ സ്റ്റാ​ൻ​ഡ​ല്ല; ‘പൊ​ട്ടി​പ്പൊ​ളി​ഞ്ഞ’ സ്റ്റാ​ൻ​ഡ്

കോ​ഴി​ക്കോ​ട്: ദി​നേ​ന നൂ​റു​ക​ണ​ക്കി​ന് സ്വ​കാ​ര്യ ബ​സു​ക​ളും ആ​യി​ര​ക്ക​ണ​ക്കി​ന് യാ​ത്ര​ക്കാ​രു​മെ​ത്തു​ന്ന മൊ​ഫ്യൂ​സി​ൽ ബ​സ് സ്റ്റാ​ൻ​ഡ് (പു​തി​യ ബ​സ് സ്റ്റാ​ൻ​ഡ്) പൊ​ട്ടി​പ്പൊ​ളി​ഞ്ഞ നി​ല​യി​ൽ. കാ​ൽ​ന​ട​യാ​ത്ര​ക്കാ​രെ കെ​ണി​യി​ലാ​ക്കും​വി​ധം പ​ല​ഭാ​ഗ​ത്തെ​യും ടൈ​ലു​ക​ൾ ത​ക​ർ​ന്നു. ട്രാ​ക്കു​ക​ളോ​ട് ചേ​ർ​ന്നു​ള്ള ടൈ​ലു​ക​ളു​ടെ വ​ശ​ങ്ങ​ൾ ത​ക​രു​ക​യും ഇ​ള​കി​മാ​റു​ക​യും ചെ​യ്ത​തോ​ടെ ബ​സി​ലേ​ക്ക് ക​യ​റു​ന്ന യാ​ത്ര​ക്കാ​രും പ്ര​യാ​സ​പ്പെ​ടു​ക​യാ​ണ്. പ്ര​ധാ​ന ഭാ​ഗ​ങ്ങ​ളി​ല​ട​ക്കം കോ​ൺ​ക്രീ​റ്റ് ത​ക​ർ​ന്ന് ഉ​ള്ളി​ലെ ഇ​രു​മ്പു​ക​മ്പി​ക​ള​ട​ക്കം പു​റ​ത്താ​യ അ​വ​സ്ഥ​യി​ലാ​ണ്. ​ന​രി​ക്കു​നി ബ​സു​ക​ൾ നി​ർ​ത്തു​ന്ന​തി​നോ​ട് ചേ​ർ​ന്നു​ള്ള സ്റ്റാ​ൻ​ഡി​ന്റെ ന​ടു​ഭാ​ഗ​ത്താ​യാ​ണ് കോ​ൺ​ക്രീ​റ്റ് ത​ക​ർ​ന്ന് ക​മ്പി​ക​ൾ പു​റ​ത്താ​യ​ത്. ഈ ​കു​ഴി​യി​ൽ യാ​ത്ര​ക്കാ​ർ ചാ​ടി​പ്പോ​യി കാ​ലു​ക​ൾ ഉ​ളു​ക്കു​ന്ന​തും ക​മ്പി​ക​ൾ ത​ട്ടി പ​രി​ക്കേ​ൽ​ക്കു​ന്ന​തും പ​തി​വാ​യി. സ്റ്റാ​ൻ​ഡി​ലെ ചു​മ​രു​ക​ളി​ൽ പ​ല​ഭാ​ഗ​ത്തും പോ​സ്റ്റ​റു​ക​ൾ നി​റ​ഞ്ഞും മു​റു​ക്കി​ത്തു​പ്പി​യും അ​ല​ങ്കോ​ല​മാ​യി​ട്ടു​ണ്ട്. പൈ​പ്പു​ക​ൾ പൊ​ട്ടി​യ​തി​നാ​ൽ മ​ഴ​വെ​ള്ളം പ​ല​ഭാ​ഗ​ത്തും ചോ​ർ​ന്നൊ​ലി​ക്കു​ന്ന അ​വ​സ്ഥ​യു​മു​ണ്ട്.

ദീ​ർ​ഘ​ദൂ​ര ബ​സു​ക​ൾ നി​ർ​ത്തു​ന്ന ക​ണ്ണൂ​ർ, പാ​ല​ക്കാ​ട് ട്രാ​ക്കു​ക​ളോ​ട് ചേ​ർ​ന്നു​ള്ള ഇ​രി​പ്പി​ട​ങ്ങ​ൾ പ​ല​തും ത​ക​ർ​ന്നു. ഇ​രു​മ്പ് ക​മ്പി​യി​ൽ സ്ഥാ​പി​ച്ച ഇ​രി​പ്പി​ട​ങ്ങ​ൾ പ​ല​തും അ​ട​ർ​ന്നു​പോ​യ​തോ​ടെ ക​മ്പി​ക​ൾ മാ​ത്ര​മാ​ണ് അ​വ​ശേ​ഷി​ക്കു​ന്ന​ത്. സ്റ്റാ​ൻ​ഡി​ൽ യാ​ത്ര​ക്കാ​ർ​ക്കു​ള്ള വ​ഴി​ക​ളി​ലെ​ല്ലാം ബ​സു​ക​ളി​ൽ ക​യ​റ്റി​യ​യ​ക്കാ​നു​ള്ള പാ​ർ​സ​ലു​ക​ൾ നി​ര​ന്നി​രി​ക്കു​ന്ന​ത് വ​ലി​യ പ്ര​യാ​സം സൃ​ഷ്ടി​ക്കു​ന്നു. സ്റ്റാ​ൻ​ഡി​ലെ മൂ​ത്ര​പ്പു​ര​യാ​ണെ​ങ്കി​ൽ ദു​ർ​ഗ​ന്ധ​പൂ​രി​ത​വു​മാ​ണ്. സ്റ്റാ​ൻ​ഡി​ലെ ക​ട​ക​ൾ തു​ട​ക്ക​ത്തി​ൽ ലേ​ല​ത്തി​ലെ​ടു​ത്ത​വ​ര​ല്ല ഇ​പ്പോ​ൾ ക​ച്ച​വ​ടം ചെ​യ്യു​ന്ന​വ​രി​ൽ ഭൂ​രി​പ​ക്ഷ​വും. മ​തി​യാ​യ പാ​ർ​ക്കി​ങ് സൗ​ക​ര്യ​വും വ​ഴി​ക​ളു​മി​ല്ലാ​ത്ത​തി​നാ​ൽ ക​ച്ച​വ​ടം കു​റ​ഞ്ഞ സ്റ്റാ​ൻ​ഡി​ൽ മു​മ്പു​ണ്ടാ​യി​രു​ന്ന റെ​ഡി​മെ​യ്ഡ് ക​ട​ക​ള​ധി​ക​വും ഇ​പ്പോ​ൾ ലോ​ട്ട​റി​ക്ക​ട​ക​ളാ​യി മാ​റി. മു​ക​ളി​ൽ ഷീ​റ്റി​ട്ടു​കൊ​ണ്ടു​ള്ള സ്റ്റാ​ൻ​ഡി​ന്‍റെ ഒ​രു ഭാ​ഗ​ത്തെ നി​ർ​മാ​ണം കാ​ര​ണം സ്ഥ​ലം ഉ​പ​യോ​ഗ​പ്പെ​ടു​ത്താ​നാ​വാ​തെ ല​ക്ഷ​ങ്ങ​ളു​ടെ വ​രു​മാ​ന ന​ഷ്ട​വു​മു​ണ്ടാ​കു​ന്നു.

ന​ഗ​ര​ത്തി​ൽ ഏ​റ്റ​വും കൂ​ടു​ത​ൽ ബ​സു​ക​ളെ​ത്തു​ന്ന മൊ​ഫ്യൂ​സി​ൽ ബ​സ് സ്റ്റാ​ൻ​ഡ് മൂ​ന്നു പ​തി​റ്റാ​ണ്ട് മു​മ്പാ​ണ് നി​ർ​മി​ച്ച​ത്. ആ​ദ്യ വ​നി​ത മേ​യ​റാ​യി​രു​ന്ന ഹൈ​മ​വ​തി താ​യാ​ട്ടി​ന്റെ കാ​ല​ത്ത് 1988ൽ ​ശി​ല​യി​ട്ട് 1993ലാ​ണ് ഉ​ദ്ഘാ​ട​നം ചെ​യ്ത​ത്. സ്റ്റാ​ൻ​ഡ് ആ​ധു​നി​ക നി​ല​വാ​ര​ത്തോ​ടെ ന​വീ​ക​രി​ക്ക​ണ​മെ​ന്നും യാ​ത്ര​ക്കാ​ർ​ക്ക് വി​ശ്ര​മ​കേ​ന്ദ്രം, ക്ലോ​ക്ക് റൂം, ​നി​ല​വാ​ര​മു​ള്ള ശു​ചി​മു​റി അ​ട​ക്ക​മു​ള്ള കൂ​ടു​ത​ൽ സൗ​ക​ര്യ​ങ്ങ​ൾ ഏ​ർ​പ്പെ​ടു​ത്ത​ണ​മെ​ന്നു​മു​ള്ള ആ​വ​ശ്യ​ത്തി​ന് വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ടെ​ങ്കി​ലും ഇ​തു​വ​രെ ന​ട​പ​ടി​ക​ൾ ഉ​ണ്ടാ​യി​ട്ടി​ല്ല. കോ​ർ​പ​റേ​ഷ​ൻ നേ​ര​ത്തേ ന​വീ​ക​ര​ണ​ത്തി​ന് പ​ദ്ധ​തി ത​യാ​റാ​ക്കി​യെ​ങ്കി​ലും മു​ന്നോ​ട്ടു​പോ​യി​ല്ല. നി​ല​വി​ൽ വീ​ണ്ടും പ​ദ്ധ​തി ആ​വി​ഷ്‍ക​രി​ച്ചെ​ങ്കി​ലും ന​ട​പ​ടി​ക​ൾ നീ​ളു​ക​യാ​ണ്.