ഹോട്ടലുടമയുടെ കൊല; വീണ്ടും പ്രതികളെ കസ്റ്റഡിയിൽ വേണമെന്ന് പൊലീസ്

കോ​ഴി​ക്കോ​ട്: ഹോ​ട്ട​ൽ വ്യാ​പാ​രി സി​ദ്ദീ​ഖി​നെ വ​ധി​ച്ച് ക​ഷ​ണ​ങ്ങ​ളാ​ക്കി ബാ​ഗി​ൽ ഉ​പേ​ക്ഷി​ച്ച കേ​സി​ൽ പ്ര​തി​ക​ളെ ന​ട​ക്കാ​വ് പൊ​ലീ​സ് കോ​ഴി​ക്കോ​ട് നാ​ലാം ജു​ഡീ​ഷ്യ​ൽ ഫ​സ്റ്റ്ക്ലാ​സ് മ​ജി​സ്ട്രേ​റ്റ് കോ​ട​തി​യു​ടെ ചു​മ​ത​ല​യു​ള്ള ഏ​ഴാം ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് കോ​ട​തി​യി​ൽ ഹാ​ജ​രാ​ക്കി.

മൂ​ന്നു പ്ര​തി​ക​ളെ​യും ജൂ​ലൈ ഏ​ഴു​വ​രെ റി​മാ​ൻ​ഡ് ചെ​യ്ത കോ​ട​തി ഇ​വ​രെ വീ​ണ്ടും അ​ഞ്ചു​ദി​വ​സം പൊ​ലീ​സ് ക​സ്റ്റ​ഡി​യി​ൽ വി​ട്ടു​കി​ട്ട​ണ​മെ​ന്നാ​വ​ശ്യ​പ്പെ​ട്ട് ന​ൽ​കി​യ അ​പേ​ക്ഷ​യി​ൽ കൂ​ടു​ത​ൽ വാ​ദം​കേ​ൾ​ക്കാ​ൻ ശ​നി​യാ​ഴ്ച​ത്തേ​ക്കു മാ​റ്റി. തി​രൂ​ർ പൊ​ലീ​സെ​ടു​ത്ത കേ​സ് ന​ട​ക്കാ​വ് സ്റ്റേ​ഷ​ൻ ഏ​റ്റെ​ടു​ത്ത സാ​ഹ​ച​ര്യ​ത്തി​ൽ വീ​ണ്ടും ക​സ്റ്റ​ഡി​യി​ൽ വി​ട്ടു​കി​ട്ട​ണ​മെ​ന്നാ​ണ് പൊ​ലീ​സ് ആ​വ​ശ്യം.

പ്ര​തി​ക​ളാ​യ വ​ല്ല​പ്പു​ഴ ചെ​റു​കോ​ട് ആ​ച്ചീ​രി​ത്തൊ​ടി മു​ഹ​മ്മ​ദ് സി​ബി​ൽ (23), ചെ​ർ​പ്പു​ള​ശ്ശേ​രി ച​ള​വ​റ കു​ട്ടു​തൊ​ടി ഖ​ദീ​ജ​ത്തു​ൽ ഫ​ർ​ഹാ​ന (18), പാ​ല​ക്കാ​ട് മേ​ച്ചേ​രി വ​ല്ല​പ്പു​ഴ വാ​ലു​പ​റ​മ്പി​ൽ മു​ഹ​മ്മ​ദ് ആ​ഷി​ഖ് എ​ന്ന സി​ക്കു (26) എ​ന്നി​വ​രെ വി​ട്ടു​കി​ട്ട​ണ​മെ​ന്നാ​വ​ശ്യ​പ്പെ​ട്ട് ഡെ​പ്യൂ​ട്ടി ഡ​യ​റ​ക്ട​ർ ഓ​ഫ് പ്രോ​സി​ക്യൂ​ഷ​ൻ അ​ഡ്വ. ജെ​ഫ്രി ജോ​ർ​ജ് ജോ​സ​ഫാ​ണ് അ​പേ​ക്ഷ ന​ൽ​കി​യ​ത്.

പ്ര​തി​ക​ളു​ടെ അ​ഭി​ഭാ​ഷ​ക​ൻ അ​ഡ്വ. ബി.​എ. ആ​ളൂ​രി​ന്റെ ജൂ​നി​യ​ർ​മാ​രാ​യ അ​ഡ്വ. ഹി​ജാ​സ്​ അ​ഹ​മ്മ​ദ്, അ​ഡ്വ. അ​ബ്ദു​ൽ റ​ഷീ​ദ് എ​ന്നി​വ​ർ അ​പേ​ക്ഷ​യെ എ​തി​ർ​ത്തു. കേ​സി​ൽ പ്ര​തി​ക​ളെ നേ​ര​ത്തേ ക​സ്റ്റ​ഡി​യി​ൽ ന​ൽ​കി​യ​തി​നാ​ൽ അ​ന്വേ​ഷ​ണം ഏ​റെ മു​ന്നോ​ട്ടു​പോ​യ​ശേ​ഷം വീ​ണ്ടും ​വി​ട്ടു​കൊ​ടു​ക്ക​രു​തെ​ന്ന് പ്ര​തി​ഭാ​ഗം വാ​ദി​ച്ചു. എ​ന്നാ​ൽ, കോ​ഴി​ക്കോ​ട് കോ​ട​തി​യി​ൽ ആ​ദ്യ​മാ​യാ​ണ് ഹാ​ജ​രാ​ക്കു​ന്ന​തെ​ന്നും വി​ശ​ദ​മാ​യ തെ​ളി​വെ​ടു​പ്പ് ആ​വ​ശ്യ​മാ​ണെ​ന്നും പ്രോ​സി​ക്യൂ​ഷ​ൻ വാ​ദി​ച്ചു.

തൊ​ണ്ടി​മു​ത​ലു​ക​ൾ ക​ണ്ടെ​ടു​ത്തെ​ങ്കി​ലും ക​ത്തി, ചു​റ്റി​ക എ​ന്നി​വ ആ​ര് കൊ​ടു​ത്തു​വെ​ന്ന് അ​റി​യേ​ണ്ട​തു​ണ്ട്. ഒ​ളി​വി​ൽ താ​മ​സി​ച്ച പാ​ല​ക്കാ​ട്, ചെ​ന്നൈ എ​ന്നി​വി​ട​ങ്ങ​ളി​ലെ കാ​ര്യ​ങ്ങ​ളും അ​ന്വേ​ഷി​ക്ക​ണം. കാ​ർ ത​ട്ടി​യെ​ടു​ത്ത് എ​വി​ടെ​യെ​ല്ലാം കൊ​ണ്ടു​പോ​യി എ​ന്ന​തി​ലും കോ​ഴി​ക്കോ​ട് ക​ട​പ്പു​റ​ത്ത​ട​ക്കം ഗൂ​ഢാ​ലോ​ച​ന ന​ട​ത്തി​യ കാ​ര്യ​വും അ​ന്വേ​ഷി​ക്കാ​നു​ണ്ടെ​ന്നും പ്രോ​സി​ക്യൂ​ഷ​ൻ വാ​ദി​ച്ചു.

ക​ഴി​ഞ്ഞ മേ​യ് 18ന് ​തി​രൂ​ർ ഏ​ഴൂ​ർ സ്വ​ദേ​ശിയും കോ​ഴി​ക്കോ​ട് കു​ന്ന​ത്തു​പാ​ല​ത്ത് ചി​ക്ക​ൻ ബേ​ക്ക് ഹോ​ട്ട​ൽ ന​ട​ത്തു​കയും ചെയ്യുന്ന സി​ദ്ദീ​ഖി​നെ (58) ഹ​ണി​ട്രാ​പ്പി​ൽ കു​ടു​ക്കി എ​ര​ഞ്ഞി​പ്പാ​ല​ത്തെ ലോ​ഡ്ജി​ലെ​ത്തി​ച്ച് വ​ധി​ച്ച് ട്രോ​ളി ബാ​ഗി​ലാ​ക്കി ഉ​പേ​ക്ഷി​ക്കു​ക​യും എ.​ടി.​എം ഉ​പ​യോ​ഗി​ച്ച് പ​ണം ത​ട്ടു​ക​യും മു​റി ക​ഴു​കി തെ​ളി​വ് ന​ശി​പ്പി​ക്കു​ക​യും ചെ​യ്തു​വെ​ന്നതാണ് കേ​സ്.