കോ​ഴി​ക്കോ​ട് ഗവ. മെഡിക്കൽ കോളജിൽ ആകാശപാത സജ്ജം

കോ​ഴി​ക്കോ​ട്: ഗ​വ. മെ​ഡി​ക്ക​ൽ കോ​ള​ജി​ലെ മൂ​ന്ന് ആ​ശു​പ​ത്രി​ക​ളെ​യും ത​മ്മി​ൽ ബ​ന്ധി​പ്പി​ക്കു​ന്ന ആ​കാ​ശ​പാ​ത പു​തു​വ​ത്സ​ര​സ​മ്മാ​ന​മാ​യി ജ​ന​ങ്ങ​ൾ​ക്ക് തു​റ​ന്നു​കൊ​ടു​ക്കും.

മെ​ഡി​ക്ക​ൽ കോ​ള​ജ് ആ​ശു​പ​ത്രി, സൂ​പ്പ​ർ സ്പെ​ഷാ​ലി​റ്റി ബ്ലോ​ക്ക്, സ​ർ​ജി​ക്ക​ൽ സൂ​പ്പ​ർ സ്പെ​ഷാ​ലി​റ്റി ബ്ലോ​ക്ക് (പി.​എം.​എ​സ്.​എ​സ്.​വൈ) എ​ന്നി​വ​യെ പ​ര​സ്പ​രം ബ​ന്ധി​പ്പി​ക്കു​ന്ന​താ​ണ് പു​തി‍യ​പാ​ത. നി​ല​വി​ൽ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ​ത്തു​ന്ന രോ​ഗി​ക​ളെ സൂ​പ്പ​ർ സ്പെ​ഷാ​ലി​റ്റി ബ്ലോ​ക്കി​ലേ​ക്കും പി.​എം.​എ​സ്.​എ​സ്.​വൈ​യി​ലേ​ക്കും കൊ​ണ്ടു​പോ​കു​ന്ന​ത് സ്​​ട്രെ​ച്ച​റി​ലും ആം​ബു​ല​ൻ​സ് ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ളി​ലു​മാ​ണ്. ഈ ​ബു​ദ്ധി​മു​ട്ടു​ക​ൾ​ക്കാ​ണ് ആ​കാ​ശ​പാ​ത​യി​ലൂ​ടെ പ​രി​ഹാ​ര​മാ​വു​ക.

മേ​ൽ​ക്കൂ​ര​യ​ട​ക്കം ഉ​ള്ള​തി​നാ​ൽ ഏ​ത് കാ​ലാ​വ​സ്ഥ​യി​ലും ഇ​തി​ലൂ​ടെ സ​ഞ്ച​രി​ക്കാം. സം​സ്ഥാ​ന​ത്തെ ഗ​വ. മെ​ഡി​ക്ക​ൽ കോ​ള​ജു​ക​ളി​ലെ ര​ണ്ടാ​മ​ത്തെ ആ​കാ​ശ​പാ​ത​യാ​ണി​ത്. നി​ല​വി​ൽ തി​രു​വ​ന​ന്ത​പു​ര​ത്താ​ണ് പാ​ത​യു​ള്ള​ത്. പാ​ത​യു​ടെ ഉ​ദ്ഘാ​ട​നം ജ​നു​വ​രി ആ​ദ്യ​വാ​രം ഉ​ണ്ടാ​വും. മാ​തൃ​ശി​ശു ആ​രോ​ഗ്യ​കേ​ന്ദ്ര​ത്തി‍െൻറ (ഐ.​എം.​സി.​എ​ച്ച്) കെ​ട്ടി​ട​ത്തെ കൂ​ടി പാ​ത​യു​ടെ ഭാ​ഗ​മാ​ക്കാ​നു​ള്ള സം​വി​ധാ​ന​ങ്ങ​ൾ ഭാ​വി​യി​ലു​ണ്ടാ​വും.

ആ​കാ​ശ​പാ​ത​യി​ലേ​ക്ക്...

ഈ ​വ​ർ​ഷം ജൂ​ണി​ലാ​ണ് ആ​കാ​ശ​പാ​ത​യു​ടെ നി​ർ​മാ​ണം ആ​രം​ഭി​ച്ച​ത്. 20 ഇ​രു​മ്പു​തൂ​ണു​ക​ളി​ലാ​യി നി​ർ​മി​ച്ച പാ​ത​ക്ക് 172 മീ​റ്റ​ർ നീ​ള​വും 13 അ​ടി വീ​തി​യു​മു​ണ്ട്. ര​ണ്ട് ബാ​റ്റ​റി കാ​റു​ക‍ൾ​ക്ക് ഇ​രു​വ​ശ​ത്തേ​ക്കു​മാ​യി ഒ​രേ​സ​മ​യം സ​ഞ്ച​രി​ക്കാ​നാ​വും. മെ​ഡി​ക്ക​ൽ കോ​ള​ജ് ആ​ശു​പ​ത്രി​യു​ടെ ഒ​ന്നാം നി​ല​യു​ടെ വ​ട​ക്ക് ഭാ​ഗ​ത്തു​നി​ന്ന് സൂ​പ്പ​ർ സ്പെ​ഷാ​ലി​റ്റി​യു​ടെ തെ​ക്കു​ഭാ​ഗ​ത്തേ​ക്കും സൂ​പ്പ​ർ സ്പെ​ഷാ​ലി​റ്റി​യു​ടെ പ​ടി​ഞ്ഞാ​റു​ഭാ​ഗ​വു​മാ​യി ബ​ന്ധി​പ്പി​ക്കു​ന്ന രീ​തി​യി​ലാ​ണ് പാ​ത ഒ​രു​ക്കി​യ​ത്. സ്റ്റീ​ൽ ച​ട്ട​ക്കൂ​ടി​ലാ​ണ് പാ​ത​യു​ടെ നി​ർ​മാ​ണം. മു​ൻ മ​ന്ത്രി ടി.​പി. രാ​മ​കൃ​ഷ്ണ​നാ​ണ് പ​ദ്ധ​തി​ക്ക് മു​ൻ​കൈ എ​ടു​ത്ത​ത്.

ഭാ​ര​ത് പെ​ട്രോ​ളി​യം കോ​ർ​പ​റേ​ഷ​ന്‍ ലി​മി​റ്റ​ഡി‍െൻറ (ബി.​പി.​സി.​എ​ൽ) സി.​എ​സ്.​ആ​ർ ഫ​ണ്ടി​ൽ​നി​ന്ന്​ പ​ദ്ധ​തി​ക്കാ​യി ഒ​രു​കോ​ടി രൂ​പ വ​ക​യി​രു​ത്തി. കോ​ള​ജി​ലെ പൂ​ർ​വ​വി​ദ്യാ​ർ​ഥി​ക​ളു​ടെ കൂ​ട്ടാ​യ്മ​യാ​യ അ​ലു​മ്നി അ​സോ​സി​യേ​ഷ​ൻ ഒ​രു​കോ​ടി​യി​ല​ധി​കം രൂ​പ സം​ഭാ​വ​ന ചെ​യ്തു. തു​ട​ർ​ന്ന്, പൊ​തു​മ​രാ​മ​ത്ത് വ​കു​പ്പ് ര​ണ്ടു​കോ​ടി രൂ​പ​ക്ക് പ്ര​വൃ​ത്തി ഏ​റ്റെ​ടു​ത്തു.

കാ​ലി​ക്ക​റ്റ് എ​ൻ.​ഐ.​ടി​യാ​ണ് പാ​ത രൂ​പ​ക​ൽ​പ​ന ചെ​യ്ത​ത്. നി​ലം കോ​ൺ​ക്രീ​റ്റി​ട്ട് മു​ക​ളി​ൽ ടൈ​ലു​ക​ൾ പാ​കി​യി​ട്ടു​ണ്ട്. ഇ​രു​വ​ശ​ങ്ങ​ളി​ലും സം​ര​ക്ഷ​ണ ഷീ​റ്റു​ണ്ട്. ഫാ​ന്‍, സി.​സി.​ടി.​വി കാ​മ​റ എ​ന്നി​വ​യും പാ​ത​യി​ൽ സ്ഥാ​പി​ച്ചി​ട്ടു​ണ്ട്. പി.​എം.​എ​സ്.​എ​സ്.​വൈ ബ്ലോ​ക്കു​ക​ളി​ലേ​ക്ക് പാ​ത​യെ ബ​ന്ധി​പ്പി​ക്കു​ന്ന പ്ര​വൃ​ത്തി മാ​ത്ര​മാ​ണ് ഇ​നി പൂ​ർ​ത്തീ​ക​രി​ക്കാ​നു​ള്ള​ത്.