മാ​ലി​ന്യ​സം​സ്ക​ര​ണ പ്ര​ചാ​ര​ണം ത​കൃ​തി; മെ​ഡി​ക്ക​ൽ കോ​ള​ജി​ലെ മാ​ലി​ന്യ​പ്ര​ശ്നം ആ​ര് പ​രി​ഹ​രി​ക്കും?

കോ​ഴി​ക്കോ​ട്: മ​ഴ​ക്കാ​ല​പൂ​ർ​വ ശു​ചീ​ക​ര​ണ​ത്തി​നും മാ​ലി​ന്യ സം​സ്ക​ര​ണ​ത്തി​നും ആ​രോ​ഗ്യ​വ​കു​പ്പ് തീ​വ്ര പ്ര​ചാ​ര​ണ ന​ട​പ​ടി സ്വീ​ക​രി​ക്കു​മ്പോ​ഴും കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ മാ​ലി​ന്യ​ക്കൂ​മ്പാ​രം ചീ​ഞ്ഞ​ളി​ഞ്ഞ് കൊ​തു​ക് പെ​രു​കി ദു​ർ​ഗ​ന്ധം വ​മി​ക്കു​ന്ന​ത് അ​ധി​കൃ​ത​ർ ക​ണ്ടി​ല്ലെ​ന്ന് ന​ടി​ക്കു​ന്നു. ദി​വ​സേ​ന ആ​യി​ര​ക്ക​ണ​ക്കി​ന് രോ​ഗി​ക​ളും കൂ​ട്ടി​രി​പ്പു​കാ​രും എ​ത്തു​ന്ന ആ​ശു​പ​ത്രി​യി​ലെ മാ​ലി​ന്യം സം​സ്ക​രി​ക്കാ​ൻ ഒ​രു ഇ​ൻ​സി​ന​േറ​റ്റ​ർ മാ​ത്ര​മാ​ണ് പ്ര​വ​ർ​ത്തി​ക്കു​ന്ന​ത്.

ര​ണ്ട് ഇ​ൻ​സി​ന​േറ​റ്റ​ർ ഉ​ട​ൻ സ്ഥാ​പി​ക്കു​മെ​ന്ന് പ്ര​ഖ്യാ​പി​ച്ച് മാ​സ​ങ്ങ​ൾ പി​ന്നി​ട്ടു. മ​ഴ തു​ട​ങ്ങി​യി​ട്ടും യോ​ഗ​ങ്ങ​ൾ വി​ളി​ച്ചു​കൂ​ട്ടു​ന്ന​തി​ന​പ്പു​റം ന​ട​പ​ടി​യൊ​ന്നും ആ​യി​ട്ടി​ല്ല. ക​രാ​റു​കാ​രെ നി​ശ്ച​യി​ച്ച് ക്വ​ട്ടേ​ഷ​ൻ സ്വീ​ക​രി​ക്ക​ൽ അ​ട​ക്ക​മു​ള്ള ന​ട​പ​ടി​ക​ൾ പൂ​ർ​ത്തി​യാ​ക്കി ഇ​ൻ​സി​ന​േറ​റ്റ​ർ സ്ഥാ​പി​ക്കു​മ്പോ​ഴേ​ക്കും മാ​സ​ങ്ങ​ൾ പി​ന്നി​ടും.

ആ​ശു​പ​ത്രി സ​മീ​പ​ത്തെ മാ​ലി​ന്യ​ക്കൂ​മ്പാ​രം രോ​ഗി​ക​ളെ​യും കൂ​ട്ടി​രി​പ്പു​കാ​രെ​യും ഒ​രു പോ​ലെ വ​ല​ക്കു​ക​യാ​ണ്. മ​ഴ​യാ​രം​ഭി​ച്ച​തോ​ടെ കെ​ട്ടി​വെ​ച്ച ചാ​ക്കു​കെ​ട്ടു​ക​ളി​ൽ വെ​ള്ളം നി​റ​ഞ്ഞ് പ​ക​ർ​ച്ച​വ്യാ​ധി ഭീ​ഷ​ണി​യി​ലാ​ണ് ആ​ശു​പ​ത്രി പ​രി​സ​രം. ഇ​തി​ൽ നി​ന്ന് ദു​ർ​ഗ​ന്ധം വ​മി​ക്കു​ന്ന​തി​നാ​ൽ പ​രി​സ​ര​ത്ത് കൂ​ടെ പോ​കാ​ൻ ക​ഴി​യാ​ത്ത സാ​ഹ​ച​ര്യ​മാ​ണ്.

കൊ​തു​കി​ന്റെ ക​ടി​യേ​റ്റും ദു​ർ​ഗ​ന്ധം ശ്വ​സി​ച്ചും മ​റ്റ് അ​സു​ഖ​ങ്ങ​ൾ പ​ട​രു​മോ എ​ന്ന ആ​ശ​ങ്ക​യി​ലാ​ണ് മെ​ഡി​ക്ക​ൽ കോ​ള​ജി​ലെ​ത്തു​ന്ന​വ​ർ. ആ​ശു​പ​ത്രി​യു​ടെ പി​റ​കു​വ​ശ​ത്ത് ഭ​ക്ഷ​ണാ​വ​ശി​ഷ്ട​ങ്ങ​ളും മ​റ്റും കൂ​ട്ടി​യി​ട്ട​തി​നാ​ൽ തെ​രു​വു​നാ​യ്ക്ക​ളു​ടെ സ​ങ്കേ​ത​വു​മാ​ണ്.

ആ​ശു​പ​ത്രി​ക്ക് സ​മീ​പ​മു​ള്ള പ്ലാ​ന്റി​ലെ ഇ​ൻ​സി​ന​േറ​റ്റ​ർ മാ​ത്ര​മാ​ണ് ഇ​പ്പോ​ൾ പ്ര​വ​ർ​ത്തി​ക്കു​ന്ന​ത്. മ​ണി​ക്കൂ​റി​ൽ 150 കി​ലോ മാ​ത്ര​മാ​ണ് ഇ​തി​ൽ സം​സ്ക​രി​ക്കാ​ൻ സാ​ധി​ക്കു​ക. മാ​തൃ​ശി​ശു സം​ര​ക്ഷ​ണ കേ​ന്ദ്ര​ത്തി​നു സ​മീ​പ​ത്തെ 150 കി​ലോ സം​സ്ക​ര​ണ ശേ​ഷി​യു​ള്ള ഇ​ൻ​സി​ന​േറ​റ്റ​ർ മാ​സ​ങ്ങ​ൾ​ക്കു മു​മ്പ് പ​ണി​മു​ട​ക്കി​യി​ട്ടും ഇ​തു​വ​രെ അ​റ്റ​കു​റ്റ​പ്പ​ണി ന​ട​ത്തി​യി​ട്ടി​ല്ല.

മാ​തൃ​ശി​ശു സം​ര​ക്ഷ​ണ കേ​ന്ദ്ര​ത്തി​നു സ​മീ​പ​ത്തെ പ്ലാ​ന്റ് ചി​കി​ത്സ​ക്കെ​ത്തു​ന്ന​വ​ർ​ക്ക് പ്ര​യാ​സം സൃ​ഷ്ടി​ക്കു​മെ​ന്നും ഇ​ത് ആ​ൾ​വാ​സ​മി​ല്ലാ​ത്ത സ്ഥ​ല​ത്തേ​ക്ക് മാ​റ്റി​സ്ഥാ​പി​ക്കു​മെ​ന്നു​മാ​ണ് അ​ധി​കൃ​ത​ർ പ​റ​യു​ന്ന​ത്. ആ​ശു​പ​ത്രി​ക്ക് പ​ടി​ഞ്ഞാ​റു ഭാ​ഗ​ത്തെ പു​തി​യ പ്ലാ​ന്റ് സ്ഥാ​പി​ച്ച് അ​തി​ൽ ര​ണ്ട് ഇ​ൻ​സി​ന​േറ​റ്റ​ർ സ്ഥാ​പി​ക്കാ​നാ​ണ് പ​ദ്ധ​തി. മ​ണി​ക്കൂ​റി​ൽ 200 കി​​ലോ​യും 150 കി​ലോ​യും ക​ത്തി​ക്കാ​ൻ ശേ​ഷി​യു​ള്ള ര​ണ്ട് ഇ​ൻ​സി​ന​േറ​റ്റ​ർ സ്ഥാ​പി​ക്കാ​നാ​ണ് തീ​രു​മാ​നം.

ദി​വ​സ​വും ശ​രാ​ശ​രി 5000 കി​ലോ മാ​ലി​ന്യ​മാ​ണ് മെ​ഡി​ക്ക​ൽ കോ​ള​ജി​ൽ​നി​ന്ന് പു​റം​ത​ള്ളു​ക. ഇ​തി​ൽ 3500 കി​ലോ ജൈ​വ​മാ​ലി​ന്യ​മാ​ണ് മെ​ഡി​ക്ക​ൽ കോ​ള​ജി​ൽ ഇ​ൻ​സി​നറേ​റ്റ​റി​ൽ സം​സ്ക​രി​ക്കു​ന്ന​ത്. പ്ലാ​സ്റ്റി​ക് മാ​ലി​ന്യം മാ​ത്ര​മാ​ണ് പു​റ​ത്തേ​ക്ക് കൊ​ണ്ടു​പോ​വു​ന്ന​ത്. പു​തി​യ ര​ണ്ട് പ്ലാ​ന്റു​ക​ൾ കൂ​ടി വ​ന്നാ​ൽ ത​ന്നെ പ്ലാ​ന്റ് അ​ധി​ക സ​മ​യം മാ​സ​ങ്ങ​ളോ​ളം പ്ര​വ​ർ​ത്തി​പ്പി​ച്ചാ​ൽ മാ​ത്ര​മേ കു​മി​ഞ്ഞു​കൂ​ടി​ക്കി​ട​ക്കു​ന്ന മാ​ലി​ന്യം സം​സ്ക​രി​ച്ചു​തീ​ർ​ക്കാ​ൻ സാ​ധി​ക്കൂ.