'ദൈവം ഭൂമിയിലേക്കയച്ച ചാരൻ'

കോഴിക്കോട്​: 'ഒരു ബ്ലാക്ക്​ ആൻഡ്​ വൈറ്റ്​ കാമറയുമായി ദൈവം അനുഗ്രഹിച്ച്​ ഭൂമിയിലേക്കയച്ച ഒരു ചാരനുണ്ട്​. പേര്​: പുനലൂർ രാജൻ'- എം.ടി വാസുദേവൻ നായർ എഴുതിയ ഈ വരികളിൽ പുനലൂർ രാജൻ എന്ന അതുല്യ പ്രതിഭയുടെ സകല ബയോഡാറ്റയുമുണ്ട്​. കൊല്ലത്ത്​ നിന്ന്​ കോഴിക്കോ​ട്ടെത്തി സാമൂഹിക, സാഹിത്യ ചരിത്രത്തിലെ അപൂർവ നിമിഷങ്ങൾ ഒപ്പിയെടുത്ത ഫോ​ട്ടോഗ്രാഫറായിരുന്നു ശനിയാഴ്​ച പുലർച്ചെ മരിച്ച പുനലൂർ രാജൻ.

57​ വർഷം കോഴിക്കോട്ട്​ ജീവിച്ച ഇദ്ദേഹത്തി‍െൻറ കാമറയിൽ നിരവധി സാഹിത്യപ്രമുഖരുടെ ചി​ത്രങ്ങൾ പിറവിയെടുത്തിരുന്നു. വൈക്കം മുഹമ്മദ്​ ബഷീറി​െൻറ അപൂർവ ചിത്രങ്ങൾ ​മലയാളക്കരക്ക്​ സമ്മാനിച്ചത്​ പുനലൂർ രാജനായിരുന്നു. തകഴി ശിവശങ്കരപിള്ള, എസ്​.കെ. പൊറ്റെക്കാട്ട്​, എം.ടി വാസുദേവൻ നായർ, വി.കെ.എൻ, മാധവിക്കുട്ടി... എണ്ണിയാലൊടുങ്ങാത്ത സാഹിത്യരാജാക്കന്മാരുടെയും റാണിമാരുടെയും അപൂർവ നിമിഷങ്ങൾ രാജ​െൻറ സംഭാവനയായിരുന്നു. കമ്യൂണിസ്​റ്റ്​ പാർട്ടിയുടെ അമരക്കാരായ പി.സി. ജോഷി, എസ്​.എ. ഡാ​ങ്കെ, ഇം.എം.എസ്​, സി. രാജേശ്വര റാവു, എം.എൻ. ഗോവിന്ദൻ നായർ, സി. അച്യുത മേനോൻ എന്നിവരും രാജ​െൻറ കാമറയിൽ 'കാഥാപാത്ര'ങ്ങളായി.

1972ൽ ഇന്ദിര ഗാന്ധി തെരഞ്ഞെടുപ്പ്​ പ്രചാരണത്തിനെത്തിയപ്പോൾ കണ്ണൂരിൽ പോയി ഫോ​ട്ടോയെടുത്തു. കോഴിക്കോട്​ ഗവ. മെഡിക്കൽ കോളജിൽ 1963ൽ ആർട്ടിസ്​റ്റ്​ ഫോ​ട്ടോഗ്രാഫറായി ​േജാലികിട്ടിയാണ്​ രാജൻ കോഴിക്കോടൻ മണ്ണിലെത്ത​ുന്നത്​. ബഷീറി​െൻറ പതിനായിരത്തോളം ഫോ​ട്ടോകൾ എടുത്തിരുന്നതായി രാജൻ പറഞ്ഞിരുന്നു. ബഷീറി​െൻറ പുസ്​തകങ്ങളുടെ കവറിലും രാജ​െൻറ ചിത്രങ്ങൾ തിളങ്ങിനിന്നു. എസ്​.കെ. പൊറ്റെക്കാട്ടിന്​ ജ്​ഞാനപീഠ പുരസ്​കാരം കിട്ടിയപ്പോഴും ചിത്രം പകർത്തി. എം.ടി. വാസുദേവൻ നായരും ബഷീറും പഞ്ചഗുസ്​തി പിടിക്കുന്ന പടവും സൂപ്പർ ഹിറ്റായി. 'ജനയുഗം' വാരികയിൽ കവർ ചിത്രമായി അച്ചടിച്ചുവന്ന മാധവിക്കുട്ടിയുടെ മനോഹര ചി​ത്രവും പുനലൂർരാജ​െൻറ വകയായിരുന്നു.

കാലിക്കറ്റ്​ സർവകലാശാല ലൈബ്രറി ഹാളിൽ ​െവച്ച്​ 1981 ഒക്​ടോബർ 28ന്​ എടുത്ത ചിത്രമായിരുന്നു രാജനെ ഏറ്റവും കൂടുതൽ സങ്കടപ്പെടുത്തിയത്​. ശക്​തി അവാർഡ്​ദാന ചടങ്ങിൽ സംസാരിച്ച ഡോ. കെ.എൻ. എഴുത്തച്ഛ​െൻറ പടമായിരുന്നു അത്​. ആ ചടങ്ങിൽ എഴുത്തച്ഛൻ കുഴഞ്ഞുവീണ്​ മരിക്ക​ുകയായിരുന്നു. പല​േപ്പാഴും ഷർട്ട്​ പോല​ുമിടാതെ, മേൽമുണ്ടി​െൻറ 'ആഡംബരം' ഇഷ്​ടപ്പെട്ട തകഴി കോട്ടും സ്യൂട്ടുമണിഞ്ഞ്​ രാജ​െൻറ കാമറക്ക്​ മുന്നിലെത്തിയത്​ അങ്ങകലെ റഷ്യയിൽ വെച്ചായിരുന്നു. അതും അപൂർവ ചിത്രമായി മാറി.