തെരുവുനായ്ക്കളുടെ വന്ധ്യംകരണം; പുതിയ കെട്ടിടം നോക്കുകുത്തി

ബാ​ലു​ശ്ശേ​രി: തെ​രു​വു​നാ​യ്ക്ക​ളെ പി​ടി​കൂ​ടി വ​ന്ധ്യം​ക​രി​ക്കാ​ൻ ല​ക്ഷ്യ​മി​ട്ട് ബാ​ലു​ശ്ശേ​രി​യി​ൽ ആ​രം​ഭി​ച്ച എ.​ബി.​സി (ആ​നി​മ​ൽ ബ​ർ​ത്ത് ക​ൺ​ട്രോ​ൾ സെ​ന്റ​ർ) പു​തി​യ കെ​ട്ടി​ട​ത്തി​ൽ പ്ര​വ​ർ​ത്ത​നം ഇ​നി​യും തു​ട​ങ്ങി​യി​ല്ല.

ജി​ല്ല പ​ഞ്ചാ​യ​ത്ത് ഫ​ണ്ടി​ൽ​നി​ന്നു​ള്ള 60 ല​ക്ഷം രൂ​പ ചെ​ല​വി​ട്ട് വ​ട്ടോ​ളി ബ​സാ​റി​ലെ മൃ​ഗാ​ശു​പ​ത്രി കോ​മ്പൗ​ണ്ടി​ൽ പു​തി​യ കെ​ട്ടി​ടം നി​ർ​മി​ച്ചി​ട്ട് മാ​സ​ങ്ങ​ൾ പി​ന്നി​ട്ടു. ആ​വ​ശ്യ​മാ​യ ജീ​വ​ന​ക്കാ​രെ നി​യ​മി​ക്കാ​ൻ ക​ഴി​യാ​ത്ത​താ​ണ് കേ​ന്ദ്ര​ത്തി​ന്റെ പ്ര​വ​ർ​ത്ത​നം വൈ​കാ​ൻ കാ​ര​ണം. 2018 മാ​ർ​ച്ചി​ൽ ആ​രം​ഭി​ച്ച എ.​ബി.​സി സെ​ന്റ​ർ മൃ​ഗാ​ശു​പ​ത്രി​യോ​ട​നു​ബ​ന്ധി​ച്ചു​ള്ള പ​ഴ​യ കെ​ട്ടി​ട​ത്തി​ലാ​ണ് പ്ര​വ​ർ​ത്ത​നം തു​ട​ങ്ങി​യ​ത്.

മൃ​ഗ​സം​ര​ക്ഷ​ണ വ​കു​പ്പും ജി​ല്ല പ​ഞ്ചാ​യ​ത്തും ഗ്രാ​മ​പ​ഞ്ചാ​യ​ത്തു​ക​ളു​ടെ സ​ഹ​ക​ര​ണ​ത്തോ​ടെ​യാ​ണ് വ​ട്ടോ​ളി മൃ​ഗാ​ശു​പ​ത്രി​യോ​ടു ചേ​ർ​ന്ന് ക​രു​ണ പ​ദ്ധ​തി​യി​ൽ വ​ന്ധ്യം​ക​ര​ണ കേ​ന്ദ്രം തു​ട​ങ്ങി​യ​ത്. എ​ന്നാ​ൽ, 2018 ഏ​പ്രി​ൽ 24ന് ​വ​ന്ധ്യം​ക​ര​ണ ശ​സ്ത്ര​ക്രി​യ ക​ഴി​ഞ്ഞ 12 നാ​യ്ക്ക​ള​ട​ക്കം 24 നാ​യ്ക്ക​ൾ ഇ​വി​ടെ ചി​കി​ത്സ​ക്കി​ടെ ച​ത്തി​രു​ന്നു. ഇ​തേ​തു​ട​ർ​ന്ന് കേ​ന്ദ്രം ന​ട​ത്തി​പ്പി​നെ​തി​രെ പ​രാ​തി ഉ​യ​രു​ക​യും മൃ​ഗ​സം​ര​ക്ഷ​ണ വ​കു​പ്പ് വി​ജി​ല​ൻ​സ് അ​ന്വേ​ഷ​ണം ന​ട​ത്തു​ക​യും തു​ട​ർ​ന്ന് സെ​ന്റ​ർ അ​ട​ച്ചു​പൂ​ട്ടു​ക​യു​മാ​യി​രു​ന്നു.

പു​തി​യ കെ​ട്ടി​ടം പ​ണി​ത് തെ​രു​വു​നാ​യ്ക്ക​ളു​ടെ വ​ന്ധ്യം​ക​ര​ണ ശ​സ്ത്ര​ക്രി​യ പു​ന​രാ​രം​ഭി​ക്കാ​നാ​യി​രു​ന്നു തീ​രു​മാ​നം. മാ​ലി​ന്യ നി​യ​ന്ത്ര​ണ സം​വി​ധാ​ന​ത്തോ​ടെ​യും എ​ല്ലാ​വി​ധ പ​രി​ച​ര​ണ സൗ​ക​ര്യ​ത്തോ​ടെ​യു​മു​ള്ള പു​തി​യ കെ​ട്ടി​ട​മാ​ണ് ഇ​പ്പോ​ൾ നി​ർ​മി​ച്ചി​ട്ടു​ള്ള​ത്. തെ​രു​വു​നാ​യ്ക്ക​ളെ എ​ത്തി​ക്കു​ന്ന​തി​നും പ​രി​ച​ര​ണം ന​ട​ത്തു​ന്ന​തി​നു​മാ​യി കു​ടും​ബ​ശ്രീ​യു​മാ​യി സ​ഹ​ക​രി​ക്കാ​നും തീ​രു​മാ​ന​മെ​ടു​ത്തി​രു​ന്നു. എ​ന്നാ​ൽ, ഇ​തെ​ല്ലാം നോ​ക്കു​കു​ത്തി​യാ​കു​ന്ന അ​വ​സ്ഥ​യാ​ണി​പ്പോ​ൾ. തെ​രു​വു​നാ​യ്ക്ക​ളാ​ക​ട്ടെ പെ​രു​കി വ​ർ​ധി​ച്ച് ടൗ​ണി​ലും നാ​ട്ടി​ൻ​പു​റ​ങ്ങ​ളി​ലും ഭീ​തി സൃ​ഷ്ടി​ച്ചു​കൊ​ണ്ടി​രി​ക്കു​ക​യാ​ണ്.