പട്ടയത്തിന് ആയുസ്സുമുഴുവൻ കാത്തിരിക്കേണ്ട ഗതികേട്: കെട്ടിക്കിടക്കുന്നത് ആയിരത്തിലധികം അപേക്ഷകൾ

കോ​ഴി​ക്കോ​ട്: തീ​ർ​പ്പാ​കാ​തെ നൂ​റു ക​ണ​ക്കി​ന് പ​ട്ട​യ അ​പേ​ക്ഷ​ക​ൾ ചു​വ​പ്പു​നാ​ട​യി​ൽ. ഉ​ദ്യോ​ഗ​സ്ഥ​രു​ടെ കാ​ര്യ​ക്ഷ​മ​ത​യി​ല്ലാ​യ്മ മൂ​ല​മാ​ണ് ക​ല​ക്ട​റേ​റ്റി​ൽ ആ​യി​ര​ത്തി​ല​ധി​കം പ​ട്ട​യ അ​പേ​ക്ഷ​ക​ൾ കെ​ട്ടി​ക്കി​ട​ക്കു​ന്ന​ത്. ഡെ​പ്യൂ​ട്ടി ക​ല​ക്ട​ർ (ഭൂ​പ​രി​ഷ്ക്ക​ര​ണം) വി​ഭാ​ഗ​ത്തി​ലാ​ണ് വ​ർ​ഷ​ങ്ങ​ളോ​ള​മാ​യി അ​പേ​ക്ഷ​ക​ൾ തീ​ർ​പ്പാ​കാ​തെ നി​ൽ​ക്കു​ന്ന​ത്. 2008 മു​ത​ലു​ള്ള അ​പേ​ക്ഷ​ക​ൾ ഈ ​കൂ​ട്ട​ത്തി​ലു​ണ്ട്.

പ​ട്ട​യ അ​ദാ​ല​ത്തു​ക​ൾ പേ​രി​നു ന​ട​ന്നി​ട്ടു​ണ്ടെ​ങ്കി​ലും ഈ ​അ​പേ​ക്ഷ​ക​ൾ തീ​ർ​പ്പാ​കാ​തെ കി​ട​ക്കു​ക​യാ​ണ്. കെ​ട്ടി​ക്കി​ട​ക്കു​ന്ന ഫ​യ​ലു​ക​ൾ അ​ദാ​ല​ത്ത് ന​ട​പ്പാ​ക്കാ​ൻ സ​ർ​ക്കാ​ർ നി​ർ​ദേ​ശം ഉ​ണ്ടാ​യി​ട്ടും ഈ ​ഫ​യ​ലു​ക​ൾ വി​ചാ​ര​ണ ന​ട​ത്തി മാ​റ്റി​വെ​ക്കു​ക​യാ​ണെ​ന്നാ​ണ് ആ​ക്ഷേ​പം. പ​ട്ട​യം അ​നു​വ​ദി​ക്കാ​ൻ ക​ഴി​യി​ല്ലെ​ങ്കി​ൽ നി​ര​സി​ച്ച് ഉ​ത്ത​ര​വു ന​ൽ​ക​ണം. ഇ​തു​വെ​ച്ച് അ​പ്പീ​ൽ ന​ൽ​കാ​നു​ള്ള അ​വ​സ​രം ന​ഷ്ട​പ്പെ​ടു​ത്തി വി​ചാ​ര​ണ അ​ന​ന്ത​മാ​യി നീ​ട്ടി​ക്കൊ​ണ്ടു​പോ​വു​ക​യാ​ണ് ഉ​ദ്യോ​ഗ​സ്ഥ​ർ എ​ന്നാ​ണ് ആ​ക്ഷേ​പം.

അ​പേ​ക്ഷ​ക​ന്റെ ഭൂ​മി മി​ച്ച​ഭൂ​മി​യി​ൽ​പെ​ട്ട​തോ വ​ന​ഭൂ​മി​യി​ൽ​പെ​ട്ട​തോ പു​റം​പോ​ക്കി​ൽ പെ​ട്ട​തോ കോ​ട​തി​യി​ൽ കേ​സ് ന​ട​ക്കു​ന്ന​തോ ആ​യ ഭൂ​മി​യാ​ണെ​ങ്കി​ൽ മാ​ത്ര​മേ പ​ട്ട​യ അ​പേ​ക്ഷ നി​ര​സി​ക്കാ​വൂ. ഈ ​കാ​ര​ണ​ങ്ങ​ളി​ല്ലാ​ത്ത ഭൂ​മി​ക​ളി​ൻ​മേ​ലു​ള്ള അ​പേ​ക്ഷ നി​ര​സി​ക്കാ​ൻ ക​ഴി​യി​ല്ലെ​ന്നാ​ണ് അ​പേ​ക്ഷ​ക​ർ വാ​ദി​ക്കു​ന്ന​ത്. പ​ട്ട​യം ന​ൽ​കാ​ൻ പ​റ്റി​ല്ലെ​ങ്കി​ൽ ആ ​കാ​ര്യം കാ​ര​ണ​സ​ഹി​തം ക​ക്ഷി​ക​ളെ അ​റി​യി​ച്ച് തീ​ർ​പ്പാ​ക്ക​ണ​മെ​ന്നാ​ണ് ഉ​ത്ത​ര​വ്.

പ​ട്ട​യ​ത്തി​നു​ള്ള അ​പേ​ക്ഷ വി​ല്ലേ​ജ് ഓ​ഫി​സ​ർ​ക്കാ​ണ് ന​ൽ​കു​ന്ന​ത്. വി​ല്ലേ​ജ് ഓ​ഫി​സ​ർ പ​ട്ട​യം അ​നു​വ​ദി​ക്കു​ന്ന​തി​ന് ആ​വ​ശ്യ​മാ​യ രേ​ഖ​ക​ൾ പ​രി​ശോ​ധി​ച്ച് കോ​പ്പി​ക​ൾ സ​ഹി​തം ഡെ​പ്യൂ​ട്ടി ക​ല​ക്ട​ർ​ക്ക് സ​മ​ർ​പ്പി​ക്കു​ക​യാ​ണ് ചെ​യ്യു​ന്ന​ത്. ഇ​തി​നു​ശേ​ഷം ക​ക്ഷി​ക​ൾ ജീ​വി​ച്ചി​രി​പ്പു​ണ്ടെ​ന്ന് തെ​ളി​യി​ക്കാ​ൻ വേ​ണ്ടി​യാ​ണ് വി​ചാ​ര​ണ വെ​ക്കു​ന്ന​ത്. ഇ​താ​ണ് വ​ർ​ഷ​ങ്ങ​ളോ​ളം നീ​ളു​ന്ന ന​ട​പ​ടി​ക​ളി​ലേ​ക്ക് ന​യി​ക്കു​ന്ന​ത്. ക​ല​ക്ട​റേ​റ്റി​ൽ വ​രു​ന്ന അ​പേ​ക്ഷ​ക​ൾ​ക്ക് പ​ട്ട​യം ന​ൽ​കു​ന്ന​തി​ന് ഒ​രു ഡെ​പ്യൂ​ട്ടി ത​ഹ​സി​ൽ​ദാ​ർ, ക്ല​ർ​ക്ക് എ​ന്നി​വ​രു​മു​ണ്ട്.

ഈ ​ഓ​ഫി​സി​ലെ അ​പേ​ക്ഷ​ക​ൾ അ​ദാ​ല​ത്തി​ൽ ഉ​ൾ​പ്പെ​ടു​ത്തി​യി​രു​ന്നോ എ​ന്ന ചോ​ദ്യ​ത്തി​ന് ഉ​ണ്ടെ​ന്നാ​യി​രു​ന്നു ബ​ന്ധ​പ്പെ​ട്ട​വ​ർ പ​റ​ഞ്ഞ​ത്. എ​ന്നാ​ൽ, ക​ല​ക്ട​റേ​റ്റി​ൽ പ​ട്ട​യ​ത്തി​ന് അ​പേ​ക്ഷി​ച്ചാ​ൽ തീ​രു​മാ​ന​മാ​യി കി​ട്ടാ​ൻ ആ​യു​സ്സു കാ​ത്തി​രി​ക്കേ​ണ്ട അ​വ​സ്ഥ​യാ​ണ്. വി​ചാ​ര​ണ പ​ല ആ​വ​ർ​ത്തി മാ​റ്റി​വെ​ക്കു​ന്ന​തി​നാ​ൽ മ​നം​മ​ടു​ത്ത് ജ​ന​ങ്ങ​ൾ വി​ചാ​ര​ണ​ക്കു​പോ​ലും എ​ത്താ​താ​വു​ക​യാ​ണ്.

ദേ​വ​സ്വം ജ​ന്മി​വ​ക ഭൂ​മി​ക്ക് പ​ട്ട​യം കൊ​ടു​ക്ക​രു​തെ​ന്ന് ദേ​വ​സ്വം ബോ​ർ​ഡ് തീ​രു​മാ​നി​ച്ച​ത് സാ​​ങ്കേ​തി​ക കു​രു​ക്കി​നൊ​രു കാ​ര​ണ​മ​ത്രെ.

എ​ന്നാ​ൽ, വ​ള​രെ കാ​ല​മാ​യി വ്യ​ക്തി​ക​ളു​ടെ കൈ​വ​ശ​മു​ള്ള ഭൂ​മി ഇ​തി​ൽ ഉ​ൾ​പ്പെ​ടു​ക​യി​ല്ല. ദേ​വ​സ്വ​ത്തി​ന്റെ ഭൂ​മി​യാ​ണെ​ങ്കി​ലും വ​ള​രെ വ​ർ​ഷം മു​മ്പ് ആ​ധാ​ര​മു​ള്ള ഭൂ​മി​യാ​ണ് വ്യ​ക്തി​ക​ളു​ടെ കൈ​വ​ശം ഉ​ള്ള​ത്. ദേ​വ​സ്വ​ത്തി​ന്റെ കൈ​വ​ശം ഇ​പ്പോ​ഴു​മു​ള്ള ഭൂ​മി​ക്കാ​ണ് ദേ​വ​സ്വം ബോ​ർ​ഡ് പ​ട്ട​യം ന​ൽ​ക​രു​തെ​ന്ന് ഉ​ദ്ദേ​ശി​ക്കു​ന്ന​ത്.