കോ​ഴി​ക്കോ​ട് ജില്ലയിലെ ഏഴ് തദ്ദേശ സ്വയംഭരണ സ്ഥാപനങ്ങള്‍ക്ക് സ്വരാജ് ട്രോഫി, മഹാത്മാ പുരസ്‌കാരം

കോ​ഴി​ക്കോ​ട്​: ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ള്‍ക്ക് ന​ല്‍കു​ന്ന സ്വ​രാ​ജ് ട്രോ​ഫി, മ​ഹാ​ത്മാ പു​ര​സ്‌​കാ​രം എ​ന്നി​വ​ക്ക് ജി​ല്ല​യി​ല്‍നി​ന്ന് ഏ​ഴു ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ള്‍ അ​ര്‍ഹ​ത നേ​ടി. 2020 -21 വ​ര്‍ഷ​ത്തെ പ്ര​വ​ര്‍ത്ത​ന​ങ്ങ​ള്‍ വി​ല​യി​രു​ത്തി പ​ദ്ധ​തി ആ​സൂ​ത്ര​ണ നി​ര്‍വ​ഹ​ണ​ത്തി​ന്റെ​യും ഭ​ര​ണ​നി​ര്‍വ​ഹ​ണ മി​ക​വി​ന്റെ​യും അ​ടി​സ്ഥാ​ന​ത്തി​ലാ​ണ് പു​ര​സ്‌​കാ​രം ന​ല്‍കു​ന്ന​ത്.

കോ​ഴി​ക്കോ​ടാ​ണ് സം​സ്ഥാ​ന​ത്ത് മു​ന്നി​ലു​ള്ള കോ​ർ​പ​റേ​ഷ​ന്‍. ജി​ല്ലാ​ത​ല​ത്തി​ല്‍ മി​ക​വു​തെ​ളി​യി​ച്ച പ​ഞ്ചാ​യ​ത്തു​ക​ളി​ല്‍ വ​ള​യം പ​ഞ്ചാ​യ​ത്ത് ഒ​ന്നാം സ്ഥാ​ന​വും പെ​രു​മ​ണ്ണ, മ​രു​തോ​ങ്ക​ര പ​ഞ്ചാ​യ​ത്തു​ക​ള്‍ ര​ണ്ടാം സ്ഥാ​ന​വും നേ​ടി. കാ​യ​ണ്ണ, നൊ​ച്ചാ​ട്, പ​ന​ങ്ങാ​ട് എ​ന്നീ ഗ്രാ​മ​പ​ഞ്ചാ​യ​ത്തു​ക​ള്‍ മ​ഹാ​ത്മാ പു​ര​സ്‌​കാ​രം ക​ര​സ്ഥ​മാ​ക്കി.

സ്വ​രാ​ജ് ട്രോ​ഫി നേ​ടു​ന്ന ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ല്‍ ഒ​ന്നാം സ്ഥാ​ന​ത്തി​ന് 25 ല​ക്ഷം രൂ​പ​യും ര​ണ്ടാം സ്ഥാ​ന​ത്തി​ന് 15 ല​ക്ഷം രൂ​പ​യും മൂ​ന്നാം സ്ഥാ​ന​ത്തി​ന് 10 ല​ക്ഷം രൂ​പ​യും ന​ല്‍കും. ജി​ല്ല​ക​ളി​ല്‍ സ്വ​രാ​ജ് ട്രോ​ഫി നേ​ടു​ന്ന​വ​ര്‍ക്ക് ഒ​ന്നാം സ്ഥാ​ന​ത്തി​ന് 10 ല​ക്ഷം രൂ​പ​യും ര​ണ്ടാം സ്ഥാ​ന​ത്തി​ന് അ​ഞ്ചു​ല​ക്ഷം രൂ​പ​യും ന​ല്‍കും.

ത​ദ്ദേ​ശ സ്വ​യം​ഭ​ര​ണ ദി​നാ​ഘോ​ഷ​ത്തി​ന്റെ ഭാ​ഗ​മാ​യി ന​ട​ത്തു​ന്ന ച​ട​ങ്ങു​ക​ളി​ല്‍ മി​ക​ച്ച ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ള്‍ക്കു​ള്ള സ്വ​രാ​ജ് ട്രോ​ഫി മ​ഹാ​ത്മാ പു​ര​സ്‌​കാ​രം, മ​ഹാ​ത്മാ അ​യ്യ​ങ്കാ​ളി പു​ര​സ്‌​കാ​രം എ​ന്നി​വ വി​ത​ര​ണം ചെ​യ്യും. ഫെ​ബ്രു​വ​രി 19ന് ​സം​ഘ​ടി​പ്പി​ക്കു​ന്ന ത​ദ്ദേ​ശ സ്വ​യം​ഭ​ര​ണ ദി​നാ​ഘോ​ഷ​ത്തി​ന്റെ ഭാ​ഗ​മാ​യി ജി​ല്ല ത​ല​ത്തി​ലും ബ്ലോ​ക്ക് ത​ല​ത്തി​ലും സെ​മി​നാ​റു​ക​ളും ച​ര്‍ച്ച​യും സം​ഘ​ടി​പ്പി​ക്കും. ജേ​താ​ക്ക​ള്‍ക്കു​ള്ള പു​ര​സ്‌​കാ​ര​ങ്ങ​ള്‍ ജി​ല്ലാ​ത​ല ആ​ഘോ​ഷ പ​രി​പാ​ടി​യി​ല്‍ വി​ത​ര​ണം ചെ​യ്യും.