പിടിച്ചിട്ട ചരക്കുലോറികൾ ദേശീയ പാതയോരത്ത് നിറഞ്ഞു: ദുരിതത്തിലായി ലോറി ഡ്രൈവർമാർ

താ​മ​ര​ശ്ശേ​രി: വ​യ​നാ​ട് ഉ​രു​ൾ​പൊ​ട്ട​ൽ ദു​ര​ന്ത​ത്തെ തു​ട​ർ​ന്ന് താ​മ​ര​ശ്ശേ​രി ചു​ര​ത്തി​ൽ വ​ലി​യ ലോ​റി​ക​ൾ​ക്ക് യാ​ത്രാ നി​രോ​ധ​നം വ​ന്ന​തോ​ടെ ദേ​ശീ​യ പാ​ത​യോ​രം ച​ര​ക്കു ലോ​റികൾ കൊ​ണ്ട് നി​റ​ഞ്ഞു. കി​ലോ​മീ​റ്റ​റു​ക​ൾ സ​ഞ്ച​രി​ച്ച് പു​തു​പ്പാ​ടി​യി​ലും അ​ടി​വാ​ര​ത്തും എ​ത്തി​യ​പ്പോ​ഴാ​ണ് താ​മ​ര​ശ്ശേ​രി ചു​ര​ത്തി​ൽ ഗ​താ​ഗ​ത നി​രോ​ധ​നം അ​റി​യു​ന്ന​തെ​ന്ന് ലോ​റി ജീ​വ​ന​ക്കാ​ർ പ​റ​യു​ന്നു. ഏ​ത് സ​മ​യ​വും ചു​രം ക​യ​റാ​ൻ ക​ഴി​യു​മെ​ന്ന പ്ര​തീ​ക്ഷ​യി​ൽ ക​ഴി​യു​ന്ന ഇ​വ​ർ​ക്ക് കാ​ത്തി​രി​പ്പി​ന്റെ ദി​വ​സ​ങ്ങ​ളാ​ണ്. സം​സ്ഥാ​ന-അ​ന്ത​ർ സം​സ്ഥാ​ന ലോ​റി​ക​ളാ​ണ് ദേ​ശീ​യ പാ​ത​യി​ൽ താ​മ​ര​ശ്ശേ​രി മു​ത​ൽ അ​ടി​വാ​രം വ​രെ റോ​ഡ​രികി​ൽ നി​ർ​ത്തി​യി​ട്ടി​രി​ക്കു​ന്ന​ത്. പ​ല​ച​ര​ക്ക്, പ​ച്ച​ക്ക​റി, പ​ഴം, മെ​റ്റ​ൽ​സ്, ഗൃ​ഹോ​പ​ക​ര​ണ​ങ്ങ​ൾ, വി​ല കൂ​ടി​യ ഇ​ല​ക്ട്രോ​ണി​ക് ഉ​പ​ക​ര​ണ​ങ്ങ​ൾ എ​ന്നി​വ ക​യ​റ്റി വ​ന്ന ലോ​റി​ക​ളാ​ണ് ക​ന​ത്ത മ​ഴ​യി​ൽ റോ​ഡ​രികി​ൽ നി​ർ​ത്തി​യി​ട്ടി​രി​ക്കു​ന്ന​ത്. ലോ​റി ഡ്രൈ​വ​ർ​മാ​ർ​ക്ക് ലോ​റി​യി​ൽ നി​ന്ന് വി​ട്ട് പോ​കാ​ൻ ക​ഴി​യാ​ത്ത അ​വ​സ്ഥ​യാ​ണ്. നി​ശ്ചി​ത സ​മ​യ​ത്തി​നു​ള്ളി​ൽ ചി​ല​യി​ട​ങ്ങ​ളി​ൽ എ​ത്തി​ക്കേ​ണ്ട ലോ​ഡു​ക​ളാ​ണ് റോ​ഡ​രികി​ൽ കി​ട​ക്കു​ന്ന​തെ​ന്ന് ഡ്രൈ​വ​ർ​മാ​ർ പ​റ​യു​ന്നു.

വ​യ​നാ​ട്ടി​ലെ ഉ​രു​ൾ​പൊ​ട്ട​ൽ ദു​ര​ന്ത​ത്തെ തു​ട​ർ​ന്നാ​ണ് ലോ​റി​ക​ൾ​ക്ക് നി​യ​ന്ത്ര​ണം ഏ​ർ​പ്പെ​ടു​ത്തി​യ​ത്. എ​ന്നാ​ൽ, ലോ​റി​ക​ൾ താ​മ​ര​ശ്ശേ​രി ചു​ങ്ക​ത്ത് വെ​ച്ച് ത​ട​ഞ്ഞ് തി​രി​ച്ചു വി​ട്ടി​രു​ന്നെ​ങ്കി​ൽ ത​ങ്ങ​ൾ ഇ​ത്ത​ര​ത്തി​ൽ കു​ടു​ങ്ങി​ല്ലാ​യി​രു​ന്നു​വെ​ന്ന് ഡ്രൈ​വ​ർ​മാ​ർ പ​റ​യു​ന്നു. വ​ലി​യ ലോ​ഡു​മാ​യി വ​രു​ന്ന ലോ​റി​ക​ൾ അ​ടി​വാ​ര​ത്തി​ന് അ​ടു​ത്തു വെ​ച്ചാ​ണ് പൊ​ലീ​സ് ഒ​രു മു​ന്ന​റി​യി​പ്പു​മി​ല്ലാ​തെ ത​ട​ഞ്ഞി​രി​ക്കു​ന്ന​ത്. ദേ​ശീ​യ​പാ​ത​യു​ടെ ഇ​രു​വ​ശ​ത്ത് ലോ​റി​ക​ൾ നി​ർ​ത്തി​യി​ട്ടി​രി​ക്കു​ന്ന​ത് ഗ​താ​ഗ​ത​കു​രു​ക്കി​നും കാ​ര​ണ​മാ​കു​ന്നു​ണ്ട്. ഇ​തു കാ​ര​ണം കാ​ൽ​ന​ട​യാ​ത്രി​ക​ർ​ക്കും വ്യാ​പാ​ര സ്ഥാ​പ​ന​ങ്ങ​ൾ​ക്കും പ്ര​യാ​സം സൃ​ഷ്ടി​ക്കു​ന്ന​താ​യും പ​രാ​തി​യു​ണ്ട്.