ബ​ന്ധു​ക്ക​ൾ​ക്ക് വിട്ടുകൊടുത്ത മൃതദേഹം തിരിച്ചുവിളിച്ച് പോസ്​റ്റ്​മോർട്ടം നടത്തി

കോ​ഴി​ക്കോ​ട്: മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ​നി​ന്ന് ബ​ന്ധു​ക്ക​ൾ​ക്ക് വി​ട്ടു കൊ​ടു​ത്ത മൃ​ത​ദേ​ഹം തി​രി​ച്ചു​വി​ളി​ച്ച് പോ​സ്​​റ്റ്​​മോ​ർ​ട്ടം ന​ട​ത്തി. കൊ​മ്മേ​രി സ്വ​ദേ​ശി സാ​ധ​ന​യു​ടെ (61) മൃ​ത​ദേ​ഹ​മാ​ണ് ആ​ശു​പ​ത്രി അ​ധി​കൃ​ത​ർ തി​രി​ച്ചു വി​ളി​ച്ച് പോ​സ്​​റ്റ്​​മോ​ർ​ട്ടം ചെ​യ്ത​ത്. ചൊ​വ്വാ​ഴ്ച​യാ​ണ് സം​ഭ​വം. ചൊ​വ്വാ​ഴ്ച ഉ​ച്ച​യോ​ടെ കോ​വി​ഡ് ഗു​രു​ത​രാ​വ​സ്ഥ​യി​ലാ​യ സാ​ധ​ന​യെ ചേ​വാ​യൂ​രി​െ​ല മ​ക​ളു​ടെ വീ​ട്ടി​ൽ​നി​ന്ന് ആം​ബു​ല​ൻ​സി​ൽ മെ​ഡി​ക്ക​ൽ കോ​ള​ജി​ൽ എ​ത്തി​ക്കു​ക​യാ​യി​രു​ന്നു.

എ​ന്നാ​ൽ, ആ​ശു​പ​ത്രി​യി​ൽ എ​ത്തും മു​മ്പു​ത​ന്നെ മ​ര​ണം സം​ഭ​വി​ച്ചു. തു​ട​ർ​ന്ന് മൃ​ത​ദേ​ഹം മോ​ർ​ച്ച​റി​യി​ലേ​ക്ക് മാ​റ്റു​ക​യും പ​രി​ശോ​ധ​ന​ക​ൾ​ക്കു ശേ​ഷം വി​ട്ടു​ന​ൽ​കു​ക​യും ചെ​യ്തു. മൃ​ത​ദേ​ഹ​വു​മാ​യി തി​രി​കെ പോ​കു​മ്പോ​ൾ ആ​ശു​പ​ത്രി അ​ധി​കൃ​ത​ർ വി​ളി​ച്ച് ചെ​റി​യ പ്ര​ശ്ന​മു​ണ്ടെ​ന്നും തി​രി​കെ വ​ര​ണ​മെ​ന്നും ആ​വ​ശ്യ​പ്പെ​ടു​ക​യാ​യി​രു​ന്നു. തു​ട​ർ​ന്ന് ഇ​വ​ർ ആ​ശു​പ​ത്രി​യി​ൽ എ​ത്തി​യ​പ്പോ​ൾ മൃ​ത​ദേ​ഹം പോ​സ്​​റ്റ്​​മോ​ർ​ട്ട​ത്തി​നു ശേ​ഷം മാ​ത്ര​മേ വി​ട്ടു ന​ൽ​കാ​നാ​വൂ​യെ​ന്ന് അ​റി​യി​ച്ചു. ഇ​ല്ലെ​ങ്കി​ൽ പൊ​ലീ​സി​ൻെ റ ​സ​മ്മ​ത​പ​ത്രം വേ​ണ​മെ​ന്ന് പ​റ​യു​ക​യും അ​തു പ്ര​കാ​രം കോ​വി​ഡ് രോ​ഗി കൂ​ടി​യാ​യ മ​രു​മ​ക​ൻ പൊ​ലീ​സ് സ്​​േ​റ്റ​ഷ​നി​ൽ എ​ത്തി​യെ​ങ്കി​ലും സ​മ​ത​പ​ത്രം ന​ൽ​കാ​ൻ പൊ​ലീ​സ് ത​യാ​റാ​യി​ല്ല. തു​ട​ർ​ന്ന് ബു​ധ​നാ​ഴ്ച പോ​സ്​​റ്റ്​​മോ​ർ​ട്ടം ന​ട​ത്തി​യാ​ണ് മൃ​ത​ദേ​ഹം വി​ട്ടു​ന​ൽ​കി​യ​ത്. ബു​ധ​നാ​ഴ്ച വൈ​കീ​ട്ടൊ​ടെ വെ​സ്​​റ്റ്​​ഹി​ൽ ശ്‌​മ​ശാ​ന​ത്തി​ൽ മൃ​ത​ദേ​ഹം സം​സ്ക​രി​െ​ച്ച​ന്ന് മ​രു​മ​ക​ൻ ശ​ബ​രീ​ഷ് പ​റ​ഞ്ഞു.

ആ​ഗ​സ്​​റ്റ്​ 19ന് ​ത​നി​ക്ക് കോ​വി​ഡ് പോ​സി​റ്റി​വാ​യി​രു​െ​ന്ന​ന്നും ര​ണ്ടു ദി​വ​സ​ങ്ങ​ൾ​ക്കു​ള്ളി​ൽ വീ​ട്ടി​ൽ മ​റ്റു​ള്ള​വ​ർ​ക്കും രോ​ഗ​ല​ക്ഷ​ണം ഉ​ണ്ടാ​യെ​ന്നും ശ​ബ​രീ​ഷ് പ​റ​ഞ്ഞു. സാ​ധ​ന​ക്ക് ശ്വാ​സ​ത​ട​സ്സ​മ​ട​ക്കം നേ​രി​ട്ട​പ്പോ​ൾ കോ​വി​ഡ് സെ​ല്ലി​ലേ​ക്ക് വി​ളി​ച്ച് വി​വ​രം പ​റ​ഞ്ഞി​രു​ന്നു. ആ​ശു​പ​ത്രി​യി​ലേ​ക്ക് മാ​റ്റ​ണ​മെ​ന്ന് ആ​വ​ശ്യ​പ്പെ​ട്ട​പ്പോ​ൾ കോ​വി​ഡ് പോ​സി​റ്റി​വാ​ണെ​ന്ന റി​സ​ൽ​റ്റ്​ ഉ​ണ്ടെ​ങ്കി​ലേ സു​ര​ക്ഷാ മു​ൻ​ക​രു​ത​ലു​ക​ൾ സ്വീ​ക​രി​ക്കാ​നാ​വൂ​വെ​ന്ന് അ​ധി​കൃ​ത​ർ പ​റ​ഞ്ഞ​താ​യി ശ​ബ​രീ​ഷ് വ്യ​ക്ത​മാ​ക്കി. തു​ട​ർ​ന്ന് കോ​വി​ഡ് ആ​ർ.​ടി.​പി.​സി.​ആ​ർ പ​രി​ശോ​ധ​ന​ക്ക് വി​ധേ​യ​യാ​ക്കി​യെ​ങ്കി​ലും അ​ടു​ത്ത ദി​വ​സം മാ​ത്ര​മാ​ണ് ഫ​ലം ല​ഭി​ച്ച​ത്. അ​പ്പോ​ഴേ​ക്കും രോ​ഗി അ​തി​ഗു​രു​ത​രാ​വ​സ്ഥ​യി​ലാ​യി​രു​ന്നു. തു​ട​ർ​ന്ന് വീ​ണ്ടും കോ​വി​ഡ് സെ​ല്ലി​ൽ ബ​ന്ധ​പ്പെ​ട്ട് ആം​ബു​ല​ൻ​സ് ല​ഭ്യ​മാ​ക്കി ആ​ശു​പ​ത്രി​യി​ലെ​ത്തി​യ​പ്പോ​ഴേ​ക്കും മ​രി​ച്ചു.ഭ​ർ​ത്താ​വ്: മ​ണി​ക​ണ്ഠ​ൻ. ഏ​ക​മ​ക​ൾ: അ​പ​ർ​ണ.