ജയിലിൽ കമ്പിളി വേണമെന്ന ജോളിയുടെ അപേക്ഷ കോടതി പരിഗണിച്ചില്ല

കോഴിക്കോട്‌: ശാരീരിക പ്രശ്‌നങ്ങളുള്ളതിനാൽ ജയിലിനകത്ത്‌ കമ്പിളി വസ്‌ത്രവും പുതപ്പും അനുവദിക്കണമെന്ന്‌ കൂടത്തായി കൊലപാതക പരമ്പര കേസിലെ പ്രതി ജോളി. ഇക്കാര്യമുന്നയിച്ച്‌ ജയിൽ സൂപ്രണ്ടിന്‌ അപേക്ഷ നൽകിയിരുന്നു. ബുധനാഴ്‌ച കേസ്‌ പരിഗണിക്കുമ്പോൾ ജോളിയുടെ അഭിഭാഷകൻ ഇക്കാര്യം കോടതിയിലും ഉന്നയിച്ചെങ്കിലും പരിഗണിച്ചില്ല. കേസ്‌ പരിഗണിക്കുന്നത്‌ നവംബർ പതിനഞ്ചിലേക്ക്‌ മാറ്റി.