ആവിക്കൽതോട് മലിനജല സംസ്കരണ പ്ലാന്‍റ് നിർമാണം കോടതി തടഞ്ഞു

കോ​ഴി​ക്കോ​ട്​: ആ​വി​ക്ക​ൽ തോ​ട്ടി​ൽ കോ​ഴി​ക്കോ​ട് കോ​ർ​പ​റേ​ഷ​ൻ അ​മൃ​ത് പ​ദ്ധ​തി​യി​ൽ മ​ലി​ന​ജ​ല സം​സ്ക​ര​ണ പ്ലാ​ന്‍റ്​ നി​ർ​മി​ക്കു​ന്ന​ത് ത​ട​ഞ്ഞു​കൊ​ണ്ട് കോ​ട​തി ഉ​ത്ത​ര​വ്. നി​ർ​മാ​ണം ന​ട​ക്കു​ന്ന സ്​​ഥ​ലം തോ​ടാ​ണെ​ന്നും വെ​ള്ളം കെ​ട്ടി​നി​ൽ​ക്കു​ന്ന ഭാ​ഗ​മാ​ണെ​ന്നും മാ​സ്റ്റ​ർ പ്ലാ​ൻ പ്ര​കാ​രം ഇ​വി​ടെ നി​ർ​മാ​ണം ന​ട​ത്താ​ൻ പാ​ടി​ല്ലെ​ന്നും നി​യ​മാ​നു​സൃ​ത പ്ലാ​നി​ല്ലെ​ന്നും മ​റ്റും പ​രാ​തി​പ്പെ​ട്ടു​കൊ​ണ്ടു​ള്ള പ​രി​സ​ര​വാ​സി​യു​ടെ ഹ​ര​ജി​യി​ലാ​ണ് ര​ണ്ടാം പ്രി​ൻ​സി​പ്പ​ൽ മു​ൻ​സി​ഫ് കോ​ട​തി​യു​ടെ ചു​മ​ത​ല​യു​ള്ള ഒ​ന്നാം മു​ൻ​സി​ഫ് എം.​സി. ബി​ജു​വി​ന്റെ ഇ​ട​ക്കാ​ല ഉ​ത്ത​ര​വ്.

കേ​സി​ൽ അ​ന്തി​മ ഉ​ത്ത​ര​വ് വ​രു​ന്ന​തു​വ​രെ​യാ​ണ് നി​ർ​മാ​ണം ത​ട​ഞ്ഞ​ത്. തോ​ടി​ന്റെ നി​ല​വി​ലെ അ​വ​സ്ഥ​യി​ൽ മാ​റ്റം​വ​രു​ത്ത​രു​തെ​ന്നും തോ​ടി​ന്റെ ആ​ഴ​മോ വീ​തി​യോ മാ​റ്റ​രു​തെ​ന്നും ഉ​ത്ത​ര​വി​ൽ പ​റ​ഞ്ഞു. നേ​ര​ത്തേ കോ​ട​തി നി​ർ​ദേ​ശ​പ്ര​കാ​രം അ​ഭി​ഭാ​ഷ​ക ക​മീ​ഷ​ൻ അ​ഡ്വ. പി. ​ഗി​രീ​ഷ്​ സ്ഥ​ലം സ​ന്ദ​ർ​ശി​ച്ച് റി​പ്പോ​ർ​ട്ട് ന​ൽ​കി​യി​രു​ന്നു.

പു​തി​യ ക​ട​വ്​ നി​ഹ്​​മ​ത്ത്​ മ​ൻ​സി​ലി​ൽ സ​ക്കീ​ർ ഹു​സൈ​ൻ അ​ഡ്വ. മു​നീ​ർ അ​ഹ​മ്മ​ദ്, അ​ഡ്വ. മു​ദ​സ​ർ അ​ഹ​മ്മ​ദ്​ എ​ന്നി​വ​ർ മു​ഖേ​ന ന​ൽ​കി​യ ഹ​ര​ജി​യി​ലാ​ണ്​ ന​ട​പ​ടി. കോ​ർ​പ​റേ​ഷ​ൻ സെ​ക്ര​ട്ട​റി, ജി​ല്ല ക​ല​ക്ട​ർ എ​ന്നി​വ​രെ എ​തി​ർ​ക​ക്ഷി​ക​ളാ​ക്കി​യാ​ണ്​ കേ​സ്. നി​ർ​മാ​ണം ത​ട​ഞ്ഞ്​ സ്​​ഥ​ലം അ​തേ​പ​ടി സം​ര​ക്ഷി​ക്കാ​ൻ നി​ർ​ദേ​ശം ന​ൽ​ക​ണ​മെ​ന്നാ​വ​ശ്യ​പ്പെ​ട്ടാ​ണ് ഹ​ര​ജി ന​ൽ​കി​യ​ത്.

കോ​ർ​പ​റേ​ഷ​ന്റെ വാ​ദ​വും മ​റ്റു രേ​ഖ​ക​ളും പ​രി​ശോ​ധി​ച്ച ശേ​ഷ​മാ​ണ് ഉ​ത്ത​ര​വ്. 1.75 ഏ​ക്ക​ർ സ്ഥ​ലം ഇ​വി​ടെ​യു​ണ്ടെ​ന്നാ​ണ് ഹ​ര​ജി​ക്കാ​ര​ന്റെ വാ​ദം. പ്ര​കൃ​തി​ദ​ത്ത​മാ​യ തോ​ടാ​ണ് ഇ​തെ​ന്ന് സ​ർ​ക്കാ​ർ രേ​ഖ​ക​ളി​ൽ കാ​ണു​ന്നു​മു​ണ്ട്. എ​ന്നാ​ൽ, 89 സെ​ന്റ് ഭൂ​മി​യെ​ന്നാ​ണ് കോ​ർ​പ​റേ​ഷ​ൻ കോ​ട​തി​യി​ൽ അ​റി​യി​ച്ച​ത്. തോ​ട് മ​ണ്ണും മാ​ലി​ന്യ​വു​മി​ട്ട് നി​ക​ത്തി​യ സ്ഥ​ല​ത്താ​ണ് പ്ലാ​ന്റ് എ​ന്നും അ​ത് നി​യ​മ​ലം​ഘ​ന​മാ​ണെ​ന്നു​മു​ള്ള ഹ​ര​ജി​ക്കാ​ന്റെ വാ​ദം പ​രി​ഗ​ണി​ച്ചാ​ണ് ഇ​ട​ക്കാ​ല ഉ​ത്ത​ര​വ്.