കുതിരവട്ടം മാനസികാരോഗ്യ കേന്ദ്രത്തിൽനിന്ന്​ വീണ്ടും അന്തേവാസി ചാടി​പ്പോയി

കോ​ഴി​ക്കോ​ട്​: കു​തി​ര​വ​ട്ടം മാ​ന​സി​കാ​രോ​ഗ്യ കേ​ന്ദ്ര​ത്തി​ൽ​നി​ന്ന്​ ര​ക്ഷ​പ്പെ​ട്ട അ​ന്തേ​വാ​സി​ക്കാ​യി തി​ര​ച്ചി​ൽ തു​ട​രു​ന്ന​തി​നി​ടെ മ​റ്റൊ​രാ​ൾ​കൂ​ടി ചാ​ടി​പ്പോ​യി. മ​ല​പ്പു​റം വ​ണ്ടൂ​ർ സ്വ​ദേ​ശി​യാ​യ 24കാ​ര​നാ​ണ്​ ശ​നി​യാ​ഴ്ച ഉ​ച്ച​യോ​ടെ ര​ക്ഷ​​പ്പെ​ട്ട​ത്. ക​ഴി​ഞ്ഞ ദി​വ​സം ആ​ശു​പ​ത്രി​യി​ലെ​ത്തി​യ യു​വാ​വ്​ ഏ​ഴാം വാ​ർ​ഡി​ലെ ശു​ചി​മു​റി​യു​ടെ ജ​ന​ൽ പൊ​ളി​ച്ചാ​ണ്​ ര​ക്ഷ​പ്പെ​ട്ട​ത്. ഇ​ദ്ദേ​ഹ​ത്തി​ന്‍റെ അ​മ്മ​യും ഈ ​വാ​ർ​ഡി​ൽ ഉ​ണ്ടാ​യി​രു​ന്നു.

തി​ങ്ക​ളാ​ഴ്ച ചാ​ടി​പ്പോ​യ കോ​ഴി​ക്കോ​ട്​ സ്വ​ദേ​ശി​യാ​യ 39കാ​ര​നാ​യി വി​വി​ധ​യി​ട​ങ്ങ​ളി​ൽ അ​ന്വേ​ഷ​ണം ന​ട​ത്തു​ന്ന​തി​നി​ടെ​യാ​ണ്​ മ​റ്റൊ​രാ​ൾ ചാ​ടി​​പ്പോ​യ​ത്. അ​തേ​സ​മ​യം, കോ​ഴി​ക്കോ​ട്​ സ്വ​ദേ​ശി​ക്കൊ​പ്പം ര​ക്ഷ​പ്പെ​ട്ട മ​ല​പ്പു​റം സ്വ​ദേ​ശി​നി​​യെ പി​ടി​കൂ​ടി. മാ​ന​സി​കാ​രോ​ഗ്യ കേ​ന്ദ്ര​ത്തി​ലെ പ്ര​ശ്ന​ങ്ങ​ൾ പ​റ​യാ​നു​ണ്ടെ​ന്നു​പ​റ​ഞ്ഞ്​ മ​ല​പ്പു​റം ജി​ല്ല ക​ല​ക്​​ട​റു​​ടെ ക്യാ​മ്പ്​ ഓ​ഫി​സി​ലെ​ത്തി​യ ഇ​വ​രെ മ​ല​പ്പു​റം വ​നി​ത സെ​ല്ലി​ന്‍റെ സ​ഹാ​യ​ത്തോ​ടെ​യാ​ണ്​ വീ​ണ്ടും കു​തി​ര​വ​ട്ട​ത്തെ​ത്തി​ച്ച​ത്. സെ​ല്ലി​ന്‍റെ ഭി​ത്തി സ്റ്റീ​ൽ പാ​ത്ര​മു​പ​യോ​ഗി​ച്ച്​ തു​ര​ന്നാ​യി​രു​ന്നു ഇ​വ​ർ ര​ക്ഷ​പ്പെ​ട്ട​ത്.

തി​ങ്ക​ളാ​ഴ്ച ചാ​ടി​പ്പോ​യ കോ​ഴി​ക്കോ​ട്​ സ്വ​ദേ​ശി​യെ ജി​ല്ല ലീ​ഗ​ൽ സ​ർ​വി​സ്​ അ​തോ​റി​റ്റി​യാ​ണി​വി​​ടെ പ്ര​വേ​ശി​പ്പി​ച്ച​ത്. കു​ളി​ക്കാ​ൻ വാ​ർ​ഡി​ൽ​നി​ന്ന്​ പു​റ​ത്തി​റ​ങ്ങി​യാ​ണ്​ ഇ​യാ​ൾ ര​ക്ഷ​പ്പെ​ട്ട​ത്. ന​ട​ക്കാ​വ്​ സ്വ​ദേ​ശി​യാ​യ ഇ​ദ്ദേ​ഹം ഇ​തു​വ​രെ വീ​ട്ടി​ലെ​ത്തി​യി​ട്ടു​മി​ല്ല. ര​ക്ഷ​പ്പെ​ട്ട​വ​ർ​ക്കാ​യി മെ​ഡി​ക്ക​ൽ കോ​ള​ജ്​ പൊ​ലീ​സി​ന്‍റെ നേ​തൃ​ത്വ​ത്തി​ലാ​ണ്​ അ​ന്വേ​ഷ​ണം പു​രോ​ഗ​മി​ക്കു​ന്ന​ത്. അ​ന്തേ​വാ​സി​യാ​യ മ​ഹാ​രാ​ഷ്ട്ര സ്വ​ദേ​ശി​നി കൊ​ല്ല​പ്പെ​ട്ട​തി​ന്‍റെ അ​ന്വേ​ഷ​ണം ന​ട​ക്കു​ന്ന​തി​നി​ടെ​യാ​ണ്​​ ആ​രോ​ഗ്യ കേ​ന്ദ്ര​ത്തി​ൽ​നി​ന്ന്​ ചാ​ടി​പ്പോ​വ​ൽ തു​ട​ർ​ക്ക​ഥ​യാ​യ​ത്​.

നൂ​റി​ലേ​റെ വ​നി​ത അ​ന്തേ​വാ​സി​ക​ളു​ള്ള ആ​രോ​ഗ്യ കേ​ന്ദ്ര​ത്തി​ൽ ആ​വ​ശ്യ​ത്തി​ന്​ സു​ര​ക്ഷ ജീ​വ​ന​ക്കാ​രി​ല്ലാ​ത്ത​താ​ണ്​ തു​ട​രെ അ​ന്തേ​വാ​സി​ക​ൾ ചാ​ടി​പ്പോ​വു​ന്ന​തി​ന്​ കാ​ര​ണ​മാ​കു​ന്ന​ത് എ​ന്നാ​ണ്​ ആ​ക്ഷേ​പം. വ​നി​ത​ക​ളു​ൾ​പ്പെ​ടെ 20​ സു​ര​ക്ഷ ജീ​വ​ന​ക്കാ​​രെ​യെ​ങ്കി​ലും നി​യ​മി​ക്ക​ണ​മെ​ന്നാ​ണ്​ ആ​വ​ശ്യം. ക​ഴി​ഞ്ഞ ദി​വ​സം ആ​രോ​ഗ്യ വ​കു​പ്പ്​ ​​ഡെ​പ്യൂ​ട്ടി ഡ​യ​റ​ക്ട​ർ ഡോ. ​കെ.​എ​സ്. ഷി​നു​വി​ന്‍റെ നേ​തൃ​ത്വ​ത്തി​ൽ മാ​ന​സി​കാ​രോ​ഗ്യ കേ​ന്ദ്ര​ത്തി​ൽ പ​രി​ശോ​ധ​ന ന​ട​ത്തി​യി​രു​ന്നു. ആ​രോ​ഗ്യ മ​ന്ത്രി വീ​ണ ജോ​ർ​ജി​ന്‍റെ നി​ർ​ദേ​ശ പ്ര​കാ​രം ന​ട​ത്തി​യ പ​രി​ശോ​ധ​ന​യു​ടെ റി​പ്പോ​ർ​ട്ട്​ തി​ങ്ക​ളാ​ഴ്ച സ​മ​ർ​പ്പി​ക്കു​മെ​ന്നാ​ണ്​ വി​വ​രം. നേ​ര​ത്തെ ജി​ല്ല ജ​ഡ്ജി പി. ​രാ​ഗി​ണി​യു​ടെ നേ​തൃ​ത്വ​ത്തി​ൽ പ​രി​ശോ​ധ​ന ന​ട​ത്തി​യ സം​ഘ​വും ആ​ശു​പ​ത്രി​യി​ലെ ജീ​വ​ന​ക്കാ​രു​ടെ കു​റ​വ​ട​ക്കം ചൂ​ണ്ടി​ക്കാ​ട്ടി ഹൈ​കോ​ട​തി​ക്ക്​ റി​പ്പോ​ർ​ട്ട്​ ന​ൽ​കു​മെ​ന്ന​റി​യി​ച്ചി​ട്ടു​ണ്ട്.