ജ്വല്ലറിയിൽനിന്ന് സ്വർണമാലകളെടുത്ത് യുവാവ് ഓടിമറഞ്ഞു
text_fieldsപന്തീരാങ്കാവിൽ ജ്വല്ലറിയിൽനിന്ന് മാല കവർന്ന് ബൈക്കിൽ രക്ഷപ്പെടാൻ ശ്രമിച്ചവരെ കടയുടമ റോഡിൽ തടയാൻ ശ്രമിക്കുന്നു
കോഴിക്കോട്: ജ്വല്ലറിയിൽ സ്വർണമാല വാങ്ങാൻ കയറിയ യുവാവ് മൂന്നര പവൻ തൂക്കമുള്ള രണ്ടു മാലകളുമായി ഓടിമറഞ്ഞു. കോഴിക്കോട് പന്തീരാങ്കാവിൽ തിങ്കളാഴ്ച ഉച്ചക്ക് രണ്ടിനാണ് സംഭവം.
മണക്കടവ് റോഡിൽ കെ.കെ. ജ്വല്ലറിയിലാണ് സ്വർണമാല വാങ്ങാനെന്ന വ്യാജേന 28 വയസ്സ് തോന്നിക്കുന്ന യുവാവ് കയറിയത്. മാലകൾ എടുത്തു കാണിക്കുന്നതിനിടെ രണ്ടു മാലകളുമായി യുവാവ് കടയിൽനിന്ന് പുറത്തേക്കോടി.
പുറത്ത് ബൈക്ക് സ്റ്റാർട്ട് ചെയ്ത് മറ്റൊരു യുവാവ് കാത്തിരിക്കുന്നുണ്ടായിരുന്നു. ഈ ബൈക്കിൽ കയറിയാണ് മോഷ്ടാവ് രക്ഷപ്പെട്ടത്. ഉടമ രാമചന്ദ്രൻ പിന്നാലെ ഓടി പിടിച്ചെങ്കിലും കുതറിയോടി.
രണ്ടു തവണയാണ് മോഷ്ടാക്കളെ ഉടമ തടയാൻ ശ്രമിച്ചത്. രണ്ടു തവണയും ഉടമ റോഡിൽ വീണു. പൊലീസ് സ്ഥലത്തെത്തി അന്വേഷണമാരംഭിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.