കേരഫെഡ് തേങ്ങ സംഭരണം: മൂന്ന് മാസമായിട്ടും കർഷകർക്ക് പണം ലഭിച്ചില്ല

തി​രു​വ​മ്പാ​ടി: കേ​ര​ഫെ​ഡ് പ​ച്ച​ത്തേ​ങ്ങ സം​ഭ​ര​ണ​ത്തി​ൽ ക​ർ​ഷ​ക​ർ​ക്ക് മൂ​ന്നു​മാ​സ​മാ​യി​ട്ടും പ​ണം ല​ഭി​ച്ചി​ല്ല. ജി​ല്ല​യി​ലെ തി​ര​ഞ്ഞെ​ടു​ത്ത കൃ​ഷി​ഭ​വ​നു​ക​ൾ വ​ഴി​യാ​ണ് പ​ച്ച​ത്തേ​ങ്ങ സം​ഭ​രി​ച്ചി​രു​ന്ന​ത്. ജൂ​ലൈ ആ​ദ്യ​വാ​ര​ത്തി​ൽ പ​ച്ച​ത്തേ​ങ്ങ ന​ൽ​കി​യ തി​രു​വ​മ്പാ​ടി കൃ​ഷി​ഭ​വ​ന് കീ​ഴി​ലെ ക​ർ​ഷ​ക​രാ​ണ് ഇ​പ്പോ​ഴും തേ​ങ്ങ​യു​ടെ പ​ണ​ത്തി​നാ​യി കാ​ത്തി​രി​ക്കു​ന്ന​ത്. ക​ർ​ഷ​ക​ർ​ക്ക് അ​ക്കൗ​ണ്ടു​ള്ള ബാ​ങ്കു​ക​ൾ വ​ഴി​യാ​ണ് തു​ക ല​ഭി​ച്ചി​രു​ന്ന​ത്.

ഒ​രു​മാ​സം​കൊ​ണ്ട് ല​ഭി​ക്കേ​ണ്ട തു​ക​യാ​ണ് മൂ​ന്ന് മാ​സ​ത്തോ​ളം വൈ​കി​യി​രി​ക്കു​ന്ന​ത്. വി​ല​ത്ത​ക​ർ​ച്ച​യി​ൽ ഉ​ൽ​പാ​ദ​ന ചെ​ല​വ് പോ​ലും കി​ട്ടാ​ത്ത ക​ർ​ഷ​ക​രാ​ണ് സം​ഭ​ര​ണ പ​ണം ല​ഭി​ക്കാ​തെ ദു​രി​ത​ത്തി​ലാ​യ​ത്. നാ​മ​മാ​ത്ര​മാ​യി ന​ട​ത്തു​ന്ന നാ​ളി​കേ​ര സം​ഭ​ര​ണം പ്ര​ഹ​സ​ന​മാ​ണെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.

ആ​ഴ്ച​യി​ൽ ര​ണ്ടു​ദി​വ​സം 10 ട​ൺ പ​ച്ച​ത്തേ​ങ്ങ​യാ​ണ് ഒ​രു കൃ​ഷി​ഭ​വ​നി​ൽ സം​ഭ​രി​ച്ചി​രു​ന്ന​ത്. നാ​ളി​കേ​ര വി​ല കു​ത്ത​നെ ഇ​ടി​ഞ്ഞ സാ​ഹ​ച​ര്യ​ത്തി​ലാ​ണ് നാ​മ​മാ​ത്ര​മാ​യി കേ​ര​ഫെ​ഡ് തേ​ങ്ങ സം​ഭ​ര​ണം തു​ട​ങ്ങി​യ​ത്. തേ​ങ്ങ ന​ൽ​കു​ന്ന​തി​ന്റെ ഒ​രു​മാ​സം മു​മ്പ് അ​പേ​ക്ഷ ന​ൽ​കി​യാ​ണ് ക​ർ​ഷ​ക​ർ സം​ഭ​ര​ണ ഊ​ഴ​ത്തി​നാ​യി കാ​ത്തി​രു​ന്ന​ത്. 10 ട​ൺ നാ​ളി​കേ​ര​മെ​ന്ന പ​രി​ധി കാ​ര​ണം നൂ​റു​ക​ണ​ക്കി​ന് ക​ർ​ഷ​ക​രാ​ണ് സം​ഭ​ര​ണ പ​ദ്ധ​തി​യു​ടെ പ്ര​യോ​ജ​നം ല​ഭി​ക്കാ​തെ പു​റ​ത്താ​യ​ത്.

സെ​പ്റ്റം​ബ​ർ ഒ​ന്ന് മു​ത​ൽ കേ​ര​ഫെ​ഡി​ന് പ​ക​രം നാ​ഫെ​ഡ് തേ​ങ്ങ സം​ഭ​രി​ക്കു​മെ​ന്നാ​ണ് അ​റി​യി​ച്ചി​രു​ന്ന​ത്. ഇ​തി​നാ​യി ഇ ​സ​മൃ​ദ്ധി പോ​ർ​ട്ട​ലി​ൽ ക​ർ​ഷ​ക​ർ ര​ജി​സ്റ്റ​ർ ചെ​യ്യ​ണം. വി​ല​ത്ത​ക​ർ​ച്ച കാ​ര​ണം പ്ര​തി​സ​ന്ധി​യി​ലാ​യ ക​ർ​ഷ​ക​ർ​ക്കാ​യി മു​ഴു​വ​ൻ കൃ​ഷി​ഭ​വ​നു​ക​ളി​ലും നാ​ളി​കേ​ര സം​ഭ​ര​ണ​ത്തി​ന് സം​വി​ധാ​നം ഒ​രു​ക്ക​ണ​മെ​ന്നാ​ണ് ആ​വ​ശ്യം.