നിർധന കുടുംബത്തിന് അപേക്ഷ ലഭിച്ച് മണിക്കൂറുകൾക്കകം വൈദ്യുതിയെത്തിച്ച് കെ.എസ്.ഇ.ബി ജീവനക്കാർ
text_fieldsഅപേക്ഷ ലഭിച്ച് മണിക്കൂറുകൾക്കുള്ളിൽ വൈദ്യുതിയെത്തിച്ച തിരുവമ്പാടി തറിമറ്റത്തെ വീടിെൻറ വൈദ്യുതീകരണ സ്വിച്ച് ഓൺ കർമം കെ.എസ്.ഇ.ബി സെക്ഷൻ അസി.എൻജിനീയർ ജോമി നിർവഹിക്കുന്നു
തിരുവമ്പാടി: അപേക്ഷ ലഭിച്ച് മണിക്കൂറുകൾക്കകം നിർധന കുടുംബത്തിന് വൈദ്യുതിയെത്തിച്ച് കെ.എസ്.ഇ.ബി ജീവനക്കാർ. തിരുവമ്പാടി തറിമറ്റത്തെ ലക്ഷ്മി ആനന്ദിെൻറ കുടുംബത്തിനാണ് അധികൃതർ അപേക്ഷ ലഭിച്ച് അഞ്ച് മണിക്കൂറിനുള്ളിൽ വൈദ്യുതി നൽകിയത്.
കെ.എസ്.ഇ.ബി അധികൃതരാണ് വയറിങ് പ്രവൃത്തിയും സൗജന്യമായി നടത്തിയത്. വയറിങ് സാമഗ്രികൾ തിരുവമ്പാടിയിലെ പവർ കോ ഇലക്ട്രിക്കൽസ് നൽകി.
വൈദ്യുതി സ്വിച്ച് ഓൺ കർമം തിരുവമ്പാടി കെ.എസ്.ഇ.ബി അസി. എൻജിനീയർ ജോമി നിർവഹിച്ചു. വാർഡ് മെംബർ ഷൈനി ബെന്നി, ജീവനക്കാരായ ഷാനവാസ്, ബിനു ജോർജ് എന്നിവർ സംബന്ധിച്ചു. നിർധനരായ കുടുംബത്തിെൻറ ദുരവസ്ഥ മനസ്സിലാക്കി നാട്ടുകാർ ഇവർക്കുവേണ്ടി സഹായ കമ്മിറ്റി രൂപവത്കരിച്ചിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.