പ്രകൃതി ദുരന്ത സാധ്യത; കൂടരഞ്ഞിയിൽ ഖനനം നിയന്ത്രിക്കണമെന്ന റിപ്പോർട്ടിൽ നടപടിയായില്ല

തി​രു​വ​മ്പാ​ടി: പ്ര​കൃ​തി ദു​ര​ന്ത ഭീ​ഷ​ണി​യു​ള്ള കൂ​ട​ര​ഞ്ഞി വി​ല്ലേ​ജി​ൽ ക​രി​ങ്ക​ൽ ഖ​ന​നം നി​യ​ന്ത്രി​ക്ക​ണ​മെ​ന്ന് 2018ലെ ​ഉ​രു​ൾ​പൊ​ട്ട​ലി​ന്റെ പ​ശ്ചാ​ത്ത​ല​ത്തി​ൽ വി​ല്ലേ​ജ് ഓ​ഫി​സ​ർ ജി​ല്ല ദു​ര​ന്ത നി​വാ​ര​ണ അ​തോ​റി​റ്റി​ക്ക് സ​മ​ർ​പ്പി​ച്ച പ​ഠ​ന റി​പ്പോ​ർ​ട്ടി​ൽ ന​ട​പ​ടി​ക​ളൊ​ന്നു​മു​ണ്ടാ​യി​ല്ല. 2018 സെ​പ്റ്റം​ബ​റി​ലും 2019 ആ​ഗ​സ്റ്റി​ലും 2020 ഒ​ക്ടോ​ബ​റി​ലും മൂ​ന്ന് റി​പ്പോ​ർ​ട്ടു​ക​ളാ​ണ് അ​ന്ന​ത്തെ കൂ​ട​ര​ഞ്ഞി വി​ല്ലേ​ജ് ഓ​ഫി​സ​റാ​യി​രു​ന്ന യു. ​രാ​മ​ച​ന്ദ്ര​ൻ ജി​ല്ല ദു​ര​ന്ത നി​വാ​ര​ണ അ​തോ​റി​റ്റി​ക്ക് സ​മ​ർ​പ്പി​ച്ച​ത്.

ദു​ര​ന്ത നി​വാ​ര​ണ അ​തോ​റി​റ്റി, സെ​ന്റ​ർ ഫോ​ർ എ​ർ​ത്ത് സ​യ​ൻ​സ​സ്, ജി​യോ​ള​ജി​ക്ക​ൽ സ​ർ​വേ ഓ​ഫ് ഇ​ന്ത്യ എ​ന്നി​വ​യു​ടെ പ​ഠ​ന ശേ​ഷ​മേ കൂ​ട​ര​ഞ്ഞി വി​ല്ലേ​ജി​ൽ ക​രി​ങ്ക​ൽ ഖ​ന​ന​ത്തി​ന് അ​നു​മ​തി ന​ൽ​കേ​ണ്ട​തു​ള്ളൂ​വെ​ന്ന് റി​പ്പോ​ർ​ട്ടി​ൽ ചൂ​ണ്ടി​കാ​ട്ടി​യി​രു​ന്നു. ഡി​സ്ട്രി​ക്റ്റ് ഡി​സാ​സ്റ്റ​ർ മാ​നേ​ജ്മെ​ന്റ് പ്ലാ​ൻ പ്ര​കാ​രം ഹൈ, ​മീ​ഡി​യ ദു​ര​ന്ത മേ​ഖ​ല​യാ​ണ് കൂ​ട​ര​ഞ്ഞി വി​ല്ലേ​ജി​ന്റെ കി​ഴ​ക്ക​ൻ പ്ര​ദേ​ശ​ങ്ങ​ൾ. കൂ​മ്പാ​റ, ഉ​ദ​യ​ഗി​രി, പു​ന്ന​ക്ക​ട​വ് , പ​ന​ക്ക​ച്ചാ​ൽ , ആ​ന​യോ​ട് മ​ല, ക​ൽ​പ്പി​നി, ആ​ന ക​ല്ലും പാ​റ, ക​ക്കാ​ടം​പൊ​യി​ൽ, അ​ക​മ്പു​ഴ, ക​രി​മ്പ്, മ​ഞ്ഞ ക​ട​വ്, പെ​രു​മ്പൂ​ള പൂ​വാ​റം തോ​ട്, മേ​ട​പ്പാ​റ, നാ​യാ​ടം പൊ​യി​ൽ പ്ര​ദേ​ശ​ങ്ങ​ൾ അ​തീ​വ പ​രി​സ്ഥി​തി ലോ​ല പ്ര​ദേ​ശ​മാ​ണെ​ന്ന് പ​ഠ​ന റി​പ്പോ​ർ​ട്ടി​ൽ വ്യ​ക്ത​മാ​ക്കി​യി​രു​ന്നു.

70 ഡി​ഗ്രി ചെ​രി​വു​ള്ള മ​ല​ക​ളാ​ണ് കൂ​ട​ര​ഞ്ഞി​യി​ലെ കൂ​മ്പാ​റ, ക​ക്കാ​ടം​പൊ​യി​ൽ, പൂ​വാ​റം തോ​ട് പ്ര​ദേ​ശ​ങ്ങ​ളി​ലു​ള്ളത്. കൂ​മ്പാ​റ ജ​ന​സാ​ന്ദ്ര​ത കൂ​ടി​യ ജ​ന​വാ​സ മേ​ഖ​ല​യാ​ണ്. കു​മ്പാ​റ​യി​ൽ മൂ​ന്ന് കി.​മീ ചു​റ്റ​ള​വി​ൽ അ​ഞ്ച് ക​രി​ങ്ക​ൽ ക്വാ​റി​ക​ളി​ലാ​ണ് ഖ​ന​നം ന​ട​ക്കു​ന്ന​ത്. കൂ​ട​ര​ഞ്ഞി ഗ്രാ​മ​പ​ഞ്ചാ​യ​ത്തി​ലെ ആ​റാം വാ​ർ​ഡി​ൽ ഉ​ൾ​പ്പെ​ടു​ന്ന കൂ​മ്പാ​റ പു​ന്ന​ക്ക​ട​വ്, ബ​ദാം ചു​വ​ട്, ആ​ന​ക്ക​ല്ലും​പാ​റ പ്ര​ദേ​ശ​ങ്ങ​ളി​ലാ​യാ​ണ് അ​ഞ്ച് ക്വാ​റി​ക​ളു​ള്ള​ത്. ഏ​താ​നും സെ​ന്റ് സ്ഥ​ല​ത്ത് ഖ​ന​നാ​നു​മ​തി ല​ഭി​ച്ച ശേ​ഷം ഏ​ക്ക​ർ ക​ണ​ക്കി​ന് സ്ഥ​ല​ത്ത് ഖ​ന​നം തു​ട​രു​ന്ന സാ​ഹ​ച​ര്യ​മാ​ണു​ള്ള​തെ​ന്ന് പ​രി​സ്ഥി​തി പ്ര​വ​ർ​ത്ത​ക​ർ ചൂ​ണ്ടി​ക്കാ​ണി​ക്കു​ന്നു. കു​മ്പാ​റ പു​ന്ന​ക്ക​ട​വി​ലെ ചി​ല ക്വാ​റി​ക​ൾ​ക്ക് വ​നാ​തി​ർ​ത്തി​യി​ൽ നി​ന്ന് 100 മീ​റ്റ​ർ അ​ക​ലം പോ​ലു​മി​ല്ലെ​ന്ന് നേ​ര​ത്തെ പ​രാ​തി​യു​യ​ർ​ന്നി​രു​ന്നു. 2018ലെ ​ഉ​രു​ൾ​പൊ​ട്ട​ലി​ന് ശേ​ഷ​മാ​ണ് ക​ക്കാ​ടം​പൊ​യി​ൽ പി​ടി​ക​പാ​റ​യി​ലും കൂ​മ്പാ​റ ബ​ദാം ചു​വ​ടി​ലും ക​രി​ങ്ക​ൽ ക്വാ​റി​ക്ക് അ​നു​മ​തി ല​ഭി​ച്ച​ത്.

കൂ​ട​ര​ഞ്ഞി​യി​ൽ ക​രി​ങ്ക​ൽ ഖ​ന​നം ന​ട​ന്ന സ്ഥ​ല​ങ്ങ​ളി​ലാ​ണ് 2018ലും 2019​ലും ഉ​രു​ൾ​പൊ​ട്ട​ലും മ​ണ്ണി​ടി​ച്ചി​ലു​മു​ണ്ടാ​യ​ത്. കൂ​ട​ര​ഞ്ഞി ടൗ​ണി​ൽ നി​ന്ന് നാ​ല് കി.​മി മാ​ത്രം അ​ക​ലെ​യു​ള്ള ക​ൽ​പ്പി​നി മ​ല​യി​ലു​ണ്ടാ​യ ഉ​രു​ൾ​പൊ​ട്ട​ലി​ൽ വീ​ട് ത​ക​ർ​ന്ന് പി​താ​വും മ​ക​നും മ​രി​ച്ചി​രു​ന്നു. 2018ൽ ​ചെ​റു​തും വ​ലു​തു​മാ​യ 22ഓ​ളം ഉ​രു​ൾ​പൊ​ട്ട​ലു​ക​ളാ​ണ് വി​ല്ലേ​ജി​ലെ വി​വി​ധ​യി​ട​ങ്ങ​ളി​ലാ​യി ന​ട​ന്ന​ത്. 70 വീ​ടു​ക​ൾ ത​ക​ർ​ന്നു. 1400 കു​ടും​ബ​ങ്ങ​ളെ ആ​റ് ദു​രി​താ​ശ്വാ​സ ക്യാ​മ്പു​ക​ളി​ലാ​യി പാ​ർ​പ്പി​ച്ചു.

വ്യാ​പ​ക കൃ​ഷി നാ​ശ​വു​മു​ണ്ടാ​യി. കൂ​മ്പാ​റ അ​ങ്ങാ​ടി​ക്ക് മു​ക​ൾ ഭാ​ഗ​ത്തെ മ​ല​യി​ൽനി​ന്ന് ഉ​രു​ൾ​പൊ​ട്ടി ഒ​ഴു​കി​യെ​ത്തി​യ മ​ല​വെ​ള്ളം കൂ​മ്പാ​റ ഗ​വ. ട്രൈ​ബ​ൽ എ​ൽ.​പി സ്കൂ​ളി​നും നാ​ശം വി​ത​ച്ചി​രു​ന്നു. 2018 ജൂ​ണി​ൽ പി.​വി. അ​ൻ​വ​ർ എം.​എ​ൽ.​എ​യു​ടെ ഉ​ട​മ​സ്ഥ​ത​യി​ലു​ള്ള പി.​വി.​ആ​ർ നാ​ച്വ​റോ പാ​ർ​ക്കി​ലും വ​ൻ മ​ണ്ണി​ടി​ച്ചി​ലു​ണ്ടാ​യി​രു​ന്നു. തു​ട​ർ​ന്ന് അ​ട​ച്ച് പൂ​ട്ടി​യ പാ​ർ​ക്കി​ലെ കു​ട്ടി​ക​ളു​ടെ പാ​ർ​ക്ക് മാ​ത്രം ക​ഴി​ഞ്ഞ വ​ർ​ഷം ഹൈ​കോ​ട​തി അ​നു​മ​തി​യി​ലാ​ണ് തു​റ​ന്ന​ത്.