കൃ​ഷി​യി​ടം വി​ടാ​തെ കാ​ട്ടാ​ന; ക​ഴി​ഞ്ഞ ദി​വ​സം സൗ​രോ​ർ​ജ വേ​ലിയും ത​ക​ർ​ത്തു

തി​രു​വ​മ്പാ​ടി: വ​ന്യ​മൃ​ഗ ആ​ക്ര​മ​ണം രൂ​ക്ഷ​മാ​യ പു​ല്ലൂ​രാം​പാ​റ മേ​ലെ പൊ​ന്നാ​ങ്ക​യ​ത്തെ ക​ർ​ഷ​ക​ർ നി​സ്സ​ഹാ​യാ​വ​സ്ഥ​യി​ൽ. കാ​ട്ടാ​ന​യും കാ​ട്ടു​പ​ന്നി​യു​മാ​ണ് കൃ​ഷി​യി​ടം വി​ടാ​തെ ക​ർ​ഷ​ക​ർ​ക്ക് ദു​രി​ത​മാ​യി മാ​റു​ന്ന​ത്. തെ​ങ്ങ്, ക​മു​ക്, ജാ​തി, കൊ​ക്കോ കൃ​ഷി​യി​ട​ങ്ങ​ളി​ലാ​ണ് വ​ന്യ​മൃ​ഗ​ങ്ങ​ൾ നാ​ശം വി​ത​ക്കു​ന്ന​ത്. ക​ഴി​ഞ്ഞ ര​ണ്ടു ദി​വ​സ​ങ്ങ​ളി​ലാ​യു​ണ്ടാ​യ കാ​ട്ടാ​ന ആ​ക്ര​മ​ണ​ത്തി​ൽ ജോ​സ് കു​ട്ടി മ​ണി​ക്കൊ​മ്പേ​ലി​ന്റെ കൃ​ഷി​യി​ട​ത്തി​ൽ വ​ൻ നാ​ശ​ന​ഷ്ട​മു​ണ്ടാ​യി. ഇ​ദ്ദേ​ഹം കൃ​ഷി​യി​ട​ത്തി​ന് സം​ര​ക്ഷ​ണ​മാ​യി ഗ്രാ​മ​പ​ഞ്ചാ​യ​ത്തി​ന്റെ സ​ബ്സി​ഡി​യോ​ടെ സ്ഥാ​പി​ച്ച സൗ​രോ​ർ​ജ വേ​ലി കാ​ട്ടാ​ന ത​ക​ർ​ത്തു. 50,000 രൂ​പ​യു​ടെ ന​ഷ്ട​മാ​ണ് ഇ​ദ്ദേ​ഹ​ത്തി​നു​ണ്ടാ​യ​ത്.

കാ​ട്ടു​പ​ന്നി​യും കു​ര​ങ്ങു​ക​ളും കൃ​ഷി​യി​ട​ത്തി​ൽ പ​തി​വാ​യി എ​ത്തി നാ​ശ​ന​ഷ്ട​മു​ണ്ടാ​ക്കു​ന്നു​ണ്ട്. പ്ര​ദേ​ശ​ത്ത് ക​ർ​ഷ​ക​ർ കൃ​ഷി ഉ​പേ​ക്ഷി​ച്ച് പോ​കു​ന്ന സാ​ഹ​ച​ര്യ​മാ​ണു​ള്ള​ത്. ക​ർ​ഷ​ക​ർ​ക്ക് ന​ഷ്ട​പ​രി​ഹാ​രം ല​ഭി​ക്കു​ന്നി​ല്ല. വ​ന്യ​മൃ​ഗ​ങ്ങ​ളെ പ്ര​തി​രോ​ധി​ക്കാ​ൻ വ​നം വ​കു​പ്പ് ന​ട​പ​ടി സ്വീ​ക​രി​ക്കു​ന്നി​ല്ലെ​ന്ന് ആ​ക്ഷേ​പ​മു​ണ്ട്. ക​ർ​ഷ​ക​ർ ജീ​വ​ൻ ര​ക്ഷാ​ർ​ഥം മേ​ലെ പൊ​ന്നാ​ങ്ക​യ​ത്തു​നി​ന്ന് കു​ടി​യി​റ​ങ്ങേ​ണ്ട സാ​ഹ​ച​ര്യ​മാ​ണു​ള്ള​തെ​ന്ന് പ്ര​ദേ​ശ​ത്തെ പൊ​തു​പ്ര​വ​ർ​ത്ത​ക​ർ പ​റ​ഞ്ഞു.

കാ​ട്ടാ​ന ആ​ക്ര​മ​ണം രൂ​ക്ഷ​മാ​യ മേ​ലെ പൊ​ന്നാ​ങ്ക​യ​ത്തെ ദു​രി​ത​മ​റി​യാ​ൻ വ​നം മ​ന്ത്രി എ.​കെ. ശ​ശീ​ന്ദ്ര​ൻ പ്ര​ദേ​ശം സ​ന്ദ​ർ​ശി​ക്ക​ണ​മെ​ന്ന് ക​ർ​ഷ​ക കോ​ൺ​ഗ്ര​സ് തി​രു​വ​മ്പാ​ടി നി​യോ​ജ​ക മ​ണ്ഡ​ലം ക​മ്മി​റ്റി ആ​വ​ശ്യ​പ്പെ​ട്ടു. ക​ർ​ഷ​ക​ർ​ക്ക് ഉ​ട​ൻ ന​ഷ്ട​പ​രി​ഹാ​രം ന​ൽ​ക​ണം. ക​ർ​ഷ​ക കോ​ൺ​ഗ്ര​സ് യോ​ഗം സം​സ്ഥാ​ന ജ​ന​റ​ൽ സെ​ക്ര​ട്ട​റി സ​ണ്ണി കാ​പ്പാ​ട്ട് മ​ല യോ​ഗം ഉ​ദ്ഘാ​ട​നം ചെ​യ്തു. മ​ണ്ഡ​ലം പ്ര​സി​ഡ​ന്റ് സ​ജോ പ​ടി​ഞ്ഞാ​റെ​കു​റ്റ് അ​ധ്യ​ക്ഷ​ത വ​ഹി​ച്ചു. നി​യോ​ജ​ക​മ​ണ്ഡ​ലം പ്ര​സി​ഡ​ന്റ് ഷി​ജു ചെ​മ്പ​നാ​നി, ജി​ല്ല ജ​ന​റ​ൽ സെ​ക്ര​ട്ട​റി ജി​തി​ൻ പ​ല്ലാ​ട്ട്, ഗോ​പി​നാ​ഥ​ൻ മു​ത്തേ​ട​ത്ത്, സോ​ണി മ​ണ്ഡ​പ​ത്തി​ൽ, ബേ​ബി​ച്ച​ൻ കൊ​ച്ചു​വേ​ലി, ബി​നു പു​തു​പ്പ​റ​മ്പി​ൽ, പു​രു​ഷ​ൻ നെ​ല്ലി​മൂ​ട്ടി​ൽ സം​സാ​രി​ച്ചു.