രാമനാട്ടുകര കിൻഫ്ര പാർക്കിന്​ ഭൂമി വിട്ടുകൊടുത്തവർ നഷ്​ടപരിഹാരത്തിന്​ കാത്തിരിക്കുന്നു

കോ​ഴി​ക്കോ​ട്​: കെ-​റെ​യി​ൽ പ​ദ്ധ​തി​യി​ൽ ഭൂ​മി ന​ഷ്ട​​പ്പെ​ടു​ന്ന​വ​ർ​ക്ക്​ വ​മ്പ​ൻ ന​ഷ്​​ട​പ​രി​ഹാ​ര പാ​ക്കേ​ജ്​ പ്ര​ഖ്യാ​പി​ച്ച സ​ർ​ക്കാ​ർ 110 കോ​ടി​യു​ടെ ന​ഷ്ട​പ​രി​ഹാ​രം കൈ​മാ​റാ​തെ വ​ഞ്ചി​ക്കു​ക​യാ​ണെ​ന്ന്​ രാ​മ​നാ​ട്ടു​ക​ര കി​ൻ​ഫ്ര നോ​ള​ജ്​ പാ​ർ​ക്കി​ന്​ ഭൂ​മി വി​ട്ടു​കൊ​ടു​ത്ത​വ​രു​ടെ കൂ​ട്ടാ​യ്മ വാ​ർ​ത്ത സ​മ്മേ​ള​ന​ത്തി​ൽ ആ​രോ​പി​ച്ചു. 2008ൽ 77.68 ​ഏ​ക്ക​ർ ഭൂ​മി ഏ​റ്റെ​ടു​ത്തി​ന്‍റെ മു​ഴു​വ​ൻ ന​ഷ്ട​പ​രി​ഹാ​ര​വും സ​ർ​ക്കാ​ർ ന​ൽ​കു​ന്നി​ല്ല.

കോ​ട​തി​വി​ധി​ക്കെ​തി​രെ സു​പ്രീം​കോ​ട​തി വ​രെ നി​യ​മ​യു​ദ്ധം ന​ട​ത്തി ഇ​ര​ക​ളെ ബു​ദ്ധി​മു​ട്ടി​ലാ​ക്കു​ക​യാ​ണ്. ഭൂ​മി ഏ​റ്റെ​ടു​ത്താ​ൽ സ​ർ​ക്കാ​ർ ത​രു​ന്ന ന​ഷ്ട​പ​രി​ഹാ​ര​ത്തി​ൽ കൂ​ടു​ത​ൽ കോ​ട​തി വ​ഴി ല​ഭി​ക്കു​മെ​ന്ന്​ അ​ന്ന​ത്തെ വ്യ​വ​സാ​യ മ​ന്ത്രി എ​ള​മ​രം ക​രീം ഉ​റ​പ്പു​ത​ന്ന​താ​യി​രു​ന്നെ​ന്ന്​ കൂ​ട്ടാ​യ്മ​യു​ടെ ഭാ​ര​വാ​ഹി​ക​ൾ പ​റ​ഞ്ഞു. വീ​ട്​ ന​ഷ്ട​പ്പെ​ട്ട​വ​ർ​ക്ക്​ അ​ഞ്ച്​ സെ​ന്‍റ്​ ഭൂ​മി മ​റ്റൊ​രി​ട​ത്ത്​ ന​ൽ​കു​മെ​ന്നും വാ​ഗ്ദാ​ന​മു​ണ്ടാ​യി​രു​ന്നു. ഇ​തേ വാ​ഗ്ദ​ന​മാ​ണ്​ കെ-​റെ​യി​ൽ പ​ദ്ധ​തി​യി​ൽ ന​ഷ്​​ട​പ്പെ​ടു​ന്ന​വ​ർ​ക്കും സ​ർ​ക്കാ​ർ പ്ര​ഖ്യാ​പി​ച്ച​ത്.

പൊ​ള്ള​യാ​യ വാ​ഗ്ദാ​ന​ങ്ങ​ളാ​ണി​ത്. രാ​മ​നാ​ട്ടു​ക​ര​യി​ൽ ഭൂ​മി വി​ട്ടു​കൊ​ടു​ത്ത​വ​ർ​ക്ക്​ 110 കോ​ടി രൂ​പ​യാ​ണ്​ ന​ഷ്ട​പ​രി​ഹാ​രം ന​ൽ​കേ​ണ്ട​ത്. പ​കു​തി​യോ​ളം തു​ക 2014ൽ ​ല​ഭി​ച്ചി​രു​ന്നു. 120ഓ​ളം കു​ടും​ബ​ങ്ങ​ളി​ലെ 2000ത്തി​ലേ​റെ പേ​രാ​ണ്​ കാ​ത്തി​രി​ക്കുന്ന​ത്. ക​ഴി​ഞ്ഞ​മാ​സം വ്യ​വ​സാ​യ മ​ന്ത്രി പി. ​രാ​ജീ​വ്, സ്ഥ​ലം എം.​എ​ൽ.​എ കൂ​ടി​യാ​യ പൊ​തു​മ​രാ​മ​ത്ത്​ മ​ന്ത്രി പി.​എ. മു​ഹ​മ്മ​ദ്​ റി​യാ​സ്​ എ​ന്നി​വ​രു​മാ​യു​ള്ള ച​ർ​ച്ച​യി​ൽ ഡി​സം​ബ​ർ 31ന​കം ബാ​ക്കി ന​ഷ്ട​പ​രി​ഹാ​രം ന​ൽ​കാ​മെ​ന്ന്​ ഉ​റ​പ്പു​ന​ൽ​കി​യ​താ​ണ്.

14 കോ​ടി രൂ​പ കു​റ​ക്കാ​നും കോ​ട​തി​വി​ധി പ്ര​കാ​ര​മു​ള്ള ര​ണ്ടു​വ​ർ​ഷ​ത്തെ പ​ലി​ശ​യാ​യ 30 കോ​ടി​യോ​ളം രൂ​പ വേ​ണ്ടെ​ന്നും സ​മ​ര​സ​മി​തി സ​മ്മ​തി​ച്ച​താ​ണ്. ഇ​തു​ സം​ബ​ന്ധി​ച്ച്​ വ്യ​വ​സാ​യ​മ​ന്ത്രി ഫേ​സ്​​ബു​ക്കി​ൽ കു​റി​പ്പു​മെ​ഴു​തി​യി​രു​ന്നു. എ​ന്നാ​ൽ, ന​ട​പ​ടി​യു​ണ്ടാ​യി​ല്ല. സു​പ്രീം​കോ​ട​തി​യി​ല​ട​ക്കം നി​യ​മ​പോ​രാ​ട്ടം ന​ട​ത്താ​ൻ ല​ക്ഷ​ങ്ങ​ൾ ചെ​ല​വാ​കു​ന്നു​​ണ്ടെ​ന്നും സ​മ​ര​സ​മി​തി കൂ​ട്ടി​ച്ചേ​ർ​ത്തു. കോ​യാ​മു ഹാ​ജി, എം.​പി. ജ​നാ​ർ​ദ​ന​ൻ, പി. ​മു​ഹ​മ്മ​ദ്​ ഫൈ​സ​ൽ എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ സം​ബ​ന്ധി​ച്ചു.