ശുചിമുറി മാലിന്യം പരന്നൊഴുകുന്നു; മെഡി. കോളജ് കാമ്പസിൽ ആശങ്ക

കോ​ഴി​ക്കോ​ട്: മെ​ഡി​ക്ക​ൽ കോ​ള​ജ് കാ​മ്പ​സി​ലെ ശു​ചി​മു​റി മാ​ലി​ന്യ പ്ലാ​ന്‍റി​ൽ​നി​ന്ന് മാ​ലി​ന്യം പു​റ​ത്തേ​ക്ക് ഒ​ഴു​കു​ന്ന​ത് കാ​മ്പ​സി​ൽ പ​ക​ർ​ച്ച​വ്യാ​ധി ഭീ​ഷ​ണി സൃ​ഷ്ടി​ക്കു​ന്നു. പ്ലാ​ന്‍റി​ന്‍റെ മാ​ലി​ന്യ ടാ​ങ്ക് നി​റ​ഞ്ഞ് പു​റ​ത്തേ​ക്ക് ഒ​ഴു​കി മ​ഴ​യി​ൽ പ​രി​സ​ര​മാ​കെ പ​ര​ന്നൊ​ലി​ക്കു​ന്ന സ്ഥി​തി​യാ​ണ്. ജീ​വ​ന​ക്കാ​രു​ടെ ക്വാ​ർ​ട്ടേ​ഴ്സി​ന് പി​റ​കി​ലൂ​ടെ​യു​ള്ള റോ​ഡി​ലൂ​ടെ​യാ​ണ് മാ​ലി​ന്യം പ​ര​ന്നൊ​ഴു​കു​ന്ന​ത്. സ​മീ​പ​ത്തെ പി.​ജി ഹോ​സ്റ്റ​ലി​ലെ താ​മ​സ​ക്കാ​ർ​ക്കും ഇ​ത് ഭീ​ഷ​ണി​യാ​യി​രി​ക്കു​ക​യാ​ണ്. പു​റ​ത്തു​നി​ന്ന് കൊ​ണ്ടു​വ​രു​ന്ന മാ​ലി​ന്യം ടാ​ങ്കി​ൽ ഉ​ൾ​ക്കൊ​ള്ളാ​ൻ ക​ഴി​യാ​തെ പു​റ​ത്തേ​ക്ക് ഒ​ഴു​കു​ക​യാ​ണെ​ന്ന് ക്വാ​ർ​ട്ടേ​ഴ്സി​ലെ ജീ​വ​ന​ക്കാ​ർ പ​റ​ഞ്ഞു. ജീ​വ​ന​ക്കാ​ർ ഇ​തു സം​ബ​ന്ധി​ച്ച് പ്രി​ൻ​സി​പ്പ​ലി​ന് പ​രാ​തി ന​ൽ​കി.

ഹെ​ൽ​ത്ത് ഇ​ൻ​സ്പെ​ക്ട​ർ​മാ​ർ​ക്ക് ഇ​തു​സം​ബ​ന്ധി​ച്ച് പ​രാ​തി​പ്പെ​ട്ടെ​ങ്കി​ലും മു​ട​ന്ത​ൻ ന്യാ​യ​ങ്ങ​ൾ പ​റ​ഞ്ഞ് ഒ​ഴി​ഞ്ഞു​മാ​റു​ക​യാ​ണെ​ന്നും ജീ​വ​ന​ക്കാ​ർ പ​റ​ഞ്ഞു. മ​ഴ പെ​യ്യു​മ്പോ​ൾ പ്ലാ​ന്റി​ൽ​നി​ന്ന് മ​ലി​ന​ജ​ലം പു​റ​ത്തേ​ക്കൊ​ഴു​ക്കി​വി​ടു​ന്ന​ത് പ​തി​വാ​ണെ​ന്നും ജീ​വ​ന​ക്കാ​ർ ആ​രോ​പി​ച്ചു. പ്ര​ശ്ന​ത്തി​ന് ഉ​ട​ൻ പ​രി​ഹാ​രം കാ​ണ​ണ​മെ​ന്നും അ​ല്ലെ​ങ്കി​ൽ ശ​ക്ത​മാ​യ പ്ര​തി​ഷേ​ധ​ത്തി​ലേ​ക്ക് നീ​ങ്ങു​മെ​ന്നും ജീ​വ​ന​ക്കാ​ർ പ​റ​ഞ്ഞു.

ന​ഗ​ര​ത്തി​ലെ ശു​ചി​മു​റി മാ​ലി​ന്യ​ങ്ങ​ൾ മെ​ഡി​ക്ക​ൽ കോ​ള​ജ് കാ​മ്പ​സി​ലെ സീ​വേ​ജ് ട്രീ​റ്റ്‌​മെ​ന്‍റ് പ്ലാ​ന്‍റി​ലെ​ത്തി​ച്ച് സം​സ്ക​രി​ക്കു​ന്ന​തി​നെ​തി​രെ ജീ​വ​ന​ക്കാ​ർ നേ​ര​ത്തേ​ത​ന്നെ പ്ര​തി​ഷേ​ധി​ച്ചി​രു​ന്നു. തു​ട​ർ​ന്ന് മെ​ഡി​ക്ക​ൽ കോ​ള​ജ് പ്രി​ൻ​സി​പ്പ​ൽ നി​യോ​ഗി​ച്ച വി​ദ​ഗ്ധ സ​മി​തി പ​ഠ​നം ന​ട​ത്തു​ക​യും പു​റ​ത്തു​നി​ന്നു​ള്ള മാ​ലി​ന്യം ആ​രോ​ഗ്യ കേ​ന്ദ്ര​ത്തി​ന്‍റെ കാ​മ്പ​സി​ൽ എ​ത്തി​ച്ച് സം​സ്ക​രി​ക്കു​ന്ന​ത് ഗു​രു​ത​ര ആ​രോ​ഗ്യ പ്ര​ശ്ന​ങ്ങ​ൾ ഉ​ണ്ടാ​ക്കു​മെ​ന്നും ഇ​ത് പ​രി​ഹ​രി​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നും ആ​വ​ശ്യ​പ്പെ​ട്ടി​രു​ന്നു. കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ലെ​യും അ​നു​ബ​ന്ധ സ്ഥാ​പ​ന​ങ്ങ​ളി​ലെ​യും ശു​ചി​മു​റി മാ​ലി​ന്യം സം​സ്‌​ക​രി​ക്കാ​ൻ 13 കോ​ടി രൂ​പ മു​ട​ക്കി കോ​ഴി​ക്കോ​ട് കോ​ർ​പ​റേ​ഷ​ന്‍ നി​ർ​മി​ച്ച് 2023ല്‍ ​ഉ​ദ്ഘാ​ട​നം ചെ​യ്യ​പ്പെ​ട്ട സീ​വേ​ജ് ട്രീ​റ്റ്‌​മെ​ന്റ് പ്ലാ​ന്റി​ലേ​ക്ക് കോ​ള​ജി​ലെ ഭൂ​രി​ഭാ​ഗം സ്ഥാ​പ​ന​ങ്ങ​ളെ​യും ഇ​തു​വ​രെ ബ​ന്ധി​പ്പി​ച്ചി​ട്ടി​ല്ല.