കൈവിരലിന് പകരം നാവിന് ശസ്ത്രക്രിയ; ‘ഡോക്ടർമാർക്കത് നിസ്സാരമായിരിക്കും, ഞങ്ങൾക്ക് മകളുടെ കാര്യമല്ലേ’

കോ​ഴി​ക്കോ​ട്: മെ​ഡി​ക്ക​ൽ കോ​ള​ജ് മാ​തൃ​ശി​ശു സം​ര​ക്ഷ​ണ കേ​ന്ദ്ര​ത്തി​ൽ ഇ​ട​തു കൈ​യി​ലെ ആ​റാം​വി​ര​ലി​ന് പ​ക​രം നാ​വി​ൽ ശ​സ്ത്ര​ക്രി​യ ന​ട​ത്തി‍യ സം​ഭ​വ​ത്തി​ൽ തെ​റ്റ് ബോ​ധ്യ​പ്പെ​ട്ടി​ട്ടും നി​രു​ത്ത​ര​വാ​ദ​പ​ര​മാ​യാ​ണ് ഡോ​ക്ട​ർ പെ​രു​മാ​റി​യ​തെ​ന്ന് പി​താ​വ് റാ​സി​ഖ്. ‘ശ​സ്ത്ര​ക്രി​യ ക​ഴി​ഞ്ഞ​തി​ന് ശേ​ഷം മ​ണി​ക്കൂ​റു​ക​ളോ​ളം ആ​ശു​പ​ത്രി​യി​ൽ ഉ​ണ്ടാ​യി​രു​ന്നി​ട്ടും ശ​സ്ത്ര​ക്രി​യ ന​ട​ത്തി​യ ഡോ​ക്ട​റോ ജൂ​നി​യ​ർ ഡോ​ക്ട​ർ​മാ​രോ കു​ട്ടി​യെ ഒ​ന്ന് വ​ന്നു​നോ​ക്കു​ക പോ​ലും ചെ​യ്തി​ട്ടി​ല്ല. ഒ​രു പി​ഴ​വ് പ​റ്റി​യാ​ൽ ഡോ​ക്ട​റു​ടെ ഭാ​ഗ​ത്തു​നി​ന്നു ഒ​രു ശ്ര​ദ്ധ ഉ​ണ്ടാ​വേ​ണ്ട​ത​ല്ലേ?. അ​തു​ണ്ടാ​യി​ല്ല. അ​വ​ർ അ​തി​നെ നി​സ്സാ​ര​മാ​യാ​ണ് ക​ണ്ട​ത്.

സാ​ധാ​ര​ണ ന​ട​ക്കു​ന്ന മൈ​ന​ർ സ​ർ​ജ​റി​യാ​ണ് ന​ട​ന്ന​തെ​ന്നും കു​ഴ​പ്പ​മൊ​ന്നും ഉ​ണ്ടാ​കി​ല്ല എ​ന്നു​മാ​യി​രു​ന്നു ഡോ​ക്ട​റു​ടെ നി​ല​പാ​ട്. മ​ക​ൾ​ക്ക് നാ​വി​ൽ കെ​ട്ടു​ണ്ടാ​യി​രു​ന്നു എ​ന്നും അ​തു​കൊ​ണ്ടാ​ണ് ശ​സ്ത്ര​ക്രി​യ ന​ട​ത്തി​യ​ത് എ​ന്നു​മാ​ണ് ഡോ​ക്ട​ർ പ​റ​ഞ്ഞ​ത്. മ​ക​ൾ​ക്ക് സം​സാ​ര​ത്തി​ൽ ഒ​രു പ്ര​ശ്ന​ങ്ങ​ളും ഉ​ണ്ടാ​യി​രു​ന്നി​ല്ല. ചി​കി​ത്സ തേ​ടി​യ​തും അ​തി​ന​ല്ല. പി​ന്നെ ത​ങ്ങ​ളു​ടെ അ​നു​വാ​ദ​മി​ല്ലാ​തെ എ​ങ്ങ​നെ​യാ​ണ് കു​ട്ടി​യു​ടെ നാ​വി​ൽ ശ​സ്ത്ര​ക്രി​യ ന​ട​ത്തു​ക​യെ​ന്ന് ചോ​ദി​ച്ച​പ്പോ​ഴാ​ണ് ഡോ​ക്ട​ർ വീ​ഴ്ച അം​ഗീ​ക​രി​ക്കാ​ൻ ത​യാ​റാ‍യ​തെ​ന്നും റാ​സി​ക് പ​റ​ഞ്ഞു.

ഡോ​ക്ട​ർ​മാ​ർ​ക്ക് ചി​ല​പ്പോ​ൾ ഇ​ത് നി​സ്സാ​ര​മാ​യി​രി​ക്കും. ത​ങ്ങ​ൾ​ക്ക് മ​ക​ളു​ടെ ജീ​വി​ത​ത്തെ ബാ​ധി​ക്കു​ന്ന വി​ഷ​മാ​ണ്. ത​ങ്ങ​ളു​ടെ സ​മ്മ​തം കൂ​ടാ​തെ​യാ​ണ് ശ​സ്ത്ര​ക്രി​യ ചെ​യ്ത​തെ​ന്നും ഭാ​വി​യി​ൽ കു​ട്ടി​ക്ക് എ​ന്തെ​ങ്കി​ലും പ്ര​ശ്നം വ​ന്നാ​ൽ അ​തി​ന്‍റെ ഉ​ത്ത​ര​വാ​ദി​ത്തം ശ​സ്ത്ര​ക്രി​യ ന​ട​ത്തി​യ ഡോ​ക്ട​ർ​ക്കാ​യി​രി​ക്കും എ​ന്ന് എ​ഴു​തി ന​ൽ​ക​ണ​മെ​ന്നും ആ​വ​ശ്യ​പ്പെ​ട്ടെ​ങ്കി​ലും ആ​ദ്യം ഡോ​ക്ട​ർ ത​യാ​റാ​യി​രു​ന്നി​ല്ല. അ​തി​ന് ത​യാ​റാ​യി​ല്ലെ​ങ്കി​ൽ ത​ങ്ങ​ൾ ആ​ശു​പ​ത്രി വി​ട്ടു​പോ​വി​ല്ല എ​ന്ന് പ​റ​ഞ്ഞ​തോ​ടെ​യാ​ണ്, ര​ക്ഷി​താ​ക്ക​ളു​ടെ സ​മ്മ​ത​മി​ല്ലാ​തെ​യാ​ണ് ശ​സ്ത്ര​ക്രി​യ ന​ട​ത്തി​യ​തെ​ന്ന് ഡോ​ക്ട​ർ ഒ.​പി ശീ​ട്ടി​ൽ എ​ഴു​തി​ന​ൽ​കി​യ​ത്.

ഇ​ത് കേ​സ​ന്വേ​ഷ​ണ​ത്തി​ന്‍റെ ഭാ​ഗ​മാ​യി മെ​ഡി​ക്ക​ൽ കോ​ള​ജ് പൊ​ലീ​സി​ന് കൈ​മാ​റി​യ​താ​യും പി​താ​വ് അ​റി​യി​ച്ചു. നാ​വി​ന്‍റെ അ​ടി​ഭാ​ഗ​ത്ത് ര​ക്തം ക​ട്ട​കെ​ട്ടി നി​ൽ​ക്കു​ക​യും വേ​ദ​ന അ​നു​ഭ​വ​പ്പെ​ടു​ക​യും ചെ​യ്യു​ന്നു​ണ്ട്. ശ​സ്ത്ര​ക്രി​യ​ക്കു ശേ​ഷ​വും കു​ട്ടി​ക്ക് സം​സാ​രി​ക്കു​ന്ന​തി​ൽ പ്ര​യാ​സം ശ്ര​ദ്ധ​യി​ൽ​പ്പെ​ട്ടി​ട്ടി​ല്ല. ഭാ​വി​യി​ൽ എ​ന്തെ​ങ്കി​ലും പ്ര​ശ്നം ഉ​ണ്ടാ​വു​മോ എ​ന്നാ​ണ് ആ​ശ​ങ്ക​യെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

വ്യാ​ഴാ​ഴ്ച​യാ​ണ് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് മാ​തൃ​ശി​ശു സം​ര​ക്ഷ​ണ കേ​ന്ദ്ര​ത്തി​ൽ ഇ​ട​തു കൈ​വി​ര​ലി​ലെ ആ​റാം​വി​ര​ൽ നീ​ക്കം​ചെ​യ്യാ​നെ​ത്തി​യ ചെ​റു​വ​ണ്ണൂ​ർ സ്വ​ദേ​ശി​യാ​യ നാ​ലു വ​യ​സ്സു​കാ​രി​ക്ക് നാ​വി​ൽ ശ​സ്ത്ര​ക്രി​യ ന​ട​ത്തി​യ​ത്.

ബ​ന്ധു​ക്ക​ൾ പ​റ​ഞ്ഞ​പ്പോ​ഴാ​ണ് അ​വ​യ​വം മാ​റി ശ​സ്ത്ര​ക്രി​യ ന​ട​ത്തി​യ​ത് ഡോ​ക്ട​ർ മ​ന​സ്സി​ലാ​ക്കി​യ​ത്. പി​ന്നീ​ട് കു​ട്ടി​യെ വീ​ണ്ടും തി​യ​റ്റ​റി​ൽ ക​യ​റ്റി കൈ​യി​ൽ ശ​സ്ത്ര​ക്രി​യ ന​ട​ത്തു​ക​യാ​യി​രു​ന്നു.